Ustelko ustelkeria politikoa
2024/03/13 - 12:21
Ayusoren bikoteak bi milioi euro kobratu zituen komisioetan maskara-kontratuengatik, 'ElDiario.es-en' arabera
Aipatutako hedabidearen arabera, dena idatzita dago Maxwell Cremona SL enpresaren kontabilitatean. Enpresaren jabe bakarra Alberto Gonzalez Amador da.
2024/03/13 - 12:18
Feijoo ''erabat lasai'' agertu da Ayusoren bikotekideak ustez kobratu zituen komisioen inguruan galdetuta
Kongresuko pasilloetan kazetariek egindako itaunei erantzunda, PPko buruzagiak esan du Isabel Diaz Ayuso Madrilgo presidenteak "azalpen guztiak" emango dituela prentsaurrekoan.
2024/03/13 - 11:44
Garrido: ''Ayusoren kasua ezin da erabili mahai gainean dauden gaiak ezkutatzeko''
Euskadiko PPko idazkari nagusia eta Eusko Legebiltzarreko diputatua Fiskaltzak Ayuso Madrilgo presidentearen bikoteari jarritako salaketaz mintzatu da. Salatu duenez, salaketa 'Koldo auzia' eta Amnistia Legea bezalako gaiak estaltzeko erabili da.
2024/03/13 - 11:09
Ayusoren dimisioa eskatzeko esan dio Sanchezek Feijoori, bikotekideari eragiten dion iruzur fiskala dela eta
Espainiako presidenteak gogorarazi duenez, popularrek Maria Gamez Guardia Zibilaren zuzendari nagusiaren dimisioa eskatu zuten, "bikotekideari eragiten zion, eta gerora artxibatua izan zen, kasu batengatik".
2024/03/13 - 10:43
Ayusoren dimisioa eskatzeko exijitu dio Sanchezek Feijoori, ''nahiz eta postua kosta''
Elkarren kontrako ustelkeria akusazioekin izandako lehia tirabiratsuan, Sanchezek adierazi du maskaren kasuan "Justiziarekin elkarlanean" ari direla, "ikerketa batzorde bat sortuz" eta "erantzukizun politikoak bere gain hartuz".
2024/03/12 - 22:23
Senatuak aho batez onartu du Koldo auzia ikertzeko batzordea
Batzordea mugatuko da pandemian Garraio Ministerioko aholkulari ohia bitartekari zuten kontratu publikoetara eta polizia operazio horretatik erator daitezkeen beste kasuetara.
2024/03/06 - 15:46
Bizkaiko Auzitegiak absolbitu egin ditu "Alonsotegi auziko" lau akusatuak
Bizkaiko Auzitegiak uste du ez dela egiaztatu akusatuek "legez kanpoko irabaziak" izan zituztenik eta ez direla betetzen ondasun publikoak bidegabe erabiltzearen delituaren baldintzak, "altxor publikoarentzat kalterik" egon ez delako.
2024/03/06 - 14:52
Sanchezek Armengol babestu du, eta modu eredugarrian erantzundako ustelkeria kasu larria izan dela onartu du
Espainiako presidentearen esanetan, oposizioak desinformazio-, intoxikazio- eta difamazio-kanpaina bat egin du Armengolen eta haren aurka.
2024/03/05 - 15:09
PPk gezurretan aritzea leporatu dio Armengoli, Fiskaltzak ikertzen duela adierazi baitu
Miguel Tellado PPk Kongresuan duen bozeramaileak gezurretan aritzea leporatu dio Francina Armengoli (PSOE), Justizia ikertzen ari dela ukatu duelako, Balear Uharteetan eta Kanarietan pandemian maskarak erosteagatik Europako Fiskaltzak astelehen honetan abiatu duen ikerketaren harira.
2024/03/05 - 11:04
Armengol: ''Ez dut utziko nire izena eta kudeaketa ustelkeriarekin nahasterik''
Gaur egun Kongresuko burua denak eta Balearretako presidente izandakoak agerraldia egin du, "Koldo auzia" tarteko, PPk egindako dimisio eskaerari erantzuteko. Horren hitzetan, Alderdi Popularrak "marra guztiak gainditu ditu; denak ez du balio politikan".
