Anduezak aurrekontu "hedakorra" eskatu dio Pradalesi, adostutako "gobernu akordioari eratzungo diona"
Halaber, buruzagi sozialistak lehendakariari esan dio Gernikako Estatutuaren erreforma lantzea alderdi politikoei dagokiela.
Datorren urteko aurrekontuak, nazioarteko egoera edota estatus berria. Hiru gaion inguruan hitz egin dute Imanol Pradales lehendakariak eta Eneko Andueza, PSEko idazkari nagusiak, gaur izan duten bileran.
Hitzordua amaitutakoan egin duen agerraldian, buruzagi sozialistak jakinarazi du, besteak beste, "aurrekontu hedakorrak" eta "inbertsio eraginkorrak" eskatu dizkiola lehendakariari. "Adostutako gobernu akordioari erantzungo dioten aurrekontuak", esan du.
Aurreratu duenez, datorren urteko kontuen inguruan bi gobernu bazkideen arteko negoziazioa "aurreratuta" dago, eta itxaropentsu agertu da, PSE-EEk mahai gainean jarritakoak beteko direlakoan. "Gobernu honen bide-orria aurrerakoia da eta aurrekontuek hori islatzea espero dugu", erantsi du.
Estatus berriari buruz, berriz, Anduezak lehendakariari helarazi dio gai hori lantzea alderdi politikoei dagokiela. "Esan diot gai hau alderdien artean jorratu behar dela, akordio programan jasota dagoen bezala".
Horrekin lotuta, adierazi du "batzen gaituzten gauzetan" jarri behar dela indarra. "Bestela, berriro ahalegin honek porrot egingo du". Bere hitzetan, Eusko Legebiltzarrean eztabaidatu eta adostu beharko da gaia. "Aniztasuna" eta azken urteotan lortutako "eskubide sozialak sendotzea" dira helburuak, Anduezaren ustez.
Gogoratu duenez, duela bi legealdi gaiaren inguruan sortutako ponentziak egindako lana "izugarri ona" izan zela, eta bide horri eustearen alde agertu da.
Azkenik, nazioarteko ezegonkortasunarekiko eta horrek euskal ekonomian izan ditzakeen ondorio kaltegarrien inguruko kezka ere azaldu dio PSE-EEko ordezkariak Jaurlaritzako gobernuburuari. "Trumpen muga-zergak, Frantzia edota Alemaniako egoera ekonomikoa edo Ukrainako gerra ez dira jokaleku egokiena gure enpresentzat".
Hori dela eta, "neurriak" hartu behar direla nabarmendu du, "ondorio kaltegarriak saihesteko". Nolanahi ere, iritzi dio Espainiako egoera ekonomikoa "portaera ona" ari dela erakusten, eta, oraingoz, "aukera gehiago" ikusten ditu arriskuak baino.
Urte politiko berria abiatu berritan, lehendakariak bere asmoak eta helburuak partekatzeko, alderdiekin abiatu duen errondaren barruan kokatzen da gaurko bilera.
Zure interesekoa izan daiteke
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.
"Mina minaren gainean" eragitea egotzi dio Rosa Zarraren familiak Atutxari
Joan den asteburuan ETBn egindako elkarrizketan, Barne sailburu izandakoak esan zuen Zarraren familiari barkarmena eskatzeko arazorik ez zuela, baina zehaztu zuen ETAk hildako 15 ertzaintzen familiek ere zerbait entzun nahiko luketela. "Gauza asko sartu beharko genituzke pakete horretan", adierazi zuen.