Barkos: 'UPNi aurre egin diezaiokeen bakarra Geroa Bai da'
Uxue Barkosek Geroa Bai koalizioa babestu du, Nafarroa Bairen izpiritua duen "ordezkaritza sendoa" dela eta UPNri aurre egin diezaiokeen indar politiko bakarra dela azpimarratuta.
Geroa Baik Iruñeko Baluarten egin du asteburuko ekitaldi politiko nagusia eta, Barkosek esan duenez, koalizio horrek "Nafarroako mapa politikoa iraultzeko ahalmena dauka". "2004an lortu genuen, eta orain beste batzuek aprobetxatu nahi dute hori, baina orduko berak izaten jarraitzen dugu guk eta UPNri aurre egitera goaz", nabarmendu du.
"Nafarroa Bairen izpiritua mantentzen dugu; Nafarroan aldaketaren motorea izan zen koalizio hori eta Nafarroako politikagintzan protagonista nagusiak izan gara", azaldu du.
"2004ko izpiritu horrek mugiarazten du Geroa Bai eta Nafarroa zabala, aberatsa, anitza eta elkarbizitzan oinarritzen dena ordezkatu nahi dugu", erantsi du.
Gauzak horrela, Geroa Bairen helburua Nafarroak "bere subiranotasuna" gauzatzea izango da. Bestalde, krisi ekonomikoa gainditzeko "ezberdintasunak albo batean utzi eta denak batuta, elkartasunez" lan egin behar dela esan du.
Laugarren xedapen iragankorraren polemika
Horrez gain, Uxue Barkosek gogor kritikatu du Mariano Rajoy atzo Iruñean egin zuen agerraldian EAE eta Nafarroako Foru erkidegoa elkartzea ahalbidetzen duen laugarren xedapen iragankorra Konstituziotik kentzeko konpromisoa hartu zuelako.
"UPN-PPk Nafarroa ahotsik gabe utzi nahi ditu, bere etorkizun politikoa erabaki ez dezan", salatu du. "'Nafarroak hitz egiten du' erabili dute lelo moduan, baina Gobernua eskuratzen dutenean egingo duten lehen gauza Nafarroa ahotsik gabe uztea izango da. Hori da PPk eta UPNk Nafarroa babesteko datozen lau urteotan egingo dutena", ohartarazi du.
Gainera, Mariano Rajoyren jarrera kritikatu du: "Lotsagarria da krisiari aurre egiteko aurkeztu duen neurri bakarra Konstituzioaren laugarren xedapen iragankorra kentzea izatea".
Kritikak Yolanda Barcinari eta PSNri
Yolanda Barcinak Konstituzioaren laugarren xedapen iragankorra kentzea eskatu izana ere kritikatu du Barkosek. "Gure historia bat-batean ezabatu nahi dute, baina nafarren benetan ezabatu nahi dutena soldata bikoitzen istorioak, Nafarroako Kutxako iruzurrak, osasun sektoreko pribatizazioak edo hezkuntzan egindako murrizketak dira".
"Nafarroako Gobernuko presidenteak bere burua baino ez du ordezkatzen, bere interesak baino ez ditu defendatzen, baina guk hirugarren diputatua kendu nahi diogu, orduan aldaketaren hasieran egongo baikara", adierazi du.
Amaitzeko, PSNren jarrera deitoragarria dela esan du, izan ere, "azken zortzi urteotan euren boto-emaileei traizio egin diete, aldaketa posible egin beharrean, Nafarroako eskuinari Gobernua eman eta UPNren murrizketa zorrotzak babestu dituztelako", azaldu du.
