Gipuzkoako Foru Aldundiak hurrengo LEPak egokituko ditu, lanpostuen heren batean euskara egiaztatzea atzeratzeko
Aldundiaren bozeramaileak iragarri du 113 lanpostu eskainiko dituzten 13 LEP jarriko direla martxan. Azken epai judizialen ondoren, ordea, euskara-eskakizunetan aldaketak izango dira; izan ere, lanpostuen % 34tan hizkuntza-eskakizuna aurrez izatea ez da nahitaezkoa izango eta egiaztatu ahal izateko epe bat emango da.
Irune Berasaluze, Gipuzkoako Foru Aldundiaren bozeramailea, artxiboko irudi batean. Argazkia: EFE
Gipuzkoako Foru Aldundiak iragarri du 113 lanpostuko 13 LEP jarriko dituela martxan eta, epaitegietatik etorritako azken ebazpenen ondoren, euskara-eskakizunetan aldaketak izango direla horietan. Hain zuzen ere, lanpostuen % 34tan ez da nahitaezkoa izango aurrez hizkuntza-eskakizuna egiaztaturik izatea, eta “denbora” eta “bitartekoak” emango dira egiaztatu ahal izateko.
Aldaketa horrek herritarrekin harreman gutxien duten lanpostuei eragingo die, eta aukera berri bat irekitzen du: deialdira aurkeztea une horretan eskatutako euskara eskakizuna izan gabe, orain arte ez bezala.
Irune Berasaluze foru bozeramaileak egin du iragarpena asteartean, Foru Gobernuaren Kontseiluaren bileraren osteko prentsaurrekoan. Bertan, argi utzi du foru erakundeak "aldi baterako" egokituko dituela bere LEPak, "epaiak bete ahal izateko", erakundea "kolapsatzea" saihesteko.
Hala ere, azpimarratu du Aldundiak tinko jarraituko duela nagusiki euskaraz funtzionatuko duen administrazio bat lortzeko helburuan: "Horregatik guztiagatik, ez dugu atzerapausorik emango", ohartarazi du.
Berasaluzek esan du beharrezkoa dela "arduraz jokatzea" Euskal Autonomia Erkidegoko Justizia Auzitegi Nagusiaren epaien ostean sortutako "egoera konplexuaren" aurrean. Eta onartu du epai horiek "deialdi publikoak geldiarazi” dituztela eta “blokeoa" eragin dutela foru erakundearen funtzionamenduan.
"Aldi baterako" egokitzapena
Berasaluzek adierazi du egokitzapena aldi baterako egingo dela, deialdiei segurtasun juridikoa emate aldera. Bere hitzetan, Eusko Legebiltzarrean izapidetu daitekeen Enplegu Publikoaren Legearen erreformaren zain dago Gipuzkoako Aldundia.
Berasaluzeren ustez, “ezinbestekoa” da “euskara auzitegietatik ateratzea”. Hortaz, adierazi du hurrengo hilabeteetan, "bide berritzaile baten bidez nagusiki euskaraz lan egingo duen administrazioa sendotzeko" helburuan sakonduko duela Aldundiak.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elkarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.