Otegi: "Ziurtasuna gara bizi dugun garaiotan, eta etorkizunaren bermea Euskal Herriko gehiengo sozialentzat"
30.000 lagun inguru atera dira kalera Bilbon, EH Bilduk deituta, Euskal Herriaren "nortasun nazionala eta subiranotasuna" aldarrikatzeko eta gurea "erresistentzia gune antifaxista" dela azpimarratzeko.
"Euskal Herria askatasun haizea" leloa lagun, faxismoaren aurkako aldarria zabaldu dute manifestariek, eta frankismoak hil zituen pertsonak izan dituzte oroimenean.
La marcha "antifascista" ha partido de la plaza de La Casilla pasadas las 17:30 horas tras hacer sonar la adarra, con representantes de esa formación portando la pancarta como Oskar Matute, Peio Otxandiano, Arkaitz Rodríguez y Arnaldo Otegi, que ha intervenido en el acto celebrado al finalizar el recorrido ante el Ayuntamiento.
Casilla plazatik atera da protesta, 17:30 jota zeudenean, adarraren soinua entzun ostean. Pankartan zihoazen Oskar Matute, Peio Otxandiano, Arkaitz Rodriguez eta Arnaldo Otegi, eta atzetik Txiki eta Otaegiren senitartekoak, besteak beste.
Manifestazioan, Estatu terrorismoaren biktima izan ziren Santi Brouard eta Josu Muguruza ere izan dituzte gogoan.
Hitza hartu eta batera, Otegik ziurtatu du erregimen frankistak "erreformaren mugak lotuta" utzi zituela, eta trantsizioaren arauak trukatuta zeudela "nazio gailentasuna sendotzeko", alegia, "espainiar nazio bakarrari, kapitalismoari eta 40 urteko diktadura babesu zuten sektoreei indarra emateko".
Horiek horrela, "arau horiek aldatzeko" eta "agertoki berri bat eraikitzeko" deia egin du. Alabaina, bizi dugun une historikoak dituen arriskuez ohartarazi du, "gure erakundeak, autogobernua eta hizkuntza arriskuan daudelako".
“EH Bildu-EH Bai gero eta sektore zabalagoen esperantza bilakatu da. Euskal Herriko lehen indar politikoa, gara, eta prest gaude eman diguten konfiantza horri kemenez eta arduraz erantzuteko. Ez dizuegu hutsik egingo. Ziurtasuna gara bizi dugun garaiotan, eta etorkizunaren bermea Euskal Herriko gehiengo sozialentzat”, adierazi du Otegik.
Zentzu horretan, aurreratu du euskal herritarren aurrean duten konpromisoetako bat dela “hartu beharreko erabaki politiko eta instituzional guztiak hartzea”, bai eta herria siglen gainetik jartzea ere, “autoritarismoa gelditzeko bidean”.
Halaber, nabarmendu du EH Bildu ez dela anbiguotasun politikoan eroriko eskuineko indarren autoritarismoaren aurrean. “Gure esku badago, eskuin muturrak ez du inon eta inoiz aginduko”, esan du.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.