Uxue Barkosek Geroa Bai koalizioa babestu du, Nafarroa Bairen izpiritua duen "ordezkaritza sendoa" dela eta UPNri aurre egin diezaiokeen indar politiko bakarra dela azpimarratuta. Geroa Baik Iruñeko Baluarten egin du asteburuko ekitaldi politiko nagusia eta, Barkosek esan duenez, koalizio horrek "Nafarroako mapa politikoa iraultzeko ahalmena dauka". "2004an lortu genuen, eta orain beste batzuek aprobetxatu nahi dute hori, baina orduko berak izaten jarraitzen dugu guk eta UPNri aurre egitera goaz", nabarmendu du. "Nafarroa Bairen izpiritua mantentzen dugu; Nafarroan aldaketaren motorea izan zen koalizio hori eta Nafarroako politikagintzan protagonista nagusiak izan gara", azaldu du. "2004ko izpiritu horrek mugiarazten du Geroa Bai eta Nafarroa zabala, aberatsa, anitza eta elkarbizitzan oinarritzen dena ordezkatu nahi dugu", erantsi du. Gauzak horrela, Geroa Bairen helburua Nafarroak "bere subiranotasuna" gauzatzea izango da. Bestalde, krisi ekonomikoa gainditzeko "ezberdintasunak albo batean utzi eta denak batuta, elkartasunez" lan egin behar dela esan du. Laugarren xedapen iragankorraren polemikaHorrez gain, Uxue Barkosek gogor kritikatu du Mariano Rajoy atzo Iruñean egin zuen agerraldian EAE eta Nafarroako Foru erkidegoa elkartzea ahalbidetzen duen laugarren xedapen iragankorra Konstituziotik kentzeko konpromisoa hartu zuelako. "UPN-PPk Nafarroa ahotsik gabe utzi nahi ditu, bere etorkizun politikoa erabaki ez dezan", salatu du. "'Nafarroak hitz egiten du' erabili dute lelo moduan, baina Gobernua eskuratzen dutenean egingo duten lehen gauza Nafarroa ahotsik gabe uztea izango da. Hori da PPk eta UPNk Nafarroa babesteko datozen lau urteotan egingo dutena", ohartarazi du. Gainera, Mariano Rajoyren jarrera kritikatu du: "Lotsagarria da krisiari aurre egiteko aurkeztu duen neurri bakarra Konstituzioaren laugarren xedapen iragankorra kentzea izatea". Kritikak Yolanda Barcinari eta PSNriYolanda Barcinak Konstituzioaren laugarren xedapen iragankorra kentzea eskatu izana ere kritikatu du Barkosek. "Gure historia bat-batean ezabatu nahi dute, baina nafarren benetan ezabatu nahi dutena soldata bikoitzen istorioak, Nafarroako Kutxako iruzurrak, osasun sektoreko pribatizazioak edo hezkuntzan egindako murrizketak dira". "Nafarroako Gobernuko presidenteak bere burua baino ez du ordezkatzen, bere interesak baino ez ditu defendatzen, baina guk hirugarren diputatua kendu nahi diogu, orduan aldaketaren hasieran egongo baikara", adierazi du. Amaitzeko, PSNren jarrera deitoragarria dela esan du, izan ere, "azken zortzi urteotan euren boto-emaileei traizio egin diete, aldaketa posible egin beharrean, Nafarroako eskuinari Gobernua eman eta UPNren murrizketa zorrotzak babestu dituztelako", azaldu du.
Zure interesekoa izan daiteke
Gaupasa eginda ere, bozkatzeko eskubidea erabili dute mutrikuarrek
Mutriku jaietan da. Behin bozkatuta, bi aukera izan dituzte mutrikuarrek: jaiez gozatzen jarraitu edo atzokotik errekuperatu.
Ikusmin handia Katalunian, Kongresuko 48 eserleku dagozkiolako
Inkestek diotenez, sozialistek gora egingo dute, eta ERC, ordea, behera. Kongresuan 48 diputatu izango ditu Kataluniak, ondorioz, garrantzia berebizikoa izango da.
Correoseko langileak buru-belarri ibili dira goiz osoan, posta bidezko milaka bozak banatzen
Bilboko Indautxu Ikastetxean grabatutako irudiak dira, baina EAEko eta Nafarroako hautesleku guztietan izan dira lanean Correoseko furgonetak.
Paseoan, familiarekin edo festetan pasa dute hausnarketa eguna hautagaiek
Alderdiek hauteskunde osteko balizko agertoki estuaren aurrean boto erabilgarria eskatuz itxi zuten atzo kanpaina.
PSCk irabazi lezake Katalunian; independentismoak, berriz, babesa galduko luke
Azken lau urteetan Pedro Sanchezek Esquerraren sostengua izan du baina, inkestek diotenez, sostengu horrek botoak galaraziko dizkie bihar errepublikanoei.
Dena prest IFEMA datuen zentroan ere biharko hauteskundeen jarraipena egiteko
Biharko 14:30ean eta 18:30ean parte-hartze datuak jakinaraziko dituzte, eta 22:30ak aldera Fernando Grande-Marlaska Barne ministroak agerraldia egingo du behin-behineko emaitzak iragartzera.
Erosteko, familiarekin solasean nahiz hondartzatik ibiltzeko eguna EAEko hautagaientzat
Azken 15 egunetan EAEko txoko guztietan buru-belarri ibili ostean, erlaxatzeko eguna izan da gaurkoa EAEko zerrendaburuentzat. Sukaldatzeko, hondartzatik paseatzeko eta Madalenetako festetaz gozatzeko, besteak beste, aprobetxatu dute.
Alderdiek hauteskunde osteko agertoki estuaren aurrean boto erabilgarria eskatuz itxi dute kanpaina
EAJk Bilbon itxi du kanpaina, PSE-EEk Portugaleten, EH Bilduk Donostian eta PPk Gasteizen, eta Sumarreko hautagaiak Madrilen izan dira.
Iturgaizek aldarrikatu du bi aukera baino ez daudela: ''Sanchez eta horren aldekoak edo PP''
PPk Gasteizen itxi du hauteskunde kanpaina, "Sanchismoa" kentzeko deia eginez.
Nafarroako alderdiek boto eske agortuko dute kanpaina, bost eserleku jokoan dituztela
Navarra Suma deseginda, PP atera daitekeela onuradun diote inkestek, baina baita PSN ere. EH Bilduk duen ordezkariari eustea du helburu, eta inkestek Sumarri ematen diotena eskuratzeko ahalegietan dabil.