Zelenskik ez du parte hartuko Istanbulgo negoziazioetan, Putinek uko egin baitio
Volodimir Zelenski Ukrainako presidenteak azkenean ez du parte hartuko Istanbulen (Turkia) bere herrialdeko eta Errusiako ordezkariek egingo duten bileran, Vladimir Putin agintari errusiarrak uko egin baitio bertan parte hartzeari.
Gaur goizean ziren biltzekoak Errusiako eta Ukrainako ordezkariak, baina batzarra atzeratu egin da. Azkenean, Errusiak eta Ukrainak izendatutako ordezkaritzak ostiral honetan bilduko dira Istanbulen, Suspilne Ukrainako telebista publikoak eta TASS Errusiako agentziak baieztatu dutenez.
Maria Zakharova Errusiako Gobernuaren bozeramaileak eman du atzerapenaren berri, hedabideen aurrean egin duen agerraldi batean. Kremlin "negoziazio serio" baterako prest dagoela ere esan du.
Vladimir Putin Errusiako presidentea negoziazio ordezkaritzako buru izango ez dela baieztatu dute gaur. Kremlinen ohar baten arabera, Vladimir Medinski presidentearen aholkularia izango da Errusiak Turkian duen negoziazio taldeko burua, Kievekin 2022an Istanbulen izandako elkarrizketetan buru izan zena. Medinskiz gain, Atzerri ministrorde bat, Defentsa ministrorde bat eta Errusiako Armadako Estatu Nagusiko goi-kargudun bat joango dira. Oraingoz, ez dakite Putinek Istanbulera joatea erabakiko duen, elkarrizketetan bere herrialdeko ordezkaritzaren buru izan ez arren.
Rustem Umerov Defentsa ministroa izango da Ukrainaren ordezkaritzaren burua, Zelenskik berak Ankaran egindako agerraldi batean iragarri duenez.
AEBren izenean, Marco Rubio estatu-idazkaria eta Etxe Zuriaren beste bi ordezkari joan dira Istanbulera.
Trump: "Ez da deus gertatuko Putin eta biok elkartu arte"
Donald Trump AEBko presidenteak gaur esan du ez dela aurrerapausorik emango Turkiako negoziazioan bera eta Putin aurrez aurre egon arte. "Begira, ez da ezer gertatuko Putin eta biok elkartu arte, ados?", adierazi du Air Force One hegazkinean, kazetari batek Errusiako ordezkaritzaren mailagatik atsekabetuta dagoen galdetu dionean.
"Ez dut desengainurik hartu (...) Zergatik hartu beharko nuke, bada?", esan du handi-mandiak, Errusiako ordezkaritzaren buru nor egongo zen "egiaztatu ere ez du egin", gaineratuta. Horren harira, bera bertaratu izan balitz, "bistan da" Putin hitzordura joango zela erantsi du Trumpek. "Ni joan ezean, bera ez zen joango", adierazi du.
"Ez dut uste ezer gertatuko denik, gustatu ala ez, bera eta biok elkartu arte. Baina bien arteko elkarrizketa antolatu egin beharko dugu, jende gehiegi hiltzen ari delako", nabarmendu du.
Bitartekari lana
Istanbulgo bilerak, beste behin ere, Erdoganek aurrez aurre dauden bloke politikoekin harremanak bultzatzeko duen gaitasuna azpimarratzeko balioko du, nahiz eta gerra honetan horren bitartekari papera oso garrantzitsua ez izan.
Bi aldeekin komunikatzeko bideak zabalik ditu Turkiak 2022an gerra hasi zenetik.
Zure interesekoa izan daiteke
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.