EHUko errektoretza taldeak "onartezintzat" jo du Arabako campusean ke poteak jaurti izana
Martxoaren 3ko sarraskiaren urteurrenaren bezperan, ikasle talde batek ke poteak jarri ditu Arabako campuseko lau fakultatetan, eta, ondorioz, protokoloa aktibatu dute eta ikasgelak hustu behar izan dituzte. Errektoretzak, ohar bidez, esan du ikasleen "aldarrikapenerako eta protestarako eskubidea" babesten duela, baina ez dituela onartuko "segurtasunaren, bizikidetzaren eta gainerako unibertsitate-komunitatearen hezkuntzarako oinarrizko eskubidearen aurkako metodoak".
EHUko errektoretza taldeak "irmoki arbuiatu" du Arabako campusean ikasle talde batek ke poteak jaurti izana, eta jazotakoa "onartezina" dela adierazi du. Gaur goizean, 1976ko martxoaren 3ko sarraskiaren 50. urteurrenaren bezperan, ikasle talde batek ke poteak jarri ditu campuseko lau eraikinetan. Hori dela eta, prebentzio protokoloa aktibatu dute eta eraikinak hustu dituzte suhiltzaileek egoera bere onera itzularazi duten arte.
Gertaeraren harira, oharra kaleratu du eguerdian EHUko Errektoretzak. Idatzian azaldu duenez, aurreko urteetan ere antzeko gertakariak izan dira campusean. Horien guztien aurrean "irmo" erantzun nahi izan du Joxerramon Bengoetxea buru duen taldeak. Batetik, adierazi du "unibertsitatea bizia, kritikoa eta aktiboa" dela sinisten duten aldetik, "aldarrikapenerako eta protestarako eskubidea beti defendatuko" dituztela, baina zehaztu du "jarduera hori pertsonak errespetatuz eta gizarte osoarenak diren ondasun publikoak zorrotz zainduta" gauzatu behar dela.
Hala, nabarmendu du ezin dutela onartu "protestarako eskubide legitimoa bahitua izatea segurtasunaren, bizikidetzaren eta gainerako unibertsitate-komunitatearen hezkuntzarako oinarrizko eskubidearen aurka jotzen duten metodoen bidez". Era berean, gogora ekarri du "leku itxi eta jendetsuetan ke poteak erabiltzeak kalte larriak eragin ditzakeela".
Bestalde, "bizikidetzaren eta aldarrikapen baketsuaren aldeko konpromiso irmoa" adierazi du errektoretza taldeak.
Azkenik, honakoa erantsi du: "Konpromiso kolektiborako eta pertsonak zaintzeko deia berresten dugu. Gure lehentasun nagusia izan da eta izango da gure erkidego osoaren segurtasuna eta ongizatea zaintzea".
Suhiltzaileek eraikinak egurastu behar izan dituzte. Argazkia: EFE
Ramiro Gonzalezek "berehalako neurriak" eskatu ditu
Ramiro Gonzalez Arabako ahaldun nagusiak Arabako campusean gertatutakoa gaitzetsi du, eta "berehalako neurriak" hartzeko eskatu dio Errektoretzari. X sare sozialean kaleratutako zenbait mezutan, errektoretza taldearen erreakzioa kritikatu du Gonzalezek. "Arbuiatzea iritzi bat da. Gaitzesteak gertatutakoa larria dela esatea eta horren araberako neurriak hartzea dakar. EHUko errektoreari entzun diot gertatutakoa 'arbuiatzen' zuela. Ezin dira halako adierazpen orokorrak egin campusaren segurtasuna eta bizikidetza jokoan daudenean", adierazi du.
Bestalde, Muriel Larrea PPko legebiltzarkideak "faxistatzat" jo ditu ke poteak jaurti dituztenak, eta "berehala kanporatu" behar dituztela defendatu du. Errektoretzari campuseko "segurtasuna eta askatasuna" bermatzeko eskatu dio.
Zure interesekoa izan daiteke
Sumarrek "iruzurra" egotzi dio Hezkuntzari 0-3 urteko plaza publikoak ez sortzeagatik, horretarako "Europako funtsak izan arren"
Sumarren legebiltzarkide Jon Hernandezek adierazi duenez, "252 plaza baino ez dira sortu, hau da, hitzartutakoaren % 16,6 besterik ez".
