Politikariek elkartasuna adierazi diete Adamuzeko biktimei
Lehendakariak euskal herritar guztien elkartasuna helarazi die biktimei. Sanchez ezbeharraren lekura joan da, eta Feijook jarraipen batzorde bat deitu du.
Istripua, Adamuzen. Argazkia: EFE
Bart Adamuzen (Kordoba) izandako tren-istripuak egun osoko aktualitatea astindu du Espainiako Estatuan, eta politikariek eta ordezkari publiko ugarik elkartasuna adierazi diete biktimei.
Imanol Pradales lehendakariak euskal herritarren elkartasuna adierazi die istripuaren biktimei.
"Tragedia modurik krudelenean gertatzen denean, Euskal Herriaren elkartasun osoa erakustea besterik ez da geratzen. Zuekin guztiekin gaude", idatzi du X sare sozialean lehendakariak. Gainera, doluminak eman zizkion bart Juanma Moreno Bonilla Andaluziako presidenteari.
Euskal alderdi politikoen artetik, Aitor Esteban EAJren presidenteak "doluminak" eman dizkie familiei eta tren-istripuko biktimei, eta "besarkada bat" bidali die "izugarrizko istripu" horrek "jotako pertsona guztiei".
Mertxe Aizpurua EH Bilduren diputatuak esan du "atsekabetuta" jarraitzen dituela "Andaluziako trenbidearen tragediaren berri izugarriak". "Euskal ezker independentistak elkartasun eta babes guztia ematen die biktimei eta kaltetuei", adierazi du.
Eneko Andueza PSE-EEren idazkari nagusiak besarkada bat bidali die Kordobako tren istripuak kaltetutako pertsona guztiei, eta, "bereziki, une zail honetan, biktimei".
Espainiako Gobernuko presidente Pedro Sanchezek bertan behera utzi ditu Kongresuan ordezkaritza duten alderdiekin aurreikusita zituen bilera guztiak, Ukrainara tropak bidaltzeari buruz hitz egiteko antolatutakoak, eta istripua gertatu den lekuan bertaratzekoa da.
PPk minutu bateko isilunea deitu du astelehen honetarako, 12:00etan, Madrilgo Genova kalean duen egoitzan, Adamuzeko (Kordoba) istripua dela eta. Alberto Nuñez Feijoo izango da elkarretaratzearen buru.
Horrez gain, Feijook larrialdiaren jarraipena egiteko bilera deitu du, Pablo Vazquez Renferen presidente ohi eta Reformismo21 fundazioaren presidentearekin eta Berta Barrero konpainiaren Operazio zuzendari ohiarekin batera.
Santiago Abascal Voxen buruak adierazi du Espainiako Gobernua dela istripuaren erantzulea, eta "Gobernu mafiosoaren kolapsoa" nabarmendu du.
"Gobernu mafioso honen kolapsoa Estatu osoa kolapsora eramatear dago, bai maila nazionalean, bai nazioartean. Eta kitto", adierazi du Abascalek X sare sozialeko bere kontuan argitaratutako mezu batean. "Krimenak, gezurrak eta herriaren interesei egindako traizioak gobernatzen gaituzte", gaineratu du.
Pablo Fernandez Podemosen bozeramailekideak istripuaren arrazoiak "lehenbailehen" argitzeko eskatu du, eta doluminak helarazi dizkie kaltetuei.
Antonio Maillo Izquierda Unidako koordinatzaile federala Adamuzera joan da bere esker ona helarazteko tren istripuaren ostean bizilagunek erakutsitako "elkartasunagatik". Ezbeharrari buruz, esan du "zuhur" dagoela gertatutakoari buruzko datuen zain, eta horren inguruan "erabat garden" jokatzea espero duela.
Zure interesekoa izan daiteke
1.000 biztanle baino gutxiagoko herrietako udal zerrendek parekidetasuna errespetatu beharko dute Iparraldean
Frantziako Gobernuak 1.000 biztanletik beherako udalerrietako zerrendetan derrigorrezko parekotasuna ezarri du, banakako hautagai-zerrendekin eta boto irekiarekin amaituz. Erreforma horrek tokiko politika feminizatzea du helburu, baina Ipar Euskal Herriko landa-herri askotan hautsak harrotu ditu erabakiak.
