Espainiako Gobernuak eta ERCk finantza-akordioa erdietsi dute Kataluniarako 4.700 milioi euro gehiago bideratzeko
Pedro Sanchez Espainiako Gobernuko presidentearekin Moncloan izandako elkarrizketaren ostean eman du horren berri Oriol Junqueras ERCren buruak.
Pedro Sanchez Espainiako Gobernuko presidentea Oriol Junqueras ERCren buruarekin bildu da, Moncloan.
Pedro Sanchez Espainiako Gobernuko presidenteak eta Oriol Junqueras ERCren buruak akordioa lortu dute ostegun honetan Kataluniarako finantzaketa-sistema berri baten inguruan. Hain zuzen, Junquerasek hitzorduaren ondotik egin dituen deklarazioetan adierazi duenez, 4.700 milioi euro gehiago ekarriko dizkio akordio horrek erkidegoari, eta “ordinalitate printzipioa” aitortuko dio.
Junquerasek pozik hartu du ituna, uste baitu "mundu guztia irabazten" duela horrekin, bereziki Kataluniako herritarrak, Generalitateari aurrekontu ahalmena % 12 handitzea ahalbidetuko diolako.
Hala ere, esan du Estatuko aurrekontu orokorrak izateko baldintzak oraindik ez direla betetzen, erkidegoen finantzaketa eredu berri baterako akordioa lortu arren. Hala ere, legegintzaldiarekin jarraitzearen aldeko apustua egin du.
Sanchezekin Moncloan bildu ostean egindako adierazpenetan, Junquerasek esan du aurrekontu proiektu bat negoziatzeko beharrezkoa dela finantzaketa-eredua eta diru-bilketa eredua aldatzea.
Pedro Sanchez Espainiako Gobernuko presidenteak eta Oriol Junqueras ERCren buruak lehen bilera egin dute Junqueras kartzelatik atera zenetik, eta funtsezko gai bat izan dute mahai gainean: independentistei agindutako Kataluniarako finantzaketa-sistema.
PPk Sanchezen "desesperazioa" salatu du
Akordioaren berri izan bezain pronto, Elias Bendodo popularrak Sanchez "desesperaturik" dagoela salatu du, ERCren presidentearekin "negoziatzen" ari delako.
Malagan egindako ekitaldi batean, Bendodok esan du uste duela bi buruzagien artean goizean izandako bilerak erakusten duela "lehen mailako eta bigarren mailako espainiarrak" daudela.
Sanchez "belauniko jarri da Junquerasi arnasa eskatzeko, inhabilitatuta dagoen buruzagi bati", adierazi du politikariak.
Zure interesekoa izan daiteke
EH Bilduk dio inoiz baino beharrezkoagoa dela M8an kalera ateratzea
Emakumeen Nazioarteko Egunaren bezperan, EH Bilduk bat egin du Euskal Herriko Mugimendu Feministak antolatutako mobilizazioekin. Nerea Kortajarena EH Bilduren programa zuzendariak adierazi du eskuin muturrari argi esan behar zaiola, ez dutela inolako atzerapausorik onartuko. Gaineratu du berdintasun erreala lortzeko urratsak ematen segi beharra dagoela.
1.000 biztanle baino gutxiagoko herrietako udal zerrendek parekidetasuna errespetatu beharko dute Iparraldean
Frantziako Gobernuak 1.000 biztanletik beherako udalerrietako zerrendetan derrigorrezko parekotasuna ezarri du, banakako hautagai-zerrendekin eta boto irekiarekin amaituta. Erreforma horrek tokiko politika feminizatzea du helburu, baina Ipar Euskal Herriko landa-herri askotan hautsak harrotu ditu erabakiak.
Sanchezek "gerrari ez" leloa berretsi du, eta nazioarteko legediaren kontrako ekintzarik ez duela babestuko gaineratu du
Espainiako Gobernuko presidenteak "gerrari ez" leloa berretsi du Espainiaren eta Portugalen arteko goi-bileran. Sanchezek azpimarratu du "errespetua" duela AEBrekiko eta horren gizartearekiko, baina Espainiako Gobernuaren jarrera argia dela azpimarratu du.
Aitor Esteban: "PPrekin beti izan dira elkarrizketak, ez dira inoiz eten"
EBBko presidentearen ustez, "PPrekin elkarrizketarik ez zegoela esateko nolabaiteko irrika zegoen". "EAJ zentralitatean dago, eta gure ardura da kanalak irekita izatea", gaineratu du Estebanek ETB2ko "En Jake" saioan.
Puente ministroaren ustez, ez da arazorik egongo 'Euskal Y-a' 3-4 urtetan amaitzeko
Oscar Puente Espainiako Garraio ministroak adierazi du Euskal Yaren lanak "azken txanpan" sartu direla eta ez dagoela "hiruzpalau urtetan" amaitzeko oztoporik. AHTarekin "iltzatuta duen arantza" Frantzia dela esan du, baina Philippe Tabarot Frantziako egungo ministroa Europako Korridore Atlantikoa osatzeko azpiegitura Frantzian jarraitzearen aldekoa dela uste du.
Pradalesek "feminismoaren erabilera alderdikoia saihesteko" eskatu dio EH Bilduri, eta "guztion artean berdintasunean aliantzak ehuntzeko"
Imanol Pradales lehendakariak feminismoaren "erabilera alderdikoia eta nagusitasun morala" saihesteko eskatu dio EH Bilduri, eta "feminismoaren bandera hartzea" egotzi dio. Era berean, dei egin dio "denon artean" berdintasunean "aliantzak" ehuntzeko.
Itziar Carrocera (EAJ) izendatu dute Santurtziko alkate, PSE-EEren bost boto zuriekin
Alkatetza "ilusioz" hartu du jeltzaleak, eta zailtasunez jakitun: "Dena emango dut herriaren alde lanean".
Lehendakariak urgentziaz deitu du Industria Defendatzeko Taldea, Irango gerragatik
Bilera datorren asteko asteazkenean izango da, lehendakariak aurreratu duenez, eta honako helburu hauek ditu: "etengabeko monitorizazio-mekanismoak aktibatzea, enpresa eta kluster guztiekiko koordinazioa indartzea eta kontingentzia neurrien pakete bat prestatzea, Ekialde Ertaineko gatazka hilabeteetan luzatuko balitz prest egoteko".
Espainiako Gobernuak guztiz gezurtatu du AEBko Armadarekin lankidetza adostu izana
Karoline Leavitt Etxe Zuriko bozeramaileak arratsaldean adierazi duenez, Espainiako Gobernua prest dago AEBko Armadarekin lan egiteko.
Lehendakariak esan du Belgika Euskadirentzat hainbat alorretan "aliatu bat" dela
Bart De Wever Belgikako lehen ministroarekin bildu da gaur Imanol Pradales lehendakaria Bruselan, eta hainbat alorretan bi herrialdeen arteko lankidetza aukerak ikusten ditu. Besteak beste, industria, euskararen ofizialtasuna eta Makroeskualde Atlantikoa aipatu ditu.