Iraungitako txertoen kasuari lotutako batzorde independente bat eratzeko eta erantzukizunak eskatzeko proposamenak atzera bota dituzte EAJk eta PSEk
Jeltzaleek eta sozialistek iragarritako neurriak arintzeko eskatu diote Osasun Sailari, "akatsen arriskua gutxitzeko".
EAJk eta PSEk, Eusko Legebiltzarrean duten gehiengo absolutua baliatuta, blokeatu egin dituzte iraungitako txertoen aferaren harira oposizioak aurkeztutako bi ekimen nagusiak: batzorde independente bat eratzeko proposamena eta Osasun Sailari erantzukizun politikoak exijitzeko eskaera. Iraungitako txertoak hainbat pertsonari jarri zizkietela jakinarazi ostean iritsi da eztabaida ganberara, tartean haurtxoei ere.
PPk aurkeztu du ekimenetako bat, eta EH Bilduk eta Sumarrek bigarrena. Bi proposamenek sistemaren “egiturazko eta funtzionamenduko gabeziek” eragindako akatsengatik ardurak argitzeko beharra eskatzen zuten. Baina jeltzaleek eta sozialistek aurka bozkatu dute, eta oposizioaren planteamenduak bazter utzi dituzte.
Asteleheneko osoko bilkuran, Alberto Martinez Osasun sailburuak azalpenak eman zituen eta aitortu zuen gertatutakoa “inoiz gertatu behar ez zen akatsa” izan dela, nahiz eta, haren esanetan, txertatutako pertsonek ez duten osasun-ondoriorik izan. Martinezek azaldu zuenez, txertoak osasun-zentroetan bertan iraungi ziren, eta giza akats baten ondorio izan zen, “inoren borondaterik gabe”.
Oposizioaren eskaerak atzera botata, EAJk eta PSEk elkarrekin aurkeztutako zuzenketa bakarra onartu du Legebiltzarrak, beste taldeen babesik gabe. Testu horretan, Osasun Sailari eskatu diote Osakidetzak iragarritako neurriak “arintzeko”, “akatsen arriskua gutxitzeko”, eta, gainera, herritarrei zuzendutako komunikazio-protokolo bat ezartzeko, osasun-gorabeheren aurrean konfiantza eta segurtasuna indartzeko.
Auziak bide judiziala hartu du
Ostegun honetan, Osasun Sailak Fiskaltzari bidaliko dio iraungitako txertoei buruz duen informazio guztia; izan ere, euskal fiskaltzak ikerketa-eginbideak zabaldu ditu jada.
Ikerketa horren testuinguruan, Ertzaintzak zuzenean eskatu dio Lore Bilbao Osakidetzako zuzendari nagusiari kasuari buruz eskuragarri dagoen dokumentazio guztia, Fiskaltzaren aginduz. Ministerio Publikoaren lehen errekerimenduak, antza, ez zuen Osakidetzaren erantzunik jaso, eta Martinezek egoera “erregistroko arazo” batekin lotu du.
Sailburuak adierazi du Ertzaintzak, polizia judizialaren eginkizunetan, Fiskaltzaren bigarren informazio-eskaera helarazi zuela, Pazientearen Defendatzailearen elkarteak aurkeztutako salaketa baten ondorioz abiatutako ikerketan. Martinezen esanetan, “gaur bertan” bidaliko diote eskatutako informazio guztia Ministerio Publikoari, bai telematikoki bai aurrez aurre, Fiskaltzak jasotzen duela ziurtatzeko.
Zure interesekoa izan daiteke
Rufianek eta Monterok ezkerra batzea eskatu dute, Voxi aurre egiteko: "Bestela, banan-banan hilko gaituzte"
Gabriel Rufian ERCk Kongresuan duen bozeramaileak eta Irene Montero Podemoseko bigarrenak PSOEren ezkerretara dauden alderdien batasuna aldarrikatu dute, eta biek defendatu dute ezkerreko balizko fronte horien gidaritza euren alderdiek hartzea Estatuan eta Katalunian. "Betela, banan-banan hilko gaituzte", esan dute, Bartzelonan egin duten ekitaldia.
