EHUk Arabako campusa itxiko du astelehenean, Voxen ekitaldi bat dela-eta
Eskuin muturreko alderdiak otsailaren 23aren oroigarri gisa egin du deialdia, “unibertsitatean askatasuna defendatzeko ezker abertzalearen aurrean”.
Arabako campuseko fakultateetako bat, artxiboko irudi batean.
EHUk erabaki du Arabako campusean datorren astelehenean, otsailak 23, egin behar zen aurrez aurreko jarduera oro bertan behera uztea, Julia Calvet Vox alderdi ultraeskuindarreko Gazteriaren bozeramaileak egun horretarako deitutako ekitaldiak dakarren "arriskuaren" aurrean segurtasuna bermatzeko.
Santiago Abascalen alderdiaren ekitaldiari erantzunez, Farmazia Fakultatearen sarreran elkarretaratze bat deitu dute sare sozialen bidez, "antifaxismoa kriminalizatu eta matxismoa, espainolismoa eta arrazismoa sustatzen dituen Vox alderdi politiko faxistaren" aurka.
Ohar baten bidez, EHUko errektoretza-taldeak egun horretan hartuko dituen "prebentzio-neurrien" berri eman du, komunitatearen “segurtasuna bermatu eta totalitarismoaren aurrean osasun-hesia" jartzeko.
Hala, bertan behera utziko dute Gasteizko campuseko aurrez aurreko jarduera oro; eskolak online emango dituzte, eta telelana lehenetsi. Teknikari eta administrariek ere era horretara jardutea ahalbidetuko dute, zentroetan zerbitzu guztiak bermatzen diren heinean.
Halaber, segurtasun neurri gisa, 08:00etatik aurrera eraikinetarako sarrera nagusiak itxita egongo dira eta unibertsitatearen aparkalekuak zerratuko dira. Eusko Jaurlaritzako Segurtasun Saila arduratuko da aparkaleku horiek ixteaz.
Errektoreek erabaki horiek hartu dituzte Voxek deitutako ekitaldia "arriskutsua" delakoan, "EHU kanpo gatazka batean nahastuta gerta ez dadin".
Voxen ustez, "onartezina" da EHUko errektoretza-taldeak "faltsukerietara" jotzea eskola-egun batean campusa ixteko erabakia justifikatzeko, "politikan aritzeko beste edozeinen eskubide bera duen alderdi demokratiko baten aurkako salaketa handiak eginez". Era berean, "diskurtso totalitarioak" sustatzea leporatu die ezkerreko eta abertzaleak diren gazte erakundeei, "aurkari politikoen aurka indarkeria erabiltzera iritsiz".
Gogoratu beharra dago joan den urriaren 12an, Falange Españolak Arabako hiriburuan egindako ekitaldi batean liskarrak izan zirela faxisten eta haien aurkako taldeen artean, eta Ertzaintzak esku hartu zuela. Denera, 19 atxilotu, 40 zauritu eta 10.000 euroko kalteak izan ziren.
Zure interesekoa izan daiteke
Carmen Panok Aldamaren aginduz Ferrazen 90.000 euro entregatu zituela berretsi du Gorenean
Enpresariak esan du 45.000 euroko bi ordainketa eraman zituela PSOEren egoitzara, eta Abalosek hidrokarburoen lizentzian egindako kudeaketengatik “etxe bat" nahi zuela adierazi du.
Otxandianok "haren kapital politikoa jartzeko" eskatu dio Pradalesi, "estatus politiko berriaren eztabaida erdigunean kokatzeko"
EH Bilduren Legebiltzarreko bozeramaileak gehiengo kualifikatuak eta giro politiko "nahiko aldekoa" direla aprobetxatzearen alde egin du, "herri akordioak, akordio nazionalak eta estatu ikuspegia duten itunak lortzeko" EAEn, bere ustez, eta egungo testuinguru historikoan, hori baita "herri honen interesak babesteko alternatiba zentzuzko bakarra".
Josu Urrutikoetxearen aurkako epaiketa abiatu da Parisen, Frantzian bere kontra irekitako azken prozeduraren barruan
Epaiketa pasa den urrian egitekoa zen, baina Josu Urrutikoetxearen osasun arrazoiengatik apirilera atzeratu zen. Parisko Dei Auzitegian epaituko dute 2002tik eta 2005era ETAko kide izan zelakoan.
Jaurlaritzak "titular gutxiago eta lan gehiago" eskatu du, migrazioaren egiturazko erronkari aurre egiteko
Haurren eta Nerabeen Konferentzia Sektoriala bertan behera geratu zen atzo, PP buru duten erkidego ia guztiek bertan parterik ez hartzea erabaki baitzuten. Nerea Melgosa Ongizate Berdintasun, Justizia eta Gizarte Politiketako sailburuak migrazioaren arloan Jaurlaritzak dituen eskumenak handitzea eskatu du, eta Estatuari eskatu dio egiturazko estrategia bat gara dezala, haurrak eta nerabeak zaintzeko.
Ezkerra, Rufian eta Monteroren arteko bilerari so
ERC, EH Bildu, BNG, Compromis, MES, Sumar eta Podemos alderdiak bilduko dituen hautagaitza "plurinazionala" bultzatzeko azken hilabeteetan ERCren bozeramaileak egindako proposamenaren ostean etorri da hitzordua.
Korrikan erakutsitako ETAko presoen irudien gaineko ikerketa zabaltzea agindu du Auzitegi Nazionalak
UPNk jarri zuen salaketa, euskararen aldeko lasterketa Iruñeko Txantrea auzotik eta Nafarroako beste hainbat herritatatik igaro zenean erakutsi ziren irudiekin terrorismoa goratu eta biktimak umiliatu zirelakoan.
Claudia Montesek Gorenaren aurrean adierazi du Abalosek ez ziola inoiz esan Logirailen “entxufatu” zuenik
Lekukoaren arabera, ministro ohiak lan eskaintzen estekak baino ez zizkion bidali, eta Koldo Garciak hasieratik esan zion enpresa publikoan haren “nagusia” zela.
50 urte dira ETAk Aingeru Berazadi erail zuela
ETAk hildako lehen enpresaria izan zen Aingeru Berazadi, eta baita bahitu ondoren hil zuten lehenengo laguna ere. Mende erdi geroago, Cristina alabak aita omendu du, eta enpresariek gogora ekarri dute hilketak izan zuen eragina.
EAJk borondate politikoa eskatu du "Gernika" lekuz aldatzeko aukera teknikoetan sakontzeko
Maribel Vaquero EAJk Kongresuan duen bozeramaileak ziurtatu du ez dituela zalantzan jartzen Reina Sofia museoko adituen txosten teknikoak. Horien arabera, ez da komeni da koadroa mugitzea; hala ere, adituen txosten gehiago eskatu ditu. "Gauza ezinezkoagoak ikusi ditugu", ziurtatu du.
Iruñeko aire-trafikoa "hobetzeko prest" agertu da Espainiako Gobernua
Maria Caballero UPNren senatariak egindako galdera bati erantzunez, Oscar Puente Espainiako Gobernuko Garraio eta Mugikortasun Jasangarriko ministroa Iruñeko aireportuaren egungo ereduaren alde agertu da, baina aitortu egin du aire-trafikoa "hobetu" daitekeela. Haren hitzetan, Iruñekoa aireportuko bidaiari kopurua % 40 hazi da 2018tik; Estatuko daturik altuenetakoa da hori.