Alderdien hauteskunde interesak albo batera utzi eta herri ikuspegitik jarduteko eskatu du Otxandianok
Alderdi politiko eta gizarte eragileekin atzo abiatutako bilera-sortaren barruan, Imanol Pradales lehendakaria Pello Otxandiano EH Bilduren Eusko Legebiltzarreko bozeramailearekin bildu da gaur. Aurretik, Eneko Andueza sozialista hartu du, eta ondoren, Joseba Diez Antxustegi jeltzalea.
Bilera amaitu berritan hedabideen aurrean egindako agerraldian azaldu ditu Otxandianok lehendakariari helarazi dizkion mezuak. Besteak beste, esan dio "momentu historiko hain konplexu eta ziurgabe honetan" Euskal Herriak "mugimendua" behar duela. "Hemen behar da mugimendua. Ez da erretorikarako garaia, ez da lirikarako garaia", esan du.
Bide horretan, EAErako estatus politiko berriaren inguruko "akordioa lortzeko unea" iritsi dela uste Otxandianok, eta baikor agertu da alderdi nagusien artean zabalik dituzten negoziazioen inguruan. "Badira hiru herrialde hauetan etorkizunera begira estrategikoak diren oinarrizko adostasun politiko batzuk erdiesteko aukerak. Badago lurzoru bat. Badaude baldintzak eta badago zerbait denok partekatzen duguna. Hemen badago gutxieneko kultura politiko bat, leku batzuetan ez bezala. Ez dago aitzakiarik”, erantsi du.
Halaber, datozen urteko hauteskunde hitzorduei begira, "arrisku bat" ikusten du: "legegintzaldi hau amortizatutzat ematea, hiru herrialde hauek urte eta erdiz luzatuko litzatekeen prozesu elektoral batean itotzeko. Akats larri bat izango litzateke”.
Horren aurrean, bi aukera daudela gehitu du: "erabaki behar dugu geure alderdien aktibo elektoral hutsak izango garen, hala herri honek behar dituen mugimenduetako protagonistak".
Zazpi mugimendu
Denera, zazpi mugimendu politiko egitea proposatu dio EH Bilduk lehendakariari: eskala handiko etxebizitza publikoen sustapenerako estrategia definitzea, Osakidetzako lan gatazka konpontzea, industria estrategia zehaztea, klima aldaketa arintzeko politikak bizkortzea, euskal migrazio politika definitzea, Adimen Artifizialaren etorreraren aurrean gure gaitasunak garatzea eta euskara ikasteko sarbidea eta aukera unibertsalizatzea.
Mugimenduok "elkarlanean, elkarrekin, adostasunez gertatuko balira, hiru herrialde hauek beste eszenatoki batean" jarriko liratekeela ziur dago koalizioa.
Alderdien ondoren, sindikatuen txanda izango da. UGT eta CCOO zentraletako arduradunekin ostiralean elkartuko da Pradales; LABeko eta ELAko arduradunekin datorren astelehenean, eta, azkenik, Confebask patronaleko presidente Tamara Yaguerekin, asteartean.
Zure interesekoa izan daiteke
Eusko Jaurlaritzak hirugarren gradua eman dio Henri Parot ETAko buruzagi ohiari
Covitek deitoratu du "39 pertsona hiltzeagatik zigortutako terrorista bati" eman izana erregimen hori.
Otxandiano: "Erabaki behar dugu aktibo elektoral hutsak izango garen ala herri honek behar dituen mugimenduetako protagonistak"
Lehendakariarekin batzartu ostean Pello Otxandiano EH Bilduren bozeramaileak adierazi duenez, "arrisku bat ikusten dugu momentu honetan: legegintzaldi hau amortizatutzat ematea, hiru herrialde hauek urte eta erdiz luzatuko litzatekeen prozesu elektoral batean itotzeko".
Anduezak aurrekontu "hedakorrak" eskatu dizkio Pradalesi 2027rako, eta "lehentasun soziala" ezartzea nazionalaren aurrean
Lehendakariarekin izandako bilera "giro adeitsuan" egin dela esan du PSE-EEko buruak, eta, besteak beste, osasuna eta etxebizitza babestea eta indartzea eskatu dio. Halaber, PISA txostenean jasotako euskal hezkuntzaren emaitza txarren aurrean "autokritika" egiteko galdegin dio EAJri.
Txomin Letamendi gudaria torturapean hil zutela egiaztatzeko epaiketa egingo dute urriaren 6an, Donostian
Lehen aldia da Euskal Herrian giza eskubideen urraketa larriengatik "borondatezko jurisdikzioaren" bitartez gisa honetako prozedura bat egingo dela. Prozesu hau GEBehatokiak bultzatu du Txomin Letamendi gudari eta militantearen familiaren adostasunarekin. Letamendi 1950eko abenduaren 20an hil zen, erregimen frankistaren torturapean.
Sanchezek PPri egotzi dio PISAren emaitza txarra, eta Feijook "hezkuntza sozialismoari"
Kongresuan egindako agerraldian Espainiako Gobernuko presidenteak adierazi duenez, PPk kudeatutako autonomia erkidego batzuek ez dituzte hezkuntzara bideratutako baliabideak erabiltzen.
Sanchez, Abascali: "Txakur bat izango naiz, baina zuk ez bezala, nik ez dut jaberik"
Pedro Sanchez Espainiako Gobernuko presidenteak Santiago Abascal Voxeko buruzagiari esan dio bere Gobernuak ez duela onartzen "inongo alderdiren eta herrialderen xantaia", Marokori erreferentzia eginez, eta gaineratu du: "Zu ez bezala, ni txakurra izango naiz, baina ez dut nagusirik". Kongresuan, Gobernuaren kontrol saioan, Abascalek galdetu dio Sanchezi "Marokok xantaia egiten" ote dion bere eta bere "familiaren ustelkeriaz duten informazioagatik".
Eva Lopez de Arroyabe Arabako ahaldun nagusirako hautagai izateko proposatu du EH Bilduk
Datorren urteko hauteskundeetarako Arabako ahaldun nagusirako hautagai izateko proposatu dute berriro Arabako Batzar Nagusietako EH Bilduren egungo bozeramailea.
Albiste izango dira: lehendakariaren bilera-sorta hasiko da, PISA txostenaren argitalpena eta Hondarribiko Alardea
Gaurkoan Orain-en albiste izango direnen laburpena, bi hitzetan.
Hauteskundez beteriko kurtso politikoa hasi da
Hauteskundeek markatutako kurtso politikoa abian da, eta hori hurrengo hilabeteetan mahai gainean jarriko diren gaietan nabarituko da. Analisten arabera, etxebizitzak, segurtasunak eta immigrazioak markatuko dute urte honetako agenda, baina hurbileko gaiek pisua hartuko dute.