Carmen Panok Aldamaren aginduz Ferrazen 90.000 euro entregatu zituela berretsi du Gorenean
Enpresariak esan du 45.000 euroko bi ordainketa eraman zituela PSOEren egoitzara, eta Abalosek hidrokarburoen lizentzian egindako kudeaketengatik “etxe bat" nahi zuela adierazi du.
Otxandianok "haren kapital politikoa jartzeko" eskatu dio Pradalesi, "estatus politiko berriaren eztabaida erdigunean kokatzeko"
EH Bilduren Legebiltzarreko bozeramaileak gehiengo kualifikatuak eta giro politiko "nahiko aldekoa" direla aprobetxatzearen alde egin du, "herri akordioak, akordio nazionalak eta estatu ikuspegia duten itunak lortzeko" EAEn, bere ustez, eta egungo testuinguru historikoan, hori baita "herri honen interesak babesteko alternatiba zentzuzko bakarra".
Josu Urrutikoetxearen aurkako epaiketa abiatu da Parisen, Frantzian bere kontra irekitako azken prozeduraren barruan
Epaiketa pasa den urrian egitekoa zen, baina Josu Urrutikoetxearen osasun arrazoiengatik apirilera atzeratu zen. Parisko Dei Auzitegian epaituko dute 2002tik eta 2005era ETAko kide izan zelakoan.
Jaurlaritzak "titular gutxiago eta lan gehiago" eskatu du, migrazioaren egiturazko erronkari aurre egiteko
Haurren eta Nerabeen Konferentzia Sektoriala bertan behera geratu zen atzo, PP buru duten erkidego ia guztiek bertan parterik ez hartzea erabaki baitzuten. Nerea Melgosa Ongizate Berdintasun, Justizia eta Gizarte Politiketako sailburuak migrazioaren arloan Jaurlaritzak dituen eskumenak handitzea eskatu du, eta Estatuari eskatu dio egiturazko estrategia bat gara dezala, haurrak eta nerabeak zaintzeko.
Ezkerra, Rufian eta Monteroren arteko bilerari so
ERC, EH Bildu, BNG, Compromis, MES, Sumar eta Podemos alderdiak bilduko dituen hautagaitza "plurinazionala" bultzatzeko azken hilabeteetan ERCren bozeramaileak egindako proposamenaren ostean etorri da hitzordua.
Korrikan erakutsitako ETAko presoen irudien gaineko ikerketa zabaltzea agindu du Auzitegi Nazionalak
UPNk jarri zuen salaketa, euskararen aldeko lasterketa Iruñeko Txantrea auzotik eta Nafarroako beste hainbat herritatatik igaro zenean erakutsi ziren irudiekin terrorismoa goratu eta biktimak umiliatu zirelakoan.
Claudia Montesek Gorenaren aurrean adierazi du Abalosek ez ziola inoiz esan Logirailen “entxufatu” zuenik
Lekukoaren arabera, ministro ohiak lan eskaintzen estekak baino ez zizkion bidali, eta Koldo Garciak hasieratik esan zion enpresa publikoan haren “nagusia” zela.
50 urte dira ETAk Aingeru Berazadi erail zuela
ETAk hildako lehen enpresaria izan zen Aingeru Berazadi, eta baita bahitu ondoren hil zuten lehenengo laguna ere. Mende erdi geroago, Cristina alabak aita omendu du, eta enpresariek gogora ekarri dute hilketak izan zuen eragina.
EAJk borondate politikoa eskatu du "Gernika" lekuz aldatzeko aukera teknikoetan sakontzeko
Maribel Vaquero EAJk Kongresuan duen bozeramaileak ziurtatu du ez dituela zalantzan jartzen Reina Sofia museoko adituen txosten teknikoak. Horien arabera, ez da komeni da koadroa mugitzea; hala ere, adituen txosten gehiago eskatu ditu. "Gauza ezinezkoagoak ikusi ditugu", ziurtatu du.