2024/03/05 - 10:56
Armengolek PPren aurkako neurriak hartuko ditu: "Ez diet utziko nire izena eta kudeaketa zikintzen"
Francina Armengol Kongresuko presidenteak prentsaurrekoa eman du PPk Balear Uharteetako maskarak direla eta bere dimisioa eskatu ostean. Armengolen hitzetan, "politikan denak ez du balio" eta PPk "marra gorri guztiak hautsi ditu".
2024/03/04 - 21:54
Kanarietako eta Balear Uharteetako musukoen erosketak ikertuko ditu Europako Fiskaltzak
Partikular baten salaketa jaso ondoren, Europako Fiskaltzak (EPPO, ingelesezko siglak) funts publikoak bidegabe erabiltzea, prebarikazioa eta influentzia-trafikoa egotzita ikerketa formala abiatzeko erabakia hartu du.
2024/03/04 - 11:52
Armengolen ingurukoek diote ez zela "iruzurrik" izan Balear Uharteetan erosi ziren maskarekin
'El Mundo' egunkariak astelehen honetan argitaratutako informazioaren arabera, Balearretako Gobernuak 3,7 milioi euro ordaindu zituen maskara horiengatik, helburu sanitarioetarako erabilezinak zirela jakinda.
2024/03/01 - 13:18
"Koldo auziko" epaileak 88 kontu korronte blokeatzeko agindu du
Hain zuzen ere, pandemian maskaren esleipenean izandako ustezko eroskeria sareagatik ikertzen ari diren pertsona fisiko edo juridikoei lotutako kontu korronteak dira.
2024/02/29 - 15:05
Zer dakigu orain arte "Koldo auzia"z?
Koldo Garcia Abalos ministroaren aholkulari izandakoa atxilotu zutenetik arlo juridikoan eta politikoak jazotakoak bildu ditugu.
2024/02/29 - 13:07
''Zergatik ezkutatu zituen Sanchezek osasun-materiala erosteko komisio-sare bati buruzko salaketak?''
Alberto Nuñez Feijoo Alderdi Popularreko buruak Sanchezen Gobernuari eskatu dio argitzeko "zenbat pertsona, zenbat goi-kargudun, zenbat ministro" dauden "Koldo auzian" inplikatuta "eta" noiztik ezagutzen duen Gobernuko presidenteak zer gertatzen ari zen".
2024/02/29 - 12:00
Santos Cerdan (PSOE): ''Alberto hori nor den galdetzen diogu geure buruari''
PSOEko Antolakuntza idazkariak Koldo Garciarekin biltzekoa zen "Alberto hori" nor den argitzea eskatu du. Gainera, Cerdanek esan duenez, "argi dago Miguel Tellado Koldorekin ere egon dela bileraren batean".
2024/02/29 - 11:55
Jose Luis Abalos sarearen "bitartekaria" zen, "Koldo auzia" ikertzen ari den epailearen arabera
Ministro ohiak eta Koldo Garciak Madrilgo jatetxe batean egin zuten bilera aipatu du auto batean Ismael Moreno epaileak. Horren arabera, batzar horrek "aparteko garrantzia du ikertzen ari diren egitateekin". Idatzi berean, Garcia Miguel Telladorekin (PP) bildu behar zela jasotzen da.
2024/02/29 - 11:26
Miguel Tellado: ''Ez naiz inoiz sareko kide batekin bildu, baina uste dut Sanchezen emaztea baietz''
"Harremana dut sareko kideekin astero Kongresuan. Armengolekin, Abalosekin, Santos Cerdanekin" adierazi du Alderdi Popularrak Kongresuan duen bozeramaileak.
2024/02/29 - 11:04
''Zikintzeagatik zikintzea'' bilatzen duten albisteak ''astakeria'' direla uste du Patxi Lopezek
Patxi Lopezek "astakeriatzat" jo ditu bere ikuspuntutik "zikintzeagatik zikintzea" besterik bilatzen ez duten zenbait informazio, eta "enpresaburu bat jende askorekin biltzen" dela azpimarratu du. "Seinalatu beharrean, hobe hatza begian sartuko balute", adierazi du Lopezek.