Xabier Iraola aukeratu dute Sorturen koordinatzaile orokor, Arkaitz Rodriguezen lekukoa jasota
Sorturen koordinatzaile orokor berriak hiru erronka jarri dizkio garai berriari: "euskal proiektu nazionala eraberritzea, politikaren zentzu eraldatzailearekin birkonektatzea eta euskal estatuaren oinarriak eraikitzea". Rodriguez "pozik" azaldu da zortzi urteotan "aurrera egindako urratsengatik".
Gaurdanik Xabier Iraola (Igeldo, 1993) da Sorturen koordinatzaile orokor berria, Arkaitz Rodriguezi erreleboa hartuta. Sortuk Ficoban (Irun) egin duen IV. Kongresua ixteko ekitaldian hartu du kargua Iraolak, militanteen % 96ren babesa eskuratuta. Garai berrian hiru erronka ezarri ditu Iraolak: "euskal proiektu nazionala eraberritzea, politikaren zentzu eraldatzailearekin birkonektatzea eta euskal estatuaren oinarriak eraikitzea".
Koordinatzaile orokor kargua ez ezik, Nazio Idazkaritza ere berritu du Sortuk. Zortzi emakumek eta zazpi gizonek osatuko dute zuzendaritza berria, eta ‘Herri gogoa’ ponentzian jasotakoak izango dituzte gidalerro nagusi. Iraola Ernairen sortzaileetako bat izan zen, eta Sorturen Herrigintzako idazkaria izan da azken bost urteetan
Militanteei eta aurreko Nazio Idazkaritzari eskerrak emanez hasi du bere hitzaldia Iraolak, eta "besarkada beroa" eskaini die "euskal preso, iheslari eta deportatu politikoen senitartekoei". Ondoren, egungo nazioarteko politikaren argazkia atera nahi izan du, eta "kapitala ala bizitza" atakaren aurrean, Sortuk "bizitza" aukeratzen duela azpimarratu du. Horren harira, Josu Jon Imaz Repsoleko kontseilari ordezkariak Trumpi egindako esker hitzak salatu ditu: "Josu Jonek, kapitala; guk, bizitza", esan du.
Horren hitzetan, "krisi garaiak" dira egungoak, "arrisku handiko garaiak", baina baita "aukera handikoak" ere. "Gaur eta orain, jendarte sozialista baten ortzi muga eskaini beharra dago, egungo sistema politiko-ekonomikoa errotik aldatzeko gai izango dena, eta bizitza eta zaintza erdigunean jarriko dituena", adierazi du. Horren arabera, "klase borroka, borroka feminista eta antiarrazista, azken batean, zibilizazio justuago bat eraikitzea gure herrian nazio askapen prozesuarekin lotua dago".
Sorturen erronkak hizpide, Xabier Iraolak hiru aipatu ditu: "euskal proiektu nazionala eraberritzea; politikaren zentzu eraldatzailearekin birkonektatzea (eskuin-muturraren eskutik politikaren aurkako jarrerak hedatzen ari diren garaiotan); eta euskal estatuaren oinarriak eraikitzea, eremuz eremu estatu gisa pentsatuz eta arituz". Horren ildotik, EH Bildu eta EH Bai koalizioen aldeko "apustua" sendotzea aldarrikatu du.
Azkenik, "euskal nazio askapenerako mugimendua" ahotan, Iraolak belaunaldi berriei egin die deia: "Gu ez gaude gaur hemen beste askok ibili zituzten bide berak ibiltzeko. Gu gaur hemen gaude, honaino ekarri gaituen ibilkera presente, gure bide propioak ibiltzeko. Ezker abertzalearen proiektu politiko historikoaren sustraiak mantenduta, proiektu hori gaurkotzeko, eraberritzeko eta bide berriak irekitzeko".
Rodriguez, "pozik" zortzi urteotan emandako "aurrera urratsekin"
Oso hunkituta azaldu da Arkaitz Rodriguez, agurrean. Ficoban bildutakoen txalo zaparrada beroa eta luzea jaso du donostiarrak. Sorturen koordinatzaile orokor izan den zortzi urteotan jasotako "babesa eta konpromisoa" eskertu ditu lehenik, eta, ondoren, balantzea egiteko orduan, lortutako aurrerapausoekin "pozik" azaldu da.
