Negoziatzeko borondatea erakutsi arren, Eusko Jaurlaritzak eta oposizioak urrun ikusten dute aurrekontuen akordioa
Noel d'Anjou sailburuak adierazi du entzuteko eta elkarrizketarako fasea abiatu dutela, eta Eusko Jaurlaritzak proposamenak espero dituela. Oposizioko alderdiek, bere aldetik, hoztu egin dute koalizio gobernuarekin aurrekontu proiektuaren inguruan akordioa lortzeko aukera.
Noël D'Anjou Ogasun eta Finantza sailburuak 2026ko aurrekontuen inguruko proposamenak trukatzeko oposizioarekin egingo duen bilera-sortari ekin dio.
Gaur EH Bilduko, PPko eta Sumarreko ordezkariekin, oposizioko talde guztiekin, bildu da, Voxekin izan ezik, Jaurlaritzak negoziazio horietatik kanpo utzi baitu.
Bilerak hasi aurretik, sailburuak adierazi du entzuteko eta elkarrizketarako fasea abiatu dutela, eta Eusko Jaurlaritzak proposamenak espero dituela.
Ildo horretan, negoziazio zintzoak eskatu dizkie alderdi politikoei.
EH Bilduk ez du adierazpenik egin bileraren ostean, baina aurretik, Egun On saioan, Arnaldo Otegi koordinatzaile nagusiak esan du ez duela ikusten "akordiorako borondaterik" gobernuan.
Laura Garrido PPk Eusko Legebiltzarrean duen bozeramailearen esanetan, "oso zaila" da haren alderdiak Eusko Jaurlaritzaren aurrekontuei babesa ematea bataren eta bestearen ereduak "oso ezberdinak" direla iritzita. Are gehiago, negoziatzeko borondaterik ez izatea leporatu dio.
BIlera amaitu berritan eta kazetarien aurrean bere "harridura" erakutsi du Garridok, pasa den urriaren 24an Eusko Jaurlaritzari aurkeztu zioten proposamenaren erantzun ez diolako.
Sumarrek aurrekontu "kontinuistak" direla azpimarratu du D'Anjou sailburuarekin elkartu ondoren hedabideen aurrean eskainitako prentsaurrekoan. 890 milioi euroko balioa duten bost zuzenketa proposatu ditu koalizioak, etxebizitza, trantsizio energetikoan, hezkuntza, osasun eta zaintza politikan eragiteko asmoz.
Koalizio gobernuarekin akordioa lortzeko borondatea berretsi du Jon Hermandez Sumarreko legebiltzarkideak, baldin eta "sakoneko aldaketak" egiten baditu. Hori dela eta, pilota Eusko Jaurlaritzaren teilatuan dagoela gaineratu du.
Sumarren eta Euskadiko PPren agerraldien ondoren, Eusko Jaurlaritza osatzen duten alderdien txanda izan da. Susana Corcuera PSE-EEko legebiltzarkideak proposamen "sinesgarri eta posibleak" aurkezteko deia egin die EH Bilduri, PPri eta Sumarri.
Corcuerak gogorarazi duenez, Eusko Jaurlaritzaren kontuek "gehiengo nahikoa dute" Eusko Legebiltzarrean onartuak izateko, baina bere taldea "akordioak zabaltzeko prest" dagoela adierazi du.
Alaitz Zabala EAJko legebiltzarkideak azaldu duenez, Noël d 'Anjou Ogasun sailburuak oposizioaren proposamenak "aztertzeko" konpromisoa hartu du.
Nolanahi ere, gogorarazi du datorren urteko kontuen onarpena EAJk eta PSEk Eusko Legebiltzarrean duten gehiengo osoak bermatzen duela.
Bere hitzetan, Jaurlaritza osatzen duten bi alderdiek "egonkortasuna" ematen diete Euskadiko erakundeei, "inguruan ditugun beste estatu batzuetan ikusten ari garen zarataren aurrean".
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.