Maiatzerako hasiko da martxan kaleratzeak saihesteko zerbitzua EAEn
Iñaki Arriola Etxebizitza, Lan Publiko eta Garraio sailburuak iragarri du bi hilabete igaro aurretik hipoteken bitartekaritza zerbitzua martxan izango dela, hipoteka ordaindu ezin dutenen kasuak kaleratzeetan amai ez daitezen.
Arriolak hitzaldia eman du "Forum Nueva Economia-Tribuna Euskadi"k antolatuta, Bilbon. Bertan azaldu duenez, Eusko Jaurlaritzaren Etxebizitza eta Justizia Sailak, Stop Desahucios elkartea, Justizia Administrazioko ordezkariak eta finantza erakundeak hipoteken bitartekaritza zerbitzua adostear daude.
Bezeroaren eta banketxearen arteko negoziazioak porrot egiten duenean emango den "bigarren aukera" izango dela azaldu du Arriolak. Akordio horretan kaltetutako familiaren gaitasun ekonomikoa kontuan izango omen da.
AHT
Bestalde, Garraio sailburuak azpimarratu du Gipuzkoako AHTren zatia 2016rako amaituta izango dela, aspaldi hartutako konpromisoari eusten diola, alegia. Era berean, Espainiako Gobernuak bere esku dauden Bizkaiko eta Arabako zatietako inbertsioak mantenduko dituela espero du.
PSE-EE Jaurlaritzara iritsi zenetik Gipuzkoako Abiadura Handiko Trenaren zatiak bultzada handia jaso zuela azpimarratu du Arriolak. Jaurlaritzara iritsi zirenean % 3,6 soilik omen zegoen martxan, eta 2012 amaierarako % 77 egongo omen da. Azaldu duenez, legegintzaldian 14 zati jarri dituzte martxan eta urtea amaitzerako 17tan hastea espero du.
Espainiako Gobernuaren esku dauden Arabako eta Bizkaiko zatiei dagokienez, urtarrilean Ana Pastor Sustapen ministroarekin bildu zela azaldu du, eta Gobernuak azpiegitura garatzen jarraitzeko "borondate politikoa" omen du. Hala eta guztiz ere, borondate hori "aurrekontuetan islatu" behar dela adierazi du.
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.