KAAk atzera bota du Euskadiko Euskal Pilota Federazioaren ofizialtasunaren aurka Espainiak jarritako helegitea
Kirola Arbitratzeko Auzitegiak erabaki du ez duela eskumenik Euskadiko Federazioa Euskal Pilotaren Nazioarteko Federazioan sartzearen aurka Espainiako Pilota Federazioak aurkeztutako errekurtsoa ebazteko. Ebazpen horren kontra ezin da helegiterik jarri, eta, beraz, auzia bere horretan geratuko da; alegia, euskal pilota federazioak ofiziala izaten jarraituko du.
Euskal selekzioko zenbait kide, Nazioarteko Konfederazioaren Munduko Txapelketan (EEPF).
Kirola Arbitratzeko Auzitegiak ez du jurisdikziorik Espainiako Pilota Federazioak (FEP) Euskal Pilotaren Nazioarteko Federazioaren estatutuak aldatzearen aurka aurkeztutako apelazioa berrikusteko eta ebazteko.
Erakunde horrek ohar batean azaldu duenez, Nazioarteko Federazioaren estatutuek ez dute aurreikusten KAAren jurisdikzioa federazio nazional batek Euskal Pilotaren Nazioarteko Federazioak hartutako erabakien aurka aurkeztutako apelazioa aztertzeko.
KAAk gogorarazi du nazioarteko federazioaren Ohiko Batzar Nagusiak estatutuak aldatzeko eta Euskadiko Federazioa kide gisa sartzeko proposamena onartu zuela 2024ko abenduaren 28an. Data horretatik aurrera, Euskadi euskal pilotako nazioarteko txapelketetan parte hartzen ari da.
Horren aurrean, Espainiako Federazioak apelazioa aurkeztu zuen KAAn, Kubako Federazioarekin batera, nazioarteko eta Euskadiko federazioen aurka, bileretan egindako akordioengatik. Izan ere, Euskal Pilotaren Nazioarteko Federazioan hartutako erabakiak KAAren aurrean apelatu zitezkeela alegatu zuen, federazio horren estatutuen 65. artikulua aipatuz. Hala ere, Kubako Federazioak 2025eko azaroan atzera bota zuen haren helegitea.
Komunikatuan, KAAk adierazi du ezin duela eztabaidaren mamia aztertu, “aldez aurretik helegite bat ebazteko jurisdikziorik duen zehaztu gabe”. Era berean, jakinarazi du 2025eko irailaren 11n idazkiak elkarri bidali eta entzunaldi birtuala egin ondoren, gehiengoz erabaki zuela Nazioarteko Federazioaren estatutuek ez dutela aurreikusten KAAren jurisdikziorik federazio nazional batek Nazioarteko Federazioak hartutako erabakien aurka aurkeztutako helegiteen aurrean. "Ondorioz, Euskal Pilotaren Nazioarteko Federazioak Euskadiko Pilota Federazioa kide gisa aitortzeko hartutako erabakia ezin izan du epaimahaiak berrikusi", azpimarratu du.
Espainiako Federazioak kasua salatu zuen, 2024ko abenduaren 28an euskal federazioa aitortzea onartu zuen, nazioarteko federazioaren Batzarraren deialdian irregulartasunak egon zirela iritzita.
Espainiako Federazioak argudiatu zuen nazioartekoaren erabaki-organo gorenaren saioa "irregularra eta opakua" izan zela.
KAAra jotzeko erabakia Julian Garcia Angulok hartu zuen, kudeaketa-batzordearen presidente gisa, eta hark zuzendu zuen federazioa, urtarrilaren 19an Javier Conde presidente izendatu zuten arte.
Garcia Angulok argudiatu zuen Espainia modu arbitrarioan baztertu zutela batzarraren bozketatik, ezin izan zuelako parte hartu nazioarteko federazioak ezarri zion diziplina-zigorragatik.
Nazioarteko federazioak ukatu egin zuen Espainiakoari bozketan parte hartzea galarazi zitzaiola, eta esan zuen kudeaketa-batzordeko edozein kidek parte har zezakeela horren ordezkari gisa.
