Espainiako Gobernuak desklasifikatutako dokumentuek “etsipena” eragin dute; Feijook, ordea, Juan Carlos I.a itzul dadila eskatu du
EH Bildu, EAJ, Compromis eta BNG taldeen arabera, estatu kolpe saiakeraren inguruan zeuden zalantzak ez dira argitu.
Mertxe Aizpurua EH Bilduren Diputatuen Kongresuko bozeramaileak onartu du “etsipena” eragin duela 1981eko otsailaren 23ko estatu kolpe saiakeraren inguruan Espainiako Gobernuak desklasifikatu duen informazioak. Alberto Nuñez Feijoo PPren presidenteak, bere aldetik, Juan Carlos I.a errege emeritua Espainiara itzultzea eskatu du.
Edozein kasutan, orain garrantzitsuena gainerako dokumentu sekretuak desklasifikatzea dela nabarmendu du Aizpuruak. Estatu kolpe saiakeraren inguruko dokumentuak ez ezik, askoz gehiago sekretupetik atera behar direla adierazi du.
Ildo beretik hitz egin du Maribel Vaquero EAJren Kongresuko bozeramaileak ere, eta O23aren gaineko dokumentuak ez ezik, sekretupean dauden guztiak desklasifikatu behar direla esan du.
Juan Carlos I.a estatu kolpe saiakeran zer egin zuen galdetuta, diputatu jeltzaleak ez du baloraziorik egin, atera berri den informazioa aztertu arte.
Nestor Rego BNGren bozeramailearen esanetan oraindik "oso goiz" da Estatuko buruzagia izan zenak egindakoa baloratzeko. Era berean, "dokumentuak erabat desklasifikatzeko" eta Sekretu Ofizialen Legea behin betiko indargabetzeko pausoak ematea eskatu du.
Alberto Ibañez Compromisen diputatuak, bere aldetik, lehendik zituen zalantzak dituela nabarmendu du.
Juan Carlos I.a errege emeritua Espainiara itzultzea eskatu du
Alberto Nuñez Feijoo PPren presidentearen arabera, "desiragarria" litzateke Juan Carlos I.a Espainiara itzultzea.
X sare sozialean zabaldutako mezuan Feijook azaldu duenez, errege emerituak berak "akatsak" onartu ditu, baina "demokrazia eta askatasunak babesten lagundu zuenak bere bizitzako azken etapa duintasunez eta bere herrialdean igaro beharko luke".
Zure interesekoa izan daiteke
Santurtziko alkateak dimisioa ofizial egin du: "Lasai noa, jakinda beti jokatu dudala legearen barruan"
Karmele Tubillak otsailaren 12an eman zuen alkatetza uzteko erabakiaren berri, "arrazoi pertsonal, familiar eta politikoak" argudiatuta. Berriro ere oposizioari egotzi dio berak dimititzea eragin duen egoera sortzea, gogortu egin duelako gobernuaren aurkako jarduna.
EAJk eta PSE-EEk adostu dute Espainiako Gobernuari eskatzea martxoak 3ko sarraskian izandako erantzukizuna aitor dezala
Sekretu Ofizialen Legearen erreforma desblokeatzeko ere eskatu dute, eta gertakari haren inguruko informazioa eskuragarri jartzeko eskatu dute.
Bengoetxea: “Gobernua lanean ari da uda honetarako udalekuetako segurtasuna bermatzeko”
Ibone Bengoetxea Eusko Jaurlaritzako lehen lehendakariordearen arabera, zilegi da konponbideetan parte hartzea, baina ez da arrazoizkoa besteenak blokeatzea, EH Bilduri erreferentzia eginez. Dena den, lasaitasun mezua bidali die familiei.
Gazteria Legearen erreforma urgentziaz onartzeari oztopoak jartzea aurpegiratu dio EAJk EH Bilduri
EAJren Eusko Legebiltzarreko bozeramaileak koalizio subiranistari galdetu dio "zein den haren alternatiba", epeak irakurketa bakarreko prozeduraren bidez laburtu ezean.
EH Bilduk Eusko Jaurlaritzari egotzi dio udalekuak arautu gabe egotearen erantzukizuna
Nerea Kortajarena EH Bilduko legebiltzarkideak azaldu duenez, Gazteria Legea 2022an onartu zen, eta arau hori "ez du garatu Eusko Jaurlaritzak". "Etxeko lanak ez egiteak", udalekuen arloa "erregulatu gabe egotea" eragin duela salatu du.
Antonio Tejero hil da, O23ko estatu kolpe saiakeran protagonista izan zen teniente koronela
Estatu kolpe saiakeraren dokumentu desklasifikatuak argitarau diren egunean jakin da Tejero hil egin dela. Estatu-kolpe saiakera egotzita, 30 urteko kartzela zigorra ezarri zioten, baina, bete, erdia bete zuen.
Euskara indarberritzeko prozesuan norabide aldaketa bat proposatzen duen ‘Lurralde Estrategia’ aurkeztu du UEMAk
Estrategiak bi ideia nagusi ditu oinarrian: arnasguneen eta landa-eremu euskaldunenaren gainbehera iraultzea eta indartzeko bidean jartzea, eta hizkuntza politika lurralde ikuspegitik planifikatzea.
Javier Remirezek Montejurrari, Mikel Zabalzari eta Sanferminei buruzko dokumentuak desklasifikatzeko eskatu du
Nafarroako Gobernuko lehen presidenteordeak prentsaurrekoan adierazi duenez, "demokraziarako beti da positiboa" informazioa desklasifikatzea, "iraganeko gertaerak hobeto ulertzeko aukera" ematen baitu, "demokrazia helduei dagokien gisan". Nafarroako Gobernuak sekretu ofizialei buruzko araudi berri bat egiteko eskatu du, indarrean dagoena 1968koa baita, "diktadura frankista garaikoa".
Espainiako Telebistan indarrez sartu ziren militarrek jasotako agindua: “Lehen tiroa, airera; eta bigarrena, jotzera”
Desklasifikatutako dokumentuetako batek El Pardo unitate militarraren telefono bidezko elkarrizketak jasotzen ditu.