Zure interesekoa izan daiteke
Ertzaintzaren aurkako pintaketak agertu dira Araian eta Amurrion asteburuan
Eusko Jaurlaritzako Segurtasun Sailak gogor gaitzetsi ditu ekintza horiek, eta salatu du "beste behin ere bizikidetzaren etsaiek beren totalitarismoa inposatu nahi dutela, herritarrak Euskadi seguru eta demokratiko batean bizi daitezen lanean ari diren ertzainak seinalatuz". Atzo, Euspel eta Esan sindikatuek, Arabako ahaldun nagusiak, PPk eta Asparrengo EH Bilduk ere gaitzetsi zituzten pintaketak.
Podemos Euskadik "hautagaitza zabalak eraikitzearen" alde egin du, "euskal ezker indartsua" lortzeko
"Autogobernua birdefinitzeko garaia" dela adierazi du alderdi moreak, erabakitzeko eskubidearen alde dagoela, "baina benetan premiazkoa, dauzkagun tresnak erabiltzea" dela, "gure hizkuntza bezain baliotsua den zerbait barne, euskara, gizartea batzeko, eta ez zatitzeko", adierazi dute.
Sanchezek babesa agertu dio Oscar Puente Espainiako ministroari, PPk eta ERCk dimititzeko eskatu ostean
PPko idazkari nagusi Miguel Telladok gezurretan aritzea eta informazioa ezkutatzea egotzi dio Espainiako Gobernuari, eta ERCko presidente Oriol Junquerasek Espainiako Garraio ministroaren dimisioa eskatu du, gertatutakoari aurre egiteko eta azalpenak emateko gai izan ez dela iritzita.
UNRWA agentziak, Bera Bera Eskubaloia taldeak eta Juan Mari Atutxak jaso dituzte 2025eko Sabino Arana sariak
Beste hauek ere saritu dituzte: Eduardo Anitua medikua, Enrike Zelaia musikari eta folklorista eta Etxeondo enpresa. Arantxa Tapia Sabino Arana Fundazioko presidentearen hitzetan, sarituek "sustraiak galdu gabe aurrera egiten duen benetako eta eguneroko Euskadi hori hezurmamitzen dute".
Polizia ereduaren eztabaida edota Rosa Zarraren kasua izan ditu hizpide Juan Mari Atutxak ETBk egindako elkarrizketan
“Ohorea da saria jasotzea. Ahalegin xumea egin dut herri honen alde, eta pozgarria da”, esan du Atutxak. “Polizia eredua zalantzan jartzea eskubide bat da”, azpimarratu du ia zortzi urtez Herrizaingo sailburua izandakoak.
Rosa Zarraren familiari barkamena eskatzeko arazorik ez duela adierazi du Atutxak
ETBko albistegiek egindako elkarrizketan, Juan Mari Atutxak zehaztu du beste indarkeria batzuen biktimak ere kontuan hartu behar direla, ETAk hildako 15 ertzainak besteak beste. Atutxak Sabino Arana saria jaso du, bizikidetza demokratikoaren alde egin eta indarkeria garaian erakutsitako kemenagatik.
Pradales eta Sanchez asteartean bilduko dira Moncloan
Hala baieztatu dute Lehendakaritzako eta Moncloako iturriek. Kostata bada ere, EAEren esku beste bost eskumen utzi ostean egingo dute batzarra bi buruzagiek.
Vitero: "Aurrekontuek erakusten dute EH Bilduk lortzen dituen akordioek edukia dutela"
Rocio Vitero EH Bilduren Gasteizko Udaleko bozeramailearen hitzetan, koalizioak "helburu argi bat" du aurrekontuak adosten dituenean: "Jendearen bizi baldintzak hobetzea, eraldaketa sozialean aurrera egitea".
Eraitsitako jauregiaren auzian ikerketapean hiru zinegotzi bakarrik daudela azpimarratu du EAJk
Egunkari batek gaur kaleratu duenez, Ertzaintzaren ikerketak udal gobernu osoa egiten du eraisketaren erantzule. Horri buruz galdetuta, Iñigo Ansola EAJren BBBko presidenteak atzo esandakoak berretsi ditu.
Mezu populisten aurrean erne ibiltzeko eskatu die Chivitek gazteei
PSNko idazkari nagusiak Nafarroako Gazte Sozialisten Kongresuan hitz egin du larunbat honetan, eta ultraeskuinaren mezu populistei buruz ohartarazi die gazteei, politikan aktiboki parte hartzeko deia egiteaz batera. Halaber, ziurtatu du "gatazka kulturala" gertatzen ari dela sare sozialetan, non "mezu sinplistak eta desinformazioa" zabaltzen diren.