Euskal gehiengo sindikala greba orokorra deitzea aztertzen ari da
Greba orokor berri bat egingo dute Euskal Herrian. ELA, LAB, ESK, STEE-EILAS, EHNE, HIRU, CGT-LKN eta CNT sindikatuek eta ia 50 kolektibok greba orokorra deituko dute, eta laster erabakiko dute maiatzaren 30ean edo beste egun batean izango ote den, ELAk baieztatu duenez.
"Gobernu guztiak, ñabardura azpimarragarririk gabe, politika neoliberalak aplikatzen ari dira", salatu dute sindikatuek El Diario Nortek zabaldu duen agiri batean. "Erreforma bati, beste batek jarraitzen dio; murrizketa bati, beste batek jarraitzen dio", adierazi dute sindikatuek.
Ainhoa Etxaide LAB sindikatuko buruaren hitzetan, maiatzaren 30az gainera beste data batzuk ere aztertzen ari dira. ''Garrantzitsuena ez da data jartzea. Mota honetako erantzunekin bultzatu nahi dugunaren inguruko akordio sozial sendoak lortzea da garrantzitsuena'', esan du Etxaidek.
LAB sindikatuko buruak esan duenez, ez dira UGT eta CCOO sindikatuekin elkartu, baina, Etxaidek iradoki duenez, baliteke bi sindikatu hauek helarazi izana komunikabideei grebarako data.
Jaurlaritza: ''Ez du ezer konpontzen''
Juan Maria Aburto Enplegu eta Gizarte Politiken sailburuaren hitzetan, greba orokorra deitzeko asmoa ''ez da albiste ona inorentzat'', haren hitzetan ''ez duelako ezer konpontzen''. ''Are gehiago: jokalekua lokaztu dezake eta partida jokatzea zailagoa egin'', gaineratu du.
"Nik beste galdera bat luzatuko nuke: Greba orokorra eginda... Biharamunean zer? Biharamunean dena konpondu al dugu?'', galdetu dio bere buruari.
Arrazoiak
Agiria sinatu duten sindikatuen arabera, nahiz eta Iñigo Urkullu Eusko Jaurlaritzara heldu "ortodoxia neoliberal berdinak" jarraitzen du, "eraso berriak pairatzen ari gara, EAEn zein Nafarroan: historiako aurrekonturik antisozialenak, atzeraldiaren eta zerbitzu publikoak hondatzearen aldeko apustu bat dira; politika fiskal bidegabea aldatzeari uko egiten diote; soldatei eraso egin diete; sektore publikoan negoziaketa kolektiboa ezabatu nahi dute, aldebakarreko aplikazioak eginez; diru-laguntza sozialen murrizketak...".
Agiriaren arabera, "gobernuak jota daude" eta "txandakatze politikoa ez da nahikoa; gobernuetako alderdiak aldatzearekin ez da nahikoa, politikak aldatzen ez baldin badira".
Estreinako greba Urkullurentzat
2007tik zortzigarren greba orokorra argudio horiekin deitu nahi dute sindikatuek. Horrela, Urkullu lehendakariari abisua eman nahi diote, Lopezi egin bezala.
Zure interesekoa izan daiteke
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.