Begoña Gomez ez da aurkeztu epailearen aurrean, herri-epaimahai batek epaitzeko prozesuaren baitan
Espainiako Gobernuko presidentearen emaztea herri-epaimahai batek epaitu ahal izateko izapidea zen, ustez diru publikoa bidegabe erabiltzea egotzita. Cristina Alvarez, Gomezen aholkularia, eta Francisco Martin, Gobernuaren ordezkaria Madrilen, ere ez dira aurkeztu.
Begoña Gomez Espainiako Gobernuko presidentearen emazteak Juan Carlos Peinado epailearen aurrean deklaratu behar zuen larunbat arratsaldean, diru publikoa bidegabe erabiltzea leporatuta irekita dagoen ikerketaren baitan herri-epaimahai batek epaitu ahal izateko izapide gisa. Hala ere, Gomez eta beste bi ikertuak ez dira epailearen aurrean aurkeztu. Horien abokatuak, ordea, epaile aurrera joan dira.
Gomez bosgarren aldiz deitu dute deklaratzera 2024ko apirilean ikerketa abiatu zenetik, eta Madrilgo 41. Instrukzio Epaitegian egin behar zuen.
Prozesu nagusitik bereizitako pieza honetan ikertutako beste bi ikertuak ere deitu dituzte deklaratzera: Cristina Alvarez, Gomezen aholkularia Moncloan, eta Francisco Martin, Espainiako Gobernuaren ordezkaria Madrilen.
Ikertuen defentsek azaldu dutenez, ez joateak ez du eraginik prozedura judizialean. Horrenbestez, hiru ikertuek ez aurkeztea erabaki dute, ez baitute ezinbestekotzat jo.
Fiskaltzaren 1995eko abenduaren 29ko zirkular batek babesten du erabaki hori, horrelako bistetara abokatuak bakarrik joatea baimentzen baitu, gaur gertatu den bezala.
"Agerraldian inputazio horren baldintzak bakarrik zehaztuko dira, eta betiere letraduaren aurrean. Inputatua bertan egotea ez da ezinbestekoa. Agerraldian, berehala ikusiko denez, ez da instrukzio-eginbiderik egiten, eta, beraz, ezta inputatuaren deklaraziorik ere", dio 4/1995 zirkularrak.
Ustez dirua bidegabe erabiltzeagatik ari dira ikertzen hirurak; izan ere, Peinadok uste du delitu zantzuak daudela 2018tik Cristina Alvarez Begoña Gomezen aholkulari gisa eginkizun pribatuak egin baditu harentzat, funts publikoekin ordainduta.
Pieza bereizi hori prozedura nagusitik kanpo doa. Prozedura nagusian, negozioetako ustelkeria, intrusismoa, eragimen-trafikoa eta bidegabeko jabetzea egozten dizkiote.
Larunbat honetako eginbidea zinpeko epaimahaiaren legeak zehazten duen izapide bat da. Epaileak prozesua bide horretatik jarraitzea proposatu zuenetik (asteartean egin zuen) bost eguneko epean egin behar da, eta haren kontrako inputazioa eta auziaren etorkizuna zehaztu behar ditu.
Izapide hori egin ondoren, epaileak prozesuarekin jarraitu edo ez erabakiko du. Hala ere, Lurralde Auzitegian helegitea jartzeko aukera egongo da.
Zure interesekoa izan daiteke
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.
Adin txikikoei zezen-ikuskizunetan parte hartzeko aukera emango dien legea onartu du Legebiltzarrak
Ganaduzaleek araua txalotu duten bitartean, talde animalistek esan dute "atzerapausoa" dela eta aurreratu dute auzitara joko dutela.