Turkia
2025/08/21 - 13:53
Zelenskik esan du Putinekin bildu daitekeela Suitzan, Austrian edo Turkian
Ukrainako presidenteak baztertu egin du bilera Moskun egitea, eta Hungarian antolatzea, planteatu bezala, "zaila" izango litzatekeela uste du eta.
2025/07/12 - 12:25
EH Bilduk Turkiako Gobernuari eskatu dio martxan jar dezala kurduen etorkizunaz hitz egiteko batzorde parlamentarioa
Turkian, PKKren armak entregatzeko ekitaldian izan ondoren, Igor Zulaika EH Bilduko Nazioarteko Harremanetarako idazkariak adierazi duenez, batzorde hori abiatzea "pauso garrantzitsua litzateke gatazkari irtenbidea bilatzeko. Bertan izan da EH Bilduren ordezkaritza "mugimendu kurduari eta munduan bakearen alde lan egiten duten guztiei gure babesa adierazteko", eta Gobernuari eskatu dio mugimendu kurduaren urratsei erantzun eta aske utz dezala Abdullah Öcalan.
2025/07/11 - 12:11
PKK gerrilla kurduak armagabetzea hasi du Irakeko iparraldean
Maiatzean iragarri zuen armak alde batera uzteko borondatea, Abdullah Ocalan buruzagi espetxeratuak, gutun baten bidez, 1984an hasitako borroka armatua amaitzeko eskatu ostean.
2025/05/24 - 15:30
Sanchez: "Gaza palestinarrena da eta palestinarrena izango da"
Espainiako Gobernuko eta Internazional Sozialistaren Kontseiluko presidenteak Gazako Zerrenda okupatzeko operazio militarra "berehala" gelditzeko eskatu dio Israeli, eta sozialdemokratei Israelen aurka altxatzeko eskatu die: "Gazako egoera onartezina da, ez gara isilduko".
2025/05/16 - 18:20
Errusiak eta Ukrainak adostu dute su-eten planak aurkeztea eta 2.000 preso trukatzea
"Ukrainak eskatu digu bi estatuburuen arteko negoziazio zuzenak egotea. Proposamena kontuan hartuko dugu", esan du Kremlinaren ordezkariak. Bestalde, bi aldeen arteko konfiantza ariketa betean, Moskuk eta Kievek iragarri dute "datozen egunetan" trukatuko dituztela presoak.
2025/05/16 - 17:42
Errusiaren eta Ukrainaren arteko lehen bilerak bi ordu baino gutxiago iraun du
Gerrari irtenbide negoziatu bat aurkitzen saiatzeko 2022tik egin den lehen bilera zuzena izan da. Errusiak baldintza gisa jarri du Ukrainak bere tropak erretiratzea Moskuk anexionatu dituen lau eskualde ukrainarretatik. Kievek ez du onartu eskaera hori.
2025/05/15 - 20:01
Zelenskik ez du parte hartuko Istanbulgo negoziazioetan, Putinek uko egin baitio
Rustem Umerov Defentsa ministroa izango da, horrenbestez, Ukrainako ordezkaritzaren burua. Errusiak Vladimir Medinski presidentearen aholkularia bidali du Turkiara, negoziazio taldeko buru bezala. AEBren izenean, Marco Rubio estatu-idazkaria egongo da.
2025/05/12 - 11:21
PKKk jarduera armatua behin betiko amaitzea erabaki du, eta desegin egingo da
Pasa den astean egindako 12. kongresuan hartu du erabakia gerrilla kurduak, 40 urteko borroka armatuaren ondotik. Espetxean dagoen Abdullah Ocalan PKK Kurdistango gerrillaren buruzagiak armak uzteko eta taldea desegiteko deia egin zuen iragan otsailean.
2025/05/11 - 23:09
Ostegunean Putinekin biltzeko prest agertu da Zelenski
"Maiatzaren 12tik aurrera su-eten osoa eta egiaztagarria espero dugu, diplomaziarako oinarri nahikoa egon dadin. Ez du zentzurik hilketak luzatzeak. Eta Putinen zain egongo naiz ostegunean Istanbulen. Errusia aitzakia bila ez ibiltzea espero dut", adierazi du X sare sozialean.
