Pradales lehendakariak Davoseko Foroan parte hartuko du
Euskadik Munduko Ekonomia Foroan parte hartuko duen lehen aldia izango da. Lehendakaria buru duen euskal ordezkaritza Suitzan izango da hilaren 20tik 22ra bitartean.
Davos (Suitza). Artxiboko argazkia: EFE
Imanol Pradales lehendakariak Davoseko Munduko Foro Ekonomikoan parte hartuko du datorren astean, Suitzan.
Maria Ubarretxena Eusko Jaurlaritzako Autogobernu sailburu eta bozeramaileak gobernu bileraren ostean esandakoaren arabera, "mugarri garrantzitsua da Euskadirentzat" lehendakari batek parte hartuko duen lehen aldia izango delako. Hiru eguneko bidaia izango da (urtarrilak 20, 21 eta 22) eta lehendakaria izango da euskal ordezkaritzaren buru.
Munduko Foro Ekonomikoa maila ekonomiko eta enpresarialean goreneko foroa da nazioartean, eta urtero biltzen ditu politikaren, enpresaren eta kulturaren mundu mailako agintari nabarmenak. Aurtengoa 56. edizioa izango da, eta urtarrilaren 19tik 23ra egingo da, 'elkarrizketa-espiritua' lelopean.
“Davoseko Foro Ekonomikoan parte hartzea aukera ezin hobea da Euskadirentzat; izan ere, zuzenean eragiten dioten gaiak landuko dira bertan, esaterako, munduko gobernantza ekonomikoa, geopolitika, jasangarritasuna, eraldaketa ekonomikoa eta gizarte-kohesioa”, azpimarratu du Ubarretxenak.
Halaber, nazioarteko ordezkariekin hartu-emanak izateko aukera paregabea dela nabarmendu du Jaurlaritzaren bozeramaileak. Oraindik lehendakariaren agenda zehaztu gabe badago ere, Eusko Jaurlaritzak Nazio Batuetako goi funtzionarioekin bilerak egitea aurreikusi du, baita ekitaldi propioa egitea ere.
Ubarretxenaren esanetan, Lehendakaritzak datorren astean emango ditu bidaiari buruzko xehetasunak.
Zure interesekoa izan daiteke
Diez Antxustegi, PSE-EErekin duen harremanaz: "Politikan ez gaude elkarrekin errietan ibiltzeko; ni ez naiz horrelako borroketan sartuko"
Joseba Diez Antxustegi EAJk Eusko Legebiltzarrean duen bozeramaileak Euskadi Irratiko mikrofonoen aurrean esan du, oro har, egunerokoan PSE-EErekin harremana ona dela. "Egunen batean entzun behar badugu gustatzen ez zaigun zerbait onartu beharko dugu, baina gu ez gaude hemen horretarako".
Aireportuen eskumenari buruz hitz egiteko bilera dute gaur Madrilen Jaurlaritzaren eta Espainiako gobernuaren ordezkariek
Bestalde, Melgosak migratzaileak erregularizatzeko prozesua babestea eta Euskadi iparraldeko muga gisa aitortzea proposatuko dio Espainiako Gobernuari.
Espazio publikoetan burka eta niqab-a debekatzeko Voxen lege proposamenaren alde bozkatuko du PPk
Abascalen alderdiak bultzatutako ekimena astearte honetan eztabaidatuko dute Diputatuen Kongresuan.
Aireportuen eskumenaren inguruko bilera du Ubarretxenak astelehen honetan Madrilen
Aireportuen Kudeaketa eta Azpiegituren Azpibatzordea sortzea erabaki zuten Imanol Pradales lehendakariak eta Pedro Sanchez Espainiako Gobernuko presidenteak iazko uztaileko Aldebiko Lankidetza Batzordean. Horren helburua da Euskadiko aireportuen kudeaketan eskualdatzeko moduak aztertu eta eztabaidatzea.
Ertzaintzaren aurkako pintaketa gehiago agertu dira Amurrion
Esan sindikatuak gertatutakoa salatu du, eta ertzainei heriotza opatzea "euskal polizien aurkako indarkeria legitimatzen duen mezua" dela adierazi du. Hala, "berehalako eta ñabardurarik gabeko" gaitzespen publikoa eskatu die indar politiko guztiei.
Matute (Rufiani ezetz esan ostean): "Beti defendatu dugu ekintza politikoaren batasuna"
EH Bilduk Espainiako Kongresuan duen bozeramailearen ondokoak "ekintza politikoaren batasuna" eta "ekintza elektoralaren batasuna" bereizi ditu, eta esan du "beti" babestuko dutela lehenengoa, eta "eskuin-muturra boterera ez iristeko hainbat ekimen" bultzatzeko konpromisoa hartu dutela.
Berrarmatze nuklearra "apustu arriskutsua" dela esan die Sanchezek NATOko kideei
Municheko Segurtasun Konferentzian egindako hitzaldian, "elkartasunaren, enpatiaren eta lankidetzaren balioetan inbertitzearen alde" egin du Espainiako Gobernuko presidenteak.
Estatu indarkeriaren biktimak ofizialki aitortzeko legea eskatu du Euskal Herriko Torturatuen Sareak
Sareak II. Batzar Nazionala egin du gaur Eibarren, eratu zenetik urtebetera. 5.000 kasu baino gehiago dokumentatu ostean, horiek guztiak "aitortzeko garaia da".
PSE-EE euskal politikaren benetako ardatza dela aldarrikatu du Eneko Anduezak
Eneko Andueza PSE-EEren idazkari nagusiak esan du besteek hitz egiten duten bitartean, sozialistak lanean ari direla eta "ardatza" direla euskal politikan. Zumarragan egin duen ekitaldian, Pasaiako portuaren interes orokorra mantentzeko beharra azpimarratu du, gainea, bestela Arcelor Mittalek bere produkzioa nondik aterako ote duen galdetuz.
Santurtzin gehiengo alternatiboa osatzeko aukera dagoela uste du EH Bilduk
Santurtzin, udalean EAJ ordezkatu lezakeen gehiengo bat osatzeko aukerak ikusten ditu EH Bilduk. Iker Casanova EH Bilduren Bizkaiko bozeramaileak adierazi duenez, udal taldeen ardura izango da balizko akordio bat osatzea. Eta gaineratu du, Santurtziko alkatearen dimisioaren ondoren gertatutakoak argi islatzen duela "EAJren kudeaketa publikoa ulertzeko modua amaituta" dagoela. Atzo Radio Euskadiko 'Ganbara' saioan egindako elkarrizketan, Iñigo Ansola EAJren Bizkaiko presidenteak esan zuen, ordea, ez duela Santurtziko alkatetza galtzeko arriskurik ikusten.