Juntsen zuzendaritzak aho batez erabaki du Sanchez babesteari uztea
Erabakiaren inguruko galdeketa egingo dute alderdi barruan eta azken erabakia militanteek hartuko dute. Carles Puigdemontek agerraldia egingo du 17:00etan Perpinyà hirian zuzendaritzaren erabakiaren berri emateko. Espainiako Gobernuak lasaitasun mezua zabaldu du eta elkarrizketaren aldeko apustua egin du, Puigdemontek emango dituen azalpenen zain.
Juntsen ordezkariak. Argazkia: EITB
Pedro Sanchez presidentea buru duen Espainiako Gobernuaren etorkizuna kolokan egon daiteke. Perpinyà hirian (Frantzia) bildu den JxCat alderdiko zuzendaritzak aho batez erabaki du koalizio gobernua babesteari uztea.
17:00etan agerraldia egingo du Generalitateko presidente ohi eta Juntsen burua den Carles Puigdemontek, erabakiaren berri emateko. Hala ere, alderdiko iturriek jakinarazi dutenez, kontsulta egingo diete oinarriei asteazken eta ostegunean, eta haiek hartuko dute azken erabakia.
Puigdemont eta JxCateko 50 kide baino gehiago Perpinyàn elkartu dira Pedro Sanchez Espainiako Gobernuko presidenteari babesa behin betiko kendu ala ez erabakitzeko, Míriam Nogueras JxCatek Kongresuan duen bozeramaileak joan zen asteazkenean egindako adierazpenaren ostean. "Aldatzeko garaia" iritsi zela esan zuen.
Bilera honetan duela bi urte sinatu zuten Bruselako akordioaren inguruko balantzea egin dute. Sanchezen inbestidurari bide eman zion akordio horrek baina, JxCaten aburuz, sozialistek ez dute bete.
Hain zuzen ere, "kolokan" daude itun horretako zenbait gai: katalanaren ofizialtasuna Europan, eta Puigdemonten amnistia (Auzitegi Konstituzionalaren erabakiaren zain), besteak beste; baita immigrazio eskumenak Kataluniari transferitzea ere, Kongresuan bertan behera utzi baitzuten gaia, Podemosen eta beste batzuen ezezkoagatik.
Azken aste honetan, gainera, "bizitu" egin dira Juntsek PSOEren aurka egindako adierazpenak. Hala, larunbatean, Juntsen batzarrean egindako agerraldian, Jordi Turull alderdiaren idazkari nagusiak uko egin zion asteleheneko erabakiari buruz hitz egiteari, baina ohartarazpen irmoa bota zuen: "Une zailak datoz".
Espainiako Gobernua, lasai
JxCaten erabakia ezagutu ondoren, Espainiako Gobernuak elkarrizketaren aldeko apustua eta lasaitasunerako deia egin du, eta Kataluniako alderdiarekin adostasunetara iristeko aukera dagoela uste du.
Alde batetik, Maria Jesus Montero presidenteordeak adierazi du Espainiako Gobernua lasai dagoela, eta elkarrizketaren aldeko apustua egiten jarraitzen duela. TVEn egindako elkarrizketa batean, Monterok uste du Juntsi dagokiola bere erabakien nondik norakoak azaltzea.
Hala ere, Gobernuak alderdi politiko guztiekin hitz egiteko asmoa duela ziurtatu du, eta Puigdemontek gidatzen duen alderdiarekin "gorabeherak" izan dituela onartu badu ere, ziur agertu da guztien artean gai izango direla egoera onbideratzeko.
Bestetik, Ernest Urtasun Kultura ministro eta Sumarren bozeramailearen ustez, Kataluniako alderdiarekin "elkar ulertzeko tartea dago oraindik", elkarrizketaren aldeko apustua egin du, eta Exekutiboak aurrekontuen proiektua Kongresura eramango duela berretsi du, Carles Puigdemonten alderdiaren erabakia edozein dela ere.
"Juntsek badaki Gobernua ahal duen guztia eta gehiago egiten ari dela", nabarmendu du Urtasunek Madrilen, Sumarren egoitzan emandako prentsaurrekoan. Ministroaren arabera, Sumarrek "azken egunetan Kataluniako alderdiarekin elkarrizketak hasi ditu maila guztietan", baina ez du zehaztu zer harreman edo bilera mota izan diren. "Katalunian inork, ezta Juntsen boto-emaileek ere, ez luke ulertuko PPri eta Voxi boterea errazteko operazio bat bultzatzea", esan du Sumarren bozeramaileak.
Sanchezi babesa kentzeko aukerari buruz, Aitor Esteban EBBren presidenteak adierazi du Juntsek Espainiako Gobernuari babesa kenduko balio, Gobernuaren jarrera ahulduko lukeela, nahiz eta "bihar bertan erortzea" ez lukeen ekarriko.
Ada Colau (BComu) Bartzelonako alkate ohiak, bestalde, Junts kritikatu du.
PPko Ogasun, Etxebizitza eta Azpiegitura idazkariorde Juan Bravok "ustelkeriaz inguratuta" ikusten duen PSOEri babesa kentzeko galdegin die Juntsi eta Gobernuko gainerako parlamentariei.
Amaitzeko, Voxen bozeramaile Jose Antonio Fusterrek ziurtatu duenez, bere alderdiak "ez du segundu bakar bat ere galduko" Juntsekin balizko zentsura-mozio bat negoziatzeko; izan ere, bere ustez, "separatistak taktika hori erabiltzen ari dira Espainiako Gobernua berriro tenkarazi eta estutzeko".
Zure interesekoa izan daiteke
Pradalesek gehiengo sindikala hartuko du, gutxieneko soldataren negoziazioa eta Osakidetzaren gatazka mahai gainean direla
11:00etan Garbiñe Aranburu LABeko idazkari nagusiarekin bilduko da, eta 12:30ean, Mikel Lakuntzarekin (ELA). Sindikatu abertzaleak Jaurlaritzarekin oso kritiko mintzatu dira, eta Confebasken menera aritzea leporatu diote.
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik 4.000 lagun bildu ditu Gipuzkoako hiriburuan 'Euskal Herria irabaztera' lelopean. Kontxako banderaren bigarren jardunaldiaren amaierarekin bat egin du protestak.
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.