Euskal Eskola Publikoari buruzko gaurko albisteak: Euskadiko irakaskuntza publikoaren inguruko azken berriak|ORAIN

2025/12/02 - 11:06

EAEko irakaskuntza publikoko irakasleek Espainiako soldata altuenak jasotzen dituzte

UGTren ikerketa baten arabera, EAEko irakasleek Espainiako soldata altuenak jasotzen dituzte hezkuntza-etapa guztietan, eta Asturiasen daude ordainsaririk baxuenak. Bien arteko aldea 800 eurotik gorakoa da.

Mila bat lagunek manifestazioa egin dute Bilbon, Euskal Eskola Publikoa Harro elkarteak deituta, eskola segregazioa arazo "estrukturala" dela salatzeko. Plataformak "politika ausartak" eskatu ditu, eta egungo neurriek, segregazio mahaia barne, sistema "bidegabea" finkatzen dutela kritikatu du. Manifestazioa, "Segregazioaren kontra, publikoa da bidea!" lelopean, Bilboko udaletxean amaitu da, hezkuntza publikoaren aldeko manifestu bat irakurriz.

2025/11/29 - 20:11

Mila pertsona inguru manifestatu dira Bilbon eskola publikoaren alde eta eskola segregazioaren aurka

Mila bat lagun manifestatu dira Bilbon, Euskal Eskola Publikoaz Harro plataformak deituta, eskola segregazioa arazo "estrukturala" dela salatzeko. Plataformak "politika ausartak" eskatu ditu, eta egungo neurriek, segregazio mahaia barne, sistema "bidegabea" finkatzen dutela kritikatu du. "Segregazioaren kontra, publikoa da bidea!" lelopean egindako manifestazioa Bilboko udaletxean amaitu da, hezkuntza publikoaren aldeko manifestu bat irakurriz.

Aiako Lardizabal Herri Eskolako sukalde bertikala

2025/11/26 - 16:24

Hezkuntza saila jantokietan sukalde kontzeptu berri bat ezartzen hasi da "menu osasungarriagoak" emateko

Sukalde elektriko bertikalen sistema aitzindaria da, in situ, menu osasungarriagoak emateko. Hezkuntza sailburu Begoña Pedrosak azaldu duenez, sukalde bertikal horietan eltze baskulagarriak erabiltzen dira, eta langileek "ez dute ontzi astunak erabili beharrik". "Sukaldearen erabilera funtzio anitzeko sistemei esker sinplifikatzen da; makina bakar batek hainbat prozesu gauza ditzake", zehaztu du.

2025/10/18 - 11:29

Nafarroa Oinez jaia ospatuko da igande honetan Atarrabian

Paz de Ziganda ikastola arduratuko da aurtengo jaia antolatzeaz. “Buruz, bihotzez, oinez” lelopean, ekitaldiz beteriko egitaraua antolatu dute urriaren 19rako.

Begoña Pedrosa, Eusko Jaurlaritzako Hezkuntza sailburua, Elgoibarren ospatutako Kilometroak jaialdian.

2025/10/05 - 13:46

Begoña Pedrosa: "Eskolarik gabe, euskararen indarberritzea ezinezkoa da"

Kilometroak 2025 jaiaren agertoki izan da igandean Elgoibar, "Salto-saltoka" lelopean, Gipuzkoako ikastolen aldeko hitzordua egin baitute bertan. Begoña Pedrosa, Eusko Jaurlaritzako Hezkuntza sailburua, mintzatu da bertan euskararen garrantzia azpimarratuz.

2025/10/03 - 06:00

Xabiertxok, 100 urte: "Uste dut gaur egungo hezkuntzak garai hartako ekosistema euskaltzale hori behar duela"

Duela 100 urte argitaratu zuen Ixaka Lopez Mendizabal tolosarrak Xabiertxo, haurrei euskaraz irakurtzen irakasteko liburua. Haritz Azurmendi Jakin Fundazioko kidea aritu da mendeurrenaren ospakizuna prestatzeko lanetan, eta liburuari buruzko bitxikeriak azaltzeaz gain, Xabiertxok Euskal Herriari egin dion ekarpenaren inguruan mintzatu da.

2025/09/29 - 11:26

Euskadin, urtean, 115 kilo janari galtzen dira alferrik pertsonako: 244.000 tona, orotara

Amaia Barredo Elikadura, Landa Garapen, Nekazaritza eta Arrantza sailburuak nabarmendu du Euskadik "nazioarteko erreferente" izan behar duela elikagaiak alferrik galtzearen aurkako kontzientziazioan.

2025/06/08 - 16:02

Gipuzkoako eskola txikien jaia ospatu dute Ezkio-Itsason

Eskolek herri eta auzo txikietan duten garrantzia erdigunean jarri nahi izan du jaiak. Aurtengoa 36. edizioa izan da, eta giro bikaina izan dute Ezkio-Itsason.

2025/06/06 - 20:55

Atxuriko eskolan berriro ere teilatutik harriak erori direla salatzeko bilkura egin dute

Atxuriko ikastetxeko ikasleek, irakasleek eta gurasoek elkarretaratzea egin dute eraikinaren egoera txarra salatzeko. Aste honetan, pinakuluaren zati bat behera etorri da. Ikasturte honetako bigarren gertakaria da. 2024ko azaroan, erlaitzaren zati bat erori zen.