2025/05/01 - 13:56
Gutxienez 212 pertsona atxilotu dituzte Istanbulen, maiatzaren 1eko manifestazioa egiten saiatzeagatik
Maiatzaren Lehenaren alde Istanbulgo Taksim plazan elkarretaratze batean parte hartzen ari zirenean atxilotu dituzte. Plaza enblematikoa da Turkiako langileen mugimenduarentzat, baina Gobernu islamistak debekatu egin du bertan manifestazioak egitea.
2025/03/29 - 20:59
200.000 pertsona baino gehiago atera dira kalera Istanbulen, Imamogluren espetxeratzearen aurka
Herriaren Alderdi Errepublikanoa (CHP) sinadurak biltzen hasi da hauteskundeak aurreratzea eskatzeko, Erdogan presidentea agintetik botatzeko asmoz. Ekrem Imamoglu Istanbulgo alkate eta CHPko buruzagiaren kartzelatzearen arduradun izatea leporatzen diote Erdogani.
2025/03/27 - 09:01
Albiste izango dira: Saretzen txostena mugikortasunari buruz, Trumpen muga zergak eta Parisko goi-bilera
Gaurkoan albiste izango direnen laburpena, bi hitzetan.
2025/03/23 - 18:10
Ekrem Imamoglu Istanbulgo alkateari behin-behineko espetxealdia ezarri diote
Azken egunetan, protesta oldea izan da herrialde osoan, Imamogluren atxiloketaren ondorioz.
2025/03/23 - 12:18
300 pertsona baino gehiago atxilotu dituzte Istanbulgo alkatearen atxiloketaren kontrako protestetan
Istanbulen, Ankaran eta Esmirnan egin dituzte atxiloketa gehien. Azken bi hiri horietan elkarretaratzeak debekatu dituzte. Erdogan presidentearen aurkari politikoa da Ekrem Imamoglu Istanbulgo alkatea, eta ustelkeria eta talde terroristei laguntzea egotzita atxilotu dute.
2025/03/21 - 22:25
Protestek ez dute etenik Istanbulgo alkatea atxilotu ostean
Recep Tayyip Erdogan Turkiako presidenteak oposizioari ohartarazi dio kaleak hartzeko deiek "irtenbiderik gabeko kalezulo batera" eramaten dutela.
2025/03/19 - 20:49
Istanbulgo alkatearen atxiloketak protestak eragin ditu eta Turkiako lira hondorarazi du
Turkiako Poliziak Ekrem Imamoglu Istanbulgo alkate sozialdemokrata atxilotu du, ustezko ustelkeriagatik eta "talde terroristekin kolaboratzeagatik" ikerketa judizial batean, gerrilla kurduari erreferentzia eginez.
2025/03/01 - 22:28
PKK-k su-etena iragarri du, eta armak utziko ditu Ocalanen gidaritzapean
Buruzagia askatzeko eskatu du, kongresu bat antolatzeko eta bertan "bakearen eta gizarte demokratikoaren aldeko" pausoak adosteko.
2025/02/28 - 20:20
Turkiako Gobernuaren eta kurduen arteko gatazka, minutu batean azaldua
Abdullah Ocalanek, PKK gerrilla kurduaren buruzagi espetxeratuak, armak uzteko eta taldea desegiteko egin duen deiak itxaropena piztu du kurduen artean. Hala ere, 40 urteko gatazka armatuaren eta diskriminazio sistematikoaren ondoren, zalantza ugari daude.
2025/02/27 - 18:40
Abdullah Ocalan Kurdistango Langileen Alderdiaren buruzagiak erakundeko kideei eskatu die KLA desegin dezatela
Orain erakunde kurduko komandanteek Ocalanen mezuari erantzun beharko diote. Kurdistango Langileen buruzagiaren mezuak gatazkarekin amaitzeko beste saiakera bat abiarazi dezake. Kurdistango Langileen Alderdiaren burua biziarteko kartzela-zigorra betetzen ari da Imraliko (Turkia) espetxean.
2025/02/05 - 18:46
"Deserriratze oro erabat debekatuta" dagoela gogorarazi dio NBEk Trumpi
Nazioarteak, Israelek izan ezik, ia aho batez errefusatu du AEBko presidenteak Gaza "kontrolpean hartzeko" eta berreraikitzeko duen ideia, "Ekialde Ertaineko Riviera" berria bihurtuz.