Sanchezek "gerrari ez" leloa berretsi du, eta nazioarteko legediaren kontrako ekintzarik ez duela babestuko gaineratu du
Espainiako Gobernuko presidenteak "gerrari ez" leloa berretsi du Espainiaren eta Portugalen arteko goi-bileran. Sanchezek azpimarratu du "errespetua" duela AEBrekiko eta horren gizartearekiko, baina Espainiako Gobernuaren jarrera argia dela azpimarratu du.
Aitor Esteban: "PPrekin beti izan dira elkarrizketak, ez dira inoiz eten"
EBBko presidentearen ustez, "PPrekin elkarrizketarik ez zegoela esateko nolabaiteko irrika zegoen". "EAJ zentralitatean dago, eta gure ardura da kanalak irekita izatea", gaineratu du Estebanek ETB2ko "En Jake" saioan.
Puente ministroaren ustez, ez da arazorik egongo 'Euskal Y-a' 3-4 urtetan amaitzeko
Oscar Puente Espainiako Garraio ministroak adierazi du Euskal Yaren lanak "azken txanpan" sartu direla eta ez dagoela "hiruzpalau urtetan" amaitzeko oztoporik. AHTarekin "iltzatuta duen arantza" Frantzia dela esan du, baina Philippe Tabarot Frantziako egungo ministroa Europako Korridore Atlantikoa osatzeko azpiegitura Frantzian jarraitzearen aldekoa dela uste du.
Pradalesek "feminismoaren erabilera alderdikoia saihesteko" eskatu dio EH Bilduri, eta "guztion artean berdintasunean aliantzak ehuntzeko"
Imanol Pradales lehendakariak feminismoaren "erabilera alderdikoia eta nagusitasun morala" saihesteko eskatu dio EH Bilduri, eta "feminismoaren bandera hartzea" egotzi dio. Era berean, dei egin dio "denon artean" berdintasunean "aliantzak" ehuntzeko.
Itziar Carrocera (EAJ) izendatu dute Santurtziko alkate, PSE-EEren bost boto zuriekin
Alkatetza "ilusioz" hartu du jeltzaleak, eta zailtasunez jakitun: "Dena emango dut herriaren alde lanean".
Lehendakariak urgentziaz deitu du Industria Defendatzeko Taldea, Irango gerragatik
Bilera datorren asteko asteazkenean izango da, lehendakariak aurreratu duenez, eta honako helburu hauek ditu: "etengabeko monitorizazio-mekanismoak aktibatzea, enpresa eta kluster guztiekiko koordinazioa indartzea eta kontingentzia neurrien pakete bat prestatzea, Ekialde Ertaineko gatazka hilabeteetan luzatuko balitz prest egoteko".
Espainiako Gobernuak guztiz gezurtatu du AEBko Armadarekin lankidetza adostu izana
Karoline Leavitt Etxe Zuriko bozeramaileak arratsaldean adierazi duenez, Espainiako Gobernua prest dago AEBko Armadarekin lan egiteko.
Lehendakariak esan du Belgika Euskadirentzat hainbat alorretan "aliatu bat" dela
Bart De Wever Belgikako lehen ministroarekin bildu da gaur Imanol Pradales lehendakaria Bruselan, eta hainbat alorretan bi herrialdeen arteko lankidetza aukerak ikusten ditu. Besteak beste, industria, euskararen ofizialtasuna eta Makroeskualde Atlantikoa aipatu ditu.
Abalosen eta Koldoren aurkako musukoen auziko epaiketa apirilaren 7an hasiko da, Auzitegi Gorenean
Funtzionario-eroskeria, eragimen-trafikoa, baliabideak bidegabe eralgitzea, erakunde kriminala, lehen eskuko informazioaz baliatzea, faltsukeria eta prebarikazio delituengatik epaituko dituzte.