"Urte askotako" itxaronaldi luzearen ondoren, Joxemari Mitxelena euskal federazioaren presidenteak "pozik" hartu du berria. Izan ere, ziurtatu du epe horretan nazioarteko federazioari begira beti izan direla ofizialak, eta ebazpen horrek federazioko gainerako kideengandik jaso duten babesa berresten duela: "Espainia bakarrik geratu da".
Euskadi 2025eko ekainean estreinatu zen nazioarteko txapelketetan
Euskadik nazioarteko estreinaldia izan zuen Gernikan, joan den ekainaren hasieran, 54 metroko frontoiko zesta-puntako I. Nazioen Ligan, Espainiaren aurka lehen aldiz jokatu zuen lehiaketa batean.
Hitzordu hartatik aurrera, euskal taldeak beste txapelketa ofizial batzuetan parte hartu du Espainiarekin lehian; azkena, 36 metroko Nazioen Liga, Bilbon, azaroaren amaieran.
Euskadi euskal pilotan ofizialki aitortzeko bidea ahalbidetu zuen 2022an onartutako Kirolaren Legearen erreformak. Aldaketa horri esker, federazio autonomikoek nazioartean parte hartu dezakete, errotze historiko eta soziala duten diziplinetan.
Neurri hori PSOEk eta EAJk hartutako konpromiso bat izan zen, jeltzaleek Pedro Sanchez 2019an Espainiako presidente izendatzea babestu zezaten.
Agiri baten bidez, EAJk "poz handiz" hartu du KAAk Euskal Pilota Selekzioa ofizial izaten jarraitzeko erabakia.
Eusko Jaurlaritzaren izenean, Ibone Bengoetxea lehendakariordeak positibotzat jo du ebazpen hori, eta euskal selekzioak "ofizialtasunaren partida" jokatzen jarraituko duela ziurtatu du.
PPk deitoragarritzat jo du Euskadik Espainiaren aurka parte hartu ahal izatea, eta federazio autonomikoen nazioarteko onarpena ahalbidetzen duen artikulua kentzeko konpromisoa hartu du.
Zure interesekoa izan daiteke
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.
Josu Aztiria (EH Bildu): "EAJk ez digu proposamenik aurkeztu; gainera, abstentzio akritikoa nahi dute, eta ez dugu ulertzen"
EH Bilduren legebiltzarkidea Euskadi Irratian izan da, besteak beste, Euskal Enplegu Publikoaren Legeari buruz hitz egiteko. EAJren planteamendua "ez da serioa", haren ustez. "Atzo, negoziaziorik gabe, jakin genuen abstenitu gaitezela eskatzen dutela. Guk duela hilabete pasatu genien gure proposamena, eta ez dugu erantzunik izan", azpimarratu du.
EH Bilduk "progresibotasun indizea zehaztu" du, hizkuntza-eskakizunen inguruko "akordio inklusiboa" ahalbidetzeko
Halaber, EAJren testuan egin duten zuzenketen artean propio nabarmendu dute bi hizkuntza ofizialak ezagutzea "nahitaezkoa" dela.
EAJk deitoratu du PSE-EE ez dela eurekin harremanetan jarri AArekin sortutako Estebanen irudiak eragindako polemikaren ostean
Joseba Diez Antxustegi EAJk Eusko Legebiltzarrean duen bozeramaileak adierazi duenez, Espainiako Gobernuko Presidentetzatik alderdi jeltzalearekin harremanetan jarri diren arren, PSE-EEk Aitor Estebanen AAz sortutako irudia zabaldu osteko polemikaren ondorioz, euskal sozialistek "oraindik" ez dute haiekin hitz egin.
PPren B kutxaren auziko ikertzailearen esanetan, Rajoy ez aipatzeko eskatu zioten
Era berean, txostenean Maria Dolores de Cospedal PPren idazkari nagusi ohiaren izena ematen utzi ez ziotela ziurtatu du, kontu bat haren izenean agertzen zen arren.