Eusko Legebiltzarrak Belen Greaves gaitzetsi du
Eusko Legebiltzarrak Belen Greaves Kontsumobideko zuzendaria gaitzetsi du, Eroski eta Fagorreko lehentasunezko akzioen auzian, bi kooperatiben jarrera babesteagatik.
Gaiaren harira, Kontsumobideko zuzendariak egindako adierazpenek oposizioa haserrarazi zuten; izan ere, elkarrizketa batean Eroskik eta Fagorrek ongi jokatu zutela esan zuen.
EH Bilduk, PSE-EEk eta UPyDk ebazpen bana erregistratu zuten Eusko Legebiltzarrean, Belen Greavesen gaitzespena eskatzeko. Gaur, ordea, sozialistek eta UPyDk adostutako testu bat onartu dute Gasteizko ganberan. Ebazpeneko gaiak, puntuz puntu, bozkatu dituzte. EH Bilduk, PSE-EEk, PPk eta UPyDk bat egin dute gaur, eta Kontsumobideko zuzendaria gaitzetsi dute. Jeltzaleek bestalde, kontra bozkatu dute.
Fagorren eta Eroskiren lehentasunezko akzioen harira, bi kooperatiben jarrera eta horiek merkaturatu zituen finantza erakundeen jarduna babesteagatik gaitzetsi dute Kontsumobideko zuzendaria. Oposizioaren esanetan, kontsumitzaileak eta erabiltzaileak babestu behar ditu Kontsumobidek, eta elkarteak izan duen jarrera ikusita, ezkor agertu dira.
Halaber, aipaturiko lehentasunezko akzio horiek bertan behera uzteko neurriak hartzeko eskatu diote Jaurlaritzari. Alderdi politiko guztiek babestu dute puntu hori.
Fagorren eta Eroskiren lehentasunezko akzioetan kapitala inbertitu duten bezeroei "berehala" dirua itzultzeko eskatu die, horiek merkaturatu dituzten finantza erakundeei. EH Bilduk, PSE-EEk eta UPyDk alde bozkatu dute; jeltzaleek eta popularrek, ordea, kontra.
Kaltedunen arretarako zerbitzua martxan jartzeko ere eskatu diote Jaurlaritzari.
Erreakzioak
Luis Javier Telleria EAJko legebiltzarkideak oposizioko kideen jarrera kritikatu du, "lehentasunezko akzioen gaia erabili dutelako gobernuari eraso egiteko".
EH Bilduko Igor Lopez de Muniain legebiltzarkidearen esanetan, Greavesek ez du maila eman eta Kontsumobideko zuzendariaren dimisioa eskatu du. Gaineratu duenez, Jaurlaritzaren jarrera "txarra" izan da.
Txaro Sarasua sozialistak salatu duenez, Jaurlaritzak amildegiaren ertzean utzi ditu kaltedunak.
Anton Damborenea popularrak bestalde, Jaurlaritzaren gardentasun falta salatu du.
Gorka Maneiro (UPyD) legebiltzarkidearen iritziz, Belen Greavesek ezin du karguan jarraitu.
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).