2025/06/01 - 23:01

Jaiarekin batera, Euskal Eskola Publikoa hezkuntzaren erdigunean jartzeko aldarria nagusitu da gaur Urduñan

Festak eta aldarrikapenak bat eginda igaro dute eguna, hezkuntza publikoaren aldeko apustua eskatuz eta etorkizuneko erronkei aurre egiteko elkarlanaren beharra azpimarratuz. Lekukoa jaso dute jada Santurtziko ikastetxe publikoek 2026ko jaia antolatzeko.

2025/06/01 - 16:51

Euskal eskola publikoaren aldeko apustu sendoa aldarrikatu dute Urduñan

Euskal eskola publikoaren aldeko apustu garbia egiteko eta pribatizazio politikekin bukatzeko eskatu du Euskal Eskola Publikoaz Harro plataformak kalejira batekin. Egun osoko egitaraua prestatu dute Urduñan.

2025/05/12 - 15:53

Steilasek dio akordioak "argi-ilunak" izan arren irakasleen baldintzak nabarmen hobetzen dituela

Sindikatuak azaldu duenez, borroka ez da "hemen amaitzen" eta jarraituko du "Euskal Eskola Publikoak dituen beste hainbat erronkari eta arazori konponbideak bilatzen".

2025/05/07 - 16:10

Iruarteta eskolako gurasoek salatu dute 6 urteko mutil batek ikaskideei "etengabe" eraso egiten diela

Ikasleen gurasoek neurriak eskatu dituzte bere seme-alabak erasotzailearengandik babesteko. Azaldu dutenez, erasoak lehendabiziko egunean hasi ziren, eta, geroztik, haur guztiei egin die eraso noizbait.

huelga-educacion-registro-sindicatos-steilas-lab-ela-ccoo-efe

2025/05/07 - 10:45

Hezkuntzako sindikatuak mesfidati, Sailak egin asmo dien proposamen berriaren aurrean

Steilas, LAB eta ELA sindikatuak estu hartu dute Jaurlaritza bileraren deialdia eta proposamenaren gakoak hedabideen bitartez jakinarazteagatik. Are gehiago, LABek aztertuko du negoziazio mahaian parte hartuko duen.

2025/04/16 - 12:37

Nolakoak izango dira eskola jantokien menu berriak?

Espainiako Gobernuak bermatu nahi du eskola jantokietan bost bazkari osasungarri izatea, eta hala, dekretua onartu du. Arauaren arabera, arraina eman beharko da astean 1-3 aldiz, eta barazkiak eta frutak, egunero. Halaber, zentroek eskura izan beharko dituzte menu beganoak eta txerri bakoak.

20250411101014_euskal-eskola-publikoaren-jaia_

2025/04/11 - 12:12

Euskal Eskola Publikoaren jaiaren bideoklipa

Ekainaren 1ean Urduñan ospatuko da Euskal Eskola Publikoaren 32. jaia. Gaur aurkeztu dituzte abestia eta bideoklipa.

2025/04/10 - 13:59

Hezkuntzako sindikatuek astebeteko beste greba ziklo bat deitu dute maiatzerako

Maiatzaren 12tik 16ra deitu dituzte lanuzteak. Langileen ordezkarien aburuz, Hezkuntza Sailak egindako azken proposamenari "eduki, zehaztapen eta bermeak" falta zaizkio eta, salatu dutenez, Jaurlaritzak "ultimatum gisa planteatu du". "Ez dugu sinatuko", ohartarazi dute.

20250402160139_vitoria-gasteiz-lakua-educacion-publica-hezkuntza-publikoa_

2025/04/02 - 18:24

Martxa batek amaiera eman dio irakaskuntza publikoko irakasleen sektoreko bigarren mobilizazio-zikloari

Sindikatuen arabera, hezkuntza publikoko irakasleen greba-egunaren jarraipena % 75ekoa izan da. Hezkuntza Sailari "negoziatzeko eta akordio batera iristeko borondatea" eskatu diote sindikatuek edo, bestela, greba egun gehiago planteatzeko prest agertu dira.

huelga-educacion-manifestacion-san-sebastian-efe

2025/03/31 - 15:50

Sindikatuek diote gaurko deituta zegoen bilera teknikoa bertan behera utzi duela Hezkuntzak, grebaren atarian

Hezkuntza Sailak azaldu du zentro bakoitzaren baliabideak negoziazioen gakoetako bat direla, eta batzar teknikoetan baino, mahai negoziatzailean eztabaidatu behar direla. Bi aldeek astelehenean egin zuten azken bilera, eta luzea izanagatik, akordio gabe bukatu zen.

2025/03/25 - 15:01

Irakasleen % 75ek egin dute greba, Hezkuntzako sindikatuen arabera; % 46k, Jaurlaritzaren esanetan

Sailari "benetako negoziazioa" eskatu diote sindikatuek, bart akordioa lortzeko bilera luzeak porrot egin ostean. Hezkuntza Sailak nabarmendu duenez, bestalde, "elkarrizketarako prestasuna bere horretan" du, baina eztabaida "benetan garrantzitsua den" horretara bideratzea eskatu du.

Euskal eskola publikoa