Barcenasek baieztatu du kartzelakide bati Rajoyrekin lotutako audioak suntsitzeko eskatu ziola
Luis Barcenas PPren diruzain ohiak berretsi egin du, Kitchen operazioa epaitzen ari den Auzitegi Nazionaleko auzitegian, kartzelakide bati "MRrekin, Mariano Rajoyrekin, lotutako audio batzuk suntsitzea" eskatu ziola.
Denis Itxaso: “Lokalak etxebizitza bihurtzeko baldintzen artean, bi fatxada izateko baldintza ezabatuko dugu, besteak beste”
Eusko Jaurlaritzak asteartean Gobernu Kontseiluan onartuko duen dekretu berriak etxebizitza politikako neurri sorta zabala martxan jartzea ekarriko du, azken hilabeteetan iragarritako ildo nagusiak garatzeko. Neurrien artean, lokalak etxebizitza bihurtzeko baldintzak malgutuko dira, eta horri esker, Jaurlaritzaren kalkuluen arabera, 7.500 lokal inguruk izango dute erabilera aldatzeko aukera Euskadin. Denis Itxasoren hitzetan, “orain arte bi fatxada edukitzea eskatzen zen lokal horiek etxebizitza bihurtzeko, baina hemendik aurrera ez da hori exijituko, eta beste hainbat baldintza ere malgutuko ditugu”.
Espainiako Gobernuak EBri eskatuko dio apur dezala Israelekin duen elkartze akordioa
"Nazioarteko zuzenbidea urratzen duen gobernu bat —eta, ondorioz, Europar Batasunaren printzipioak eta balioak urratzen dituena— ezin da Europar Batasuneko bazkide izan", azpimarratu du Sanchezek Andaluziako hauteskunde kanpainaurreko ekitaldi batean.
Eskuinaren garaia amaitzen ari dela eta Bartzelonan aro berria hasi dela aldarrikatu du Sanchezek
Espainiako presidenteak eta Lula da Silva Brasilgo presidenteak New Yorkeko alkatearen eta Tim Walz gobernadorearen babesarekin itxi dute 'Global Progressive Mobilisation' topaketa.
Trebiñu Arabaren parte izan dadila aldarrikatu dute Argantzunen, Trebiñu Egunaren ospakizunean
EAJren presidente Aitor Estebanek ziurtatu du bere esku dagoen guztia egiten jarraituko duela Trebiñuko herritarrei "ahotsa emateko", eta Araban sartzeko duten "nahia" bete dadin.
Korrikak dirulaguntzak jasotzeko baldintzak betetzen ote dituen aztertuko du Gasteizko Udalak
Euskararen aldeko lasterketan ETAko presoen argazkiak erakutsi zirela eta, finantzazio publikoa etetea eskatu du gaur, mozio bidez, Alderdi Popularrak. Mozioa atzera bota du Udalbatzak, baina Maria Nanclares zinegotzi sozialistak iragarri du kasua aztertuko dutela, udal ordenantzaren araberakoa ote den jakiteko.
Sanchezek eta Lulak, "gerrari ezetz" esanez, olatu erreakzionarioari aurre egitea eskatu dute
Pedro Sanchez Espainiako presidenteak eta Luiz Inacio Lula da Silva Brasilgo presidenteak argi utzi dute bat datozela egungo une geopolitikoaren aurrean, "gerrari ezetz" esanez. Sanchezek adierazi du bi herrialdeen arteko harremana aldebikoa baino askoz haratago doala, eta azpimarratu du munduaren ikuspegi bera dutela.
Pradalesek ukatu egin du Euskadik "etengabeko tentsio-giroa" bizi duela, eta "moderazioa" eskatu dio PPri
Imanol Pradales lehendakariak ukatu egin du Euskadik "etengabeko tentsio-giroa" bizi duela, Javier de Andres Euskadiko PPko presidenteak horrela ziurtatu ondoren. Lehendakariak "introspekzioa, moderazioa eta neurria" izatea gomendatu dizkio Javier de Andresi. PPk "erradikaltasuna, mehatxuak eta larderia bultzatzea" egotzi dio EAJri.
Pradalesek "herri akordioak" ez babestea leporatu dio EH Bilduri, eta "bustitzeko" eskatu dio
Imanol Pradales lehendakariak EH Bilduri aurpegiratu dio legegintzaldiaren bi urte hauetan "herri mailako" akordio handi bakar bat ere babestu ez izana, eta "bustitzeko" eskatu dio. Otxandianok, bestalde, ohartarazi du Eusko Jaurlaritzan bazkide diren bi alderdien arteko "desadostasunak", euskara bezalako gaietan, "oztopo" direla aurrera egiteko.