Langabezia % 10era iritsi da Euskadin, 2010ean 9.100 lanpostu galduta
2009arekin alderatuz, Euskadik 9.100 enplegu galdu ditu 2010ean eta langabezia tasa % 10era iritsi da laugarren hiruhilekoan 1,2 puntu igota. Lauhileko horretan, okupazioa 17.900 pertsonatan jaitsi da aurreko hiruhilekoarekin konparatuta (% -1,9).
Eustatek emandako datuen arabera, azken urtean 13.800 pertsonak eman dute izena Euskadiko langabetuen zerrendetan.
Ondorioz, laugarren hiruhilekoan, langabetuen kopurua 104.200 pertsonetakoa dela kalkulatzen da. Lurraldeka, Bizkaiak % 10,6ko langabezi tasa dauka, Arabak % 10,4koa eta Gipuzkoak % 8,7koa.
Okupazioaren jaitsierak gizonezkoengan izan du eragina, batez ere, aurreko hiruhilekoan baino 11.300 okupatu gutxiagorekin. Emakumezkoen kasuan, 6.600 okupatu gutxiago daude. Jaitsierak hiru lurraldeetan izan dira; Bizkaian 10.900 lanpostu gutxiago daude, Gipuzkoan 5.200 gutxiago eta Araban 1.800 gutxiago.
Sektoreka
Zerbitzuen sektoreak 12.300 enplegu galdu ditu, eraikuntzak 4.300 eta industriak 2.000. Nekazaritzak, ostera, 700 enplegu berri sortu ditu 2010eko laugarren hiruhilekoan.
Okupazioari edo 16 eta 64 urte bitartean lanean dauden pertsona kopuruari dagokionez, tasa % 64,6an da, aurreko hiruhilekoan baino 1,3 puntu baxuago. Tasa hori % 70,6koa da gizonezkoen kasuan eta 58,5ekoa emakumezkoen kasuan.
Zure interesekoa izan daiteke
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuaren eta UAGA Arabako nekazarien elkartearen ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.