Vito Quiles ultraeskuineko asaldatzaileak bertan behera utzi du Iruñeko ekitaldia
Nahiz eta esan ekitaldia kalean egingo zuela, Quilesek erabaki du Iruñera ez etortzea. Lehenago, Nafarroako Unibertsitateak arratsaldeko jardun guztia bertan behera utzi du, segurtasunagatik.
Vito Quiles ultraeskuineko asaldatzaileak Iruñean ekitaldirik ez egitea erabaki du. Zenbait unibertsitatetan zeharreko bira batean murgilduta dago, 'España Combativa' lelopean, baina Nafarroako Unibertsitateak ez du ekitaldia baimendu. Kalean egingo zuela esan zuen, baina, azkenean, ez egitea erabaki du.
Azaldu duenez, Espainiako Polizia Nazionalaren Buruzagitzak ustezko alerta bat igorri dio, "ezin duelako ekitaldian segurtasuna ziurtatu Euskal Herritik Nafarroara (sic) joandako proetarren (ETAren aldekoen) eta abertzaleen mehatxuaren aurrean".
Lehenago, Nafarroako Unibertsitateak Iruñeko campuseko jarduera oro bertan behera uztea erabaki du 15:00etatik aurrera, "segurtasun arrazoiengatik", Vito Quiles aktibista ultraeskuindarra bertan azaltzekoa dela jakin ondoren; zentroaren barruan hitzaldi bat emateko eskaera ukatu zitzaion eta, hitzaldi hori atarian emango duela esan du gaur Quilesek.
Nafarroako Unibertsitateak ohar bidez azaldu duenez, "arratsaldean kanpoko taldeak etortzea eta indarkeriazko gertakariak aurreikusten direnez, zentro akademikoak erabaki du eskolak eta jarduera presentzial guztia bertan behera uztea".
Langile eta ikasleei zuzendutako gutun batean, Maria Iraburu errektoreak Nafarroako Unibertsitatea "elkarrekin topatzeko, hausnarketarako, bizikidetza baketsurako, eztabaida pausaturako eta errespeturako gune" gisa definitu du.
"Historiaren une bakoitzean, xehetasunak gorabehera, helburu horri kalte egiten dioten egoerak gertatzen dira. Polarizazio handiko garaietan bizi gara, zeintzuetan hitzak eta ideiak manipulatu eta desitxuratu egiten diren, eta koherentzia, sarri, agresibitatearekin nahasten den", adierazi du.
"Unibertsitateko gure komunitatea zabala da, eta euren ekintzen jabe diren pertsona libreek osatzen dute. Garrantzitsua da oroitzea unibertsitate-eremu hau egunero eraikitzen dugula, guztion artean, hitzekin, jarrerekin eta ekintzekin", gaineratu du.
Zure interesekoa izan daiteke
Pradalesek gehiengo sindikala hartuko du, gutxieneko soldataren negoziazioa eta Osakidetzaren gatazka mahai gainean direla
11:00etan Garbiñe Aranburu LABeko idazkari nagusiarekin bilduko da, eta 12:30ean, Mikel Lakuntzarekin (ELA). Sindikatu abertzaleak Jaurlaritzarekin oso kritiko mintzatu dira, eta Confebasken menera aritzea leporatu diote.
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik 4.000 lagun bildu ditu Gipuzkoako hiriburuan 'Euskal Herria irabaztera' lelopean. Kontxako banderaren bigarren jardunaldiaren amaierarekin bat egin du protestak.
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.