Nafarroako Gobernuak beste sei pertsona gehiago aitortu ditu Estatuaren bortxaren biktima modura
Ebazpen horiekin 84 dira jada orian arte 16/2019 Foru Legearen esparruan indarkeria politikoaren biktima gisa aitortutako pertsonak.
Nafarroako Gobernuak "giza eskubideen urraketen biktima" modura aitortu ditu, 6/2019 Foru Legearen babesean, Nafarroan estatuaren aldetik bortxa politikoa jasan zuten beste sei pertsona.
Hala jakinarazi du 'Egiaren garaia da. Memoria Inclusiva para Navarra' ekimenak adierazpen batean, eta gaineratu duenez aintzatespen horiek "aurrera pauso dira Nafarroan memoria inklusibo batekin konprometituko den eta motibazio politikoko indarkeriaren testuinguruan gertatutako guztia salbuespenik gabe ezagutzeko aukera emango duen elkarbizitza esparru bat eraikitzeko bidean".
Errekonozimendu eta Erreparazio Batzordeak onartutako kasuek "berriro ere erakusten dute Nafarroako indarkeria politikoaren errealitateari erantzukizunez heldu behar diotela botere publikoek".
Ekimenetik pertsona horietako bosten izenak jakinarazi dituzte. Horien artean, Jose Luis Cerezo Conde, 1970ean eta 1973an Polizia Nazionalak birritan torturatua, eta Joxe Lacalle Huarte. 1978an Guerrilleros de Cristo Reyk bere tabernan egindako eraso baten biktima izan zen Lacalle, 1979an lehergailu bat jarri zioten bere tabernan eta 1981ean Guardia Zibilak torturatu egin zuen.
Horiez gain, biktima gisa aitortua izan da Txaro Etxetxipia Senosiain, 1983an Polizia Nazionalak torturatua; baita Odon Ulibarrena Iroz, 1984an eta 1985ean Polizia Nazionalak bi aldiz torturatua; eta Javier Casado Gurucharri, 1990ean Polizia Nazionalaren erasoa jasan zuena.
Ebazpen horiekin, dagoeneko 84 dira Foru Lege honen esparruan ofizialki indarkeria politikoaren biktima gisa aitortutako pertsonak. Egiari Zor eta Pertsona Torturatuen Sareak eskuartean dituten datuen arabera, biktima horieetatik sei hildako pertsonak dira (horietako bat torturaren ondorioz); 54 torturatuak; 19 lesio fisiko eta/edo psikologikoak jasan dituztenak; bi pertsona kalte materialak jasandakoak; torturatutako pertsona bat zeinak lesio fisikoak eta kalte materialak ere jasan zituen; torturatutako pertsona bat, kalte materialak ere jasan zituena; eta beste bat lesio fisiko eta kalte materialak jasan zituena.
Zure interesekoa izan daiteke
?fmt=webp-alpha&qlt=80)
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.
Jean-Rene Etchegaray izan da garaile Baionan, bigarren itzuliaren zain
Etchegaray zentrista bigarren itzulira iritsi da, Jean-Claude Iriart hautagai abertzalearekin, Henri Etcheto sozialistarekin eta, lehen aldiz, eskuin muturreko hautagai batekin, Pascal Lesellierrekin. Hain zuzen ere, ultraeskuinak bere emaitzak bikoiztea lortu du sei urtean, aurreko hauteskundeetatik.