Ia 1,8 milioi hauteslek eman ahal izango dute botoa apirilaren 5eko hauteskundeetan
1.788.719 hauteslek eman ahal izango dute botoa apirilaren 5eko EAEko hauteskundeetan. Horietako 75.169 atzerrian bizi dira, baina bozkatzeko eskubidea dute. Guztien artean, Legebiltzarreko 75 ordezkariak hautatu beharko dituzte egun horretan.
Azken hauteskunde autonomikoetan, 2016ko irailaren 25ean, 1.778.776 lagunek izan zuten botoa emateko aukera. Hortaz, hautesle-erroldak % 0,56 egin du gora, duela lau urteko datuekin alderatuta.
Datuak lurraldez lurralde aztertuta, Araban 257.990 lagunek izango dute bozkatzeko eskubidea, Bizkaian 947.791k, eta Gipuzkoan 582.938k. Atzerrian bizi diren eta botoa emateko aukera duten hautesleen kopuruak ere gora egin du; aurtengo hauteskundeetan 2016koetan baino 6.010 gehiago izango dira.
Martxoaren 7tik 11ra bitartean, hauteskunde-mahaiak zozkatuko dituzte
Martxoaren 7a eta 11 bitartean zozkatuko dute hauteskunde-mahaietan nortzuk izango diren, eta martxoaren 12a eta 14a bitartean jakinaraziko diete (jakinarazpenarekin batera, argibideen eskuliburuak ere jasoko dituzte mahaietako presidenteek eta kideek). 2016ko hauteskundeetan, 720 hauteskunde-toki izan ziren Euskadin (101 Araban, 338 Bizkaian eta 281 Gipuzkoan), eta guztira 2.593 mahai izan ziren; 7.779 kidek osatu zituzten (15.558 ordezko deitu zituzten, badaezpada).
Martxoaren 26ra arte eskatu ahalko da posta bidezko botoa. Atzerrian bizi diren eta bozkatu nahi dutenek, baina, martxoaren 7ra arte dute eskaria egiteko, eta botoa braillez emateko asmoa dutenek otsailaren 11tik dute aukera hori eskatzeko.
Hauteskunde-kanpaina martxoaren 20an hasiko da. Hauteskunde-batzordeak arduratuko dira hauteskunde-prozesua gainbegiratzeaz, eta 115 lagunek osatuko dituzte. Apirilaren 5eko hauteskundeetako prozesua astearte honetan hasi da, deialdia Euskal Herriko Agintaritza Aldizkarian argitaratuta, eta maiatzaren hasieran amaituko da ziur aski, Ganbera osatzen dutenean.
Josu Erkoreka Eusko Jaurlaritzako bozeramaileak astearte honetan adierazi duenez, Jaurlaritzaren nahia da gobernu berria uda hasi aurretik osatzea; nolanahi ere, apirilaren 5eko emaitzek baldintzatuko dute asmo hori.
Zure interesekoa izan daiteke
Atutxa pozik euskal gizarteak "berriro EAJ aukeratu" duelako, EH Bilduren "gorakada ukatu gabe"
Buruzagi jeltzaleak ez du ia zalantzarik egin. Gasteizko Gobernuan azken legealdiotako formula errepikatzeko aukera ziurtzat jo du, horretarako PSE-EEk mahai gainean jarriko dituen baldintzak ere zorroztu egingo direla jakitun.
39 emakumek eta 36 gizonezkok osatuko dute Eusko Legebiltzar berria
Mapa politiko berria marraztu dute igandeko hauteskundeek, eta hori argi ikusiko da Gasteizko Ganberaren eserlekuen koloreetan: EAJk eta EH Bilduk 27na ordezkari izango dituzte, PSE-EEk 12, PPk 7, eta Sumarrek eta Voxek, bana.
1.795.212 herritar daude botoa ematera deituta, Eusko Legebiltzarra berritzeko
09:00etan ireki dituzte hauteslekuak, normaltasunez, eta herritarrek 20:00ak arte eman ahal izango dute botoa. Emaitzak 22:30erako aurreikusita daude.
Gaur amaituko da bizitasuna hartzen joan den hauteskunde-kanpaina
Euskadiko zazpi indar politiko nagusietatik bostek (EAJ, EH Bildu, PSE-EE, Elkarrekin Podemos eta Sumar) Bilbon itxiko dute kanpaina, eta beste biek (PP eta Vox) Gasteizen.
Igandeko hauteskundeetan parte-hartzeari buruzko datu errealak eskainiko dituzte, lehen aldiz
Orain arte, estimazioak eskaini izan dituzte. Bestalde, lehen zenbaketen emaitzak 21:00ak aldera emango dira eta, ordu t'erdi ondoren, atzerriko bozen faltan, ezagutuko da Eusko Legebiltzarraren argazki berria.
Posta bidezko botoak ia % 11 hazi dira Euskadin, 2016ko hauteskundeekin alderatuta
2020ko datuekin alderatuta, posta bidezko botoak % 54 jaitsi dira. Dena dela, hauteskunde horiek pandemia garaian egin zituzten, ezohiko baldintzetan, eta horrenbestez, baliteke batzuk eta besteak alderatzeak emaitza bitxiak ematea.
Kultura, Osakidetza, langileen soldatak eta autonomoak izan dira laugarren eguneko gai nagusiak
Kanpainaren laugarren egun honetan, hautagaiaek Hezkuntza eta Osasun sistema, autonomen egoera edota langileen soldatak izan dituzte hizpide, besteak beste.
Hauteskunde mahaian egotea egokitu zait, baina ezin dut: zein aukera ematen ditu legeak?
Nahitaezkoa da hauteskunde mahaian egotea, hala egokituz gero. Nolanahi ere, badira legeak aurreikusten dituen hainbat arrazoi, libratzeko. Mahaikide izatea egokitu eta ez joateak, ondorioak ditu.
Egutegia: Eusko Legebiltzarrerako hauteskundeetarako bidea
Datorren asteartean, otsailaren 27an, Euskal Herriko Agintaritzaren Aldizkarian argitaratuko da Eusko Legebiltzarra desegiteko eta hauteskundeak deitzeko dekretua. Hauteskunde Batzordea martxoaren 1ean eratuko da. Hauteskunde-kanpaina apirilaren 5ean hasi eta 19an amaituko da.
Santano alkatearen "eredu zaharkitu eta agortuaren alternatiba bakarra" dela aldarrikatu du EAJk Irunen
Xabier Iridoy Irungo alkategai jeltzaleak esan du bere alderdia "ilusioz eta konpromisoz" beterik dagoela, garai berri baten lidergoa hartzeko.