Getxoko jauregiaren eraisketaren errua udal gobernu osoarena izan daitekeela dioten informazioak ukatu dituzte EAJk eta PSEk
El Correo egunkariak kaleratu duenez, Ertzaintzaren ikerketak udal gobernu osoa egiten du eraisketaren erantzule. Horri buruz galdetuta, Iñigo Ansola EAJren BBBko presidenteak esan du "aldeko txostenekin" hartu zuela erabakia udal gobernuak. PSEk adierazi du, ordea, batzar horretan ez zela eraisketarik onartu, erreabilitazioa baizik.
Getxon bota zuten jauregiaren auziaren inguruko polemikak aurrera jarraitzen du. Gaur, El Correo egunkariak argitaratu du Ertzaintzaren atestatuak EAJko hiru zinegotzi inputatuak bakarrik ez, udal gobernu osoa, EAJko zein PSEko ordezkariak, jarriko lituzkeela jomugan, obra hori baimentzeagatik.
Ertzaintzaren txostenaren arabera, erabaki hori beharrezko txosten juridikorik gabe hartu zen; eta gaineratzen du, txosten hori eskatu izan balitz, eraikinak zuen ondare babesagatik eta HAPOn zuen egoeragatik, aurkakoa izango litzatekeela ebazpena.
EAJk eta PSEk aurre egin diote informazio horri.
EAJren izenean, Iñigo Ansola, Bizkai Buru Batzarreko presidenteak defendatu du "teknikarien txosten guztiak aldekoak" izanda eman zela lanak egiteko baimena, eta gaineratu du oraindik ez dutela ikerketaren sumarioa eskuratu; eta are gehiago, ikertutako zinegotziek ere ez dute jakinarazpenik jaso.
Hitzez bakarrik ez, babes publikoa ere agertu dio Ansolak Getxoko alkate Amaia Agirrei, elkarrekin helduz Arriaga antzokira, Sabino Arana Sarietara.
PSEk, berriz, oharra kaleratu du adieraziz udal gobernuak ez zuela inolaz ere jauregia eraisteko baimena eman, emandako baimena eraikina eraberritzeko izan zela.
PSEK 2022ko urriaren 18an egindako gobernu batzordearen akta argitara eman du eta zehaztu dutenez, "akordioaren hitzez hitzeko edukia kontuan hartuta", lizentzia horrek "ez zuen baimentzen eraikin nagusia, Irurak Bat, eraistea, baizik eta eraikuntza osagarriak eraistea eta hura birgaitzeko jarduketa bat egitea".
Ildo horretan, Getxoko PSE-EEk azpimarratu du 2022an onartutako lizentziak "birgaitze obra bati adostasuna ematen ziola, eta inola ere ez eraisteko obra bati".
"Tokiko Gobernu Batzarrera eraman zen espedienteak abal teknikoak zituen une horretan, eta, beraz, alde politikotik ezin da aurkako botorik eman, diskrezionalitatearen mende ez dagoen egintza arautua baita", defendatu dute agirian.
Azkenik, 2024ko abuztuan Irurak Bat eraikina eraitsi zenean, horrek emandako lizentzia urratzen zuela nabarmendu dute.
Gauzak honela, "iritzi publikoari helarazten zaizkion informazioekin oso zuhur" jokatu behar dela nabarmendu dute.
Zure interesekoa izan daiteke
Pradalesek gehiengo sindikala hartuko du, gutxieneko soldataren negoziazioa eta Osakidetzaren gatazka mahai gainean direla
11:00etan Garbiñe Aranburu LABeko idazkari nagusiarekin bilduko da, eta 12:30ean, Mikel Lakuntzarekin (ELA). Sindikatu abertzaleak Jaurlaritzarekin oso kritiko mintzatu dira, eta Confebasken menera aritzea leporatu diote.
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik 4.000 lagun bildu ditu Gipuzkoako hiriburuan 'Euskal Herria irabaztera' lelopean. Kontxako banderaren bigarren jardunaldiaren amaierarekin bat egin du protestak.
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.