Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Zaldibarko hondamendiaren harira, ingurumen delituak ikertzen ari den auzian Arantza Baigorri EH Bilduren alkate ohia inputatu dutela jakin berritan, oharra kaleratu du Zaldibar Argitu herri plataformak "arreta ez desbideratzea" eta bi langileen heriotza eta ingurumen kalte ikaragarria eragin zuten faktoreak ikertzea eskatzeko.
Sei puntuko ohar labur batean, auzia ikertzea eskatzeko sortutako herritarren plataformak salatu du auziak 6 urte daramatzala instrukzio fasean, "etengabeko luzapenak" izan dituela eta lehentasuna dela luizia eragin zuten faktoreak ikertzea, ardurak zehazteko. Plataforma hori osatzen duten herritarren ustez, orain zabaldu den informazioa "ez doa norabide horretan". Horren harira, arreta "arazoaren benetako mamitik desbideratzeko ahaleginak antzuak" izango direla ohartarazi dute.
Dena dela, nabarmendu du Baigorri alkate ohiak edota EH Bilduk azalpenak eman beharko dituztela udalerriko Hirigintza Antolamendurako Plan Orokorra (HAPO) Verter Recyclingen mesedetan moldatu ote zuten zehazteko, baina gaineratu du oraindik argitu gabe dagoela horretan Eusko Jaurlaritzak eta Bizkaiko Foru Aldundiak ardurarik izan zuten; izan ere, gogora ekarri duenez, Zaldibarko HAPOk Aldundiaren oniritzia jaso zuen 2020ko apirilean, eta sasoi hartan Azpiegituretako eta Lurralde Garapenerako foru diputatua zenak sinatu zuen, alegia, Imanol Pradalesek.
Era berean, Zaldibar Argitu plataformari "harrigarria" egin zaio Jose Luis Maiztegi eta Juan Mari Uriarte jeltzaleak, 2019 eta 2023 bitartean alkate eta alkateorde izan zirenak, ikertu moduan ez agertzea, Zaldibarko Udalaren eta Verter Recyclingen arteko harremanak horiek "zuzendu" baitzituzten, plataforma horren arabera.
Azkenik, bi eskaera egin dituzte: batetik, instrukzio fasea amaitzeko behingoz, eta bestetik, otsailaren 8an, 12:30ean, Zaldibarko Eitzaga auzoan urtero egin ohi duten ekitaldian parte hartzeko.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.