Gerra Zibilean hildako eta Zornotzako hilerrian lurperatutako miliziano baten gorpuzkiak berreskuratu ditu familiak 89 urteren buruan
Jesus Arratibel Ruiz De Alegria arabarra Zornotzako ospitale militarrean hil zen, eta bertako hilerrian lurperatu zuten. Gogora Institutuaren ekimenez, hilobiratutako 149 pertsonaren gorpuzkiak atera zituzten eta identifikazio prozesu baten ostean, gaur eman dizkiete senitartekoei.
Gerra Zibilean hildako eta Zornotzako (Bizkaia) hilerrian ehortzitako CNTko miliziano arabar baten senitartekoek gaur eguerdian jaso dituzte haren gorpuzkiak, 89 urteren buruan. Dulantziko (Araba) hilerrian, Eusko Jaurlaritzako ordezkariek eta Dulantziko alkateak itzuli dizkiete familiari Jesus Arratibel Ruiz de Alegriaren gorpuzkiak, ekitaldi hunkigarri batean.
Arratibel Ruiz De Alegria, sortzez zalduondarra, 1936ko abenduaren 5ean hil zen Zornotzako Ospitale Militarrean. CNT sindikatu anarkistaren ‘Malatesta’ batailoiko borrokalaria zen, eta hil ondoren herriko hilerrian lurperatu zuten.
Gogora Institutuak bultzatuta (Gerra Zibilean Desagertutako Pertsonak Bilatzeko Programa), Zornotzako hilerrian 149 pertsonaren gorpuzkiak desobiratu zituzten 2024an, eta orain arte bost miliziano identifikatu dituzte eta senitartekoen esku utzi. Zerrendara batzen azkena izan da Arratibel Ruiz De Alegria.
Ekitaldian Maria Jesus San Jose Justizia eta Giza Eskubideen sailburua, Alberto Alonso Memoriaren, Bizikidetzaren eta Giza Eskubideen Institutuaren zuzendaria eta Joseba Koldo Garitagoitia Dulantziko alkatea izan dira.
Zure interesekoa izan daiteke
Nafarroako Gobernuaren arabera, Athleticek ez ditu "Nafarroako ikur ofizialak arriskuan jarri edo gaizki erabili"
Javier Remirez Gobernuko lehen presidenteorde eta bozeramaileak mezu bat argitaratu du sare sozialetan, esanez hiru direla Nafarroako sinbolo esklusiboak -bandera, armarria eta ereserkia-, eta babes juridikoa horietara mugatzen dela.
Durangoko PPko zinegotzi Carlos Carciak “berehala geldiarazi” behar diren heriotza-mehatxuak salatu ditu
“Gau osoan zehar” mezu “bereziki mingarriak” jaso zituela eta Ertzaintzaren aurrean salaketa jarriko duela adierazi du.
Zapatero presidente ohiaren banku-kontu batzuk blokeatzeko agindu du epaileak
Jose Luis Calama Auzitegi Nazionaleko epaileak Espainiako Gobernuko presidente ohiaren banku-kontuak blokeatzeko agindua eman du ostegun honetan, 'Plus Ultra' auziaren harira. Ikertutako beste pertsona batzuei ere eragiten die.
Munduko Futbol Txapelketaren egoitzen eztabaidak beste ika-mika bat piztu du EAJren eta PSE-EEren artean
PSE-EEk adierazi du ez dituela ulertzen EAJren "zalantzak", eta jeltzaleei gogorarazi die sozialistekin hitz egin behar dutela Bilboko eta Donostiako hautagaitzen inguruan erabaki bat hartzeko.
UPNk Athletici “ohartarazi” dio auzitara joko duela, elastikoetatik Euskal Herriko mapa kentzen ez badu
"Nafarroa ez da Euskal Autonomia Erkidegoko beste probintzia bat" aldarrikatu du sare sozialetan Cristina Ibarrolak, alderdiko presidenteak, eta futbol federazioko presidenteari eta Chivite presidenteari zuzendu zaie auzian esku hartu dezaten eskatzeko. Nafarroako Gobernuak, ordea, azaldu du Athleticek ez dituela "Nafarroako sinboloak arriskuan jarri" eta, kasu honetan, ez dagokiola "jarrera hartzea".
Eusko Legebiltzarrak atzera bota du ETAren biktimei egindako irainak lege bidez zigortzeko proposamena
EAJk eta PSE-EEk zuzenketa bat bultzatu dute hezkuntza, gizarte eta zigor neurri berriak aztertzeko, birbiktimizazioari aurre egiteko.
Plus Ultra prest agertu da gertakariak argitzen laguntzeko
Aire konpainiaren arabera, prozesuak eskatzen du informazioa "ardura eta zehaztasun" handiz lantzea, "interprertazio partzialak eta testuingurutik kanpokoak" ekiditeko.
Espainiako lurralde-mapa "erabat itxita" dago eta Trebiñu Burgos da, Gaztela eta Leongo Gobernuaren arabera
Hala azpimarratu du Carlos Fernandez Carriedo Gaztela eta Leongo Gobernuaren bozeramaileak, Trebiñu Arabarekin bat egiteko erreferenduma deitzeko aukeraz Mikel Legarda EAJren diputatuak asteazken honetan Kongresuan galdetu ostean.
"Donostiak ez dauka bertigorik" Insaustiren arabera, baina 2030eko Mundialerako hautagaitza zorrotz aztertzearen alde egin du
ETB2ko "En Jake" saioan egin dioten elkarrizketan, zerga turistikoaz hitz egin du Jon Insausti Donostiako alkateak. Horren esanetan, zerga turistikoari esker 10 milioi euro bildu ditzakete urtebetean.
Pedro Sanchezek babes osoa eman dio Zapatero presidente ohiari Kongresuan
Kongresuan, eta Alberto Nuñez Feijoo oposizioaren buruarekin izandako aurrez aurrekoan, Sanchez estreinakoz mintzatu da jendaurrean Zapateroren inputazioaren inguruan. Feijook azalpenak eskatu dizkio eta karguan jarraitzeak presidentzia "zikindu" egiten duela esan dio.