Pentsioak urtero gutxienez % 0,25 igotzea proposatu du Gobernuak
Pentsioen igoera arautzeko sistema berria proposatu du astelehen honetan Fatima Bañez Enplegu eta Gizarte Segurantzako ministroak. Inflazioaz gain, sistemaren diru-sarrerak eta gastuak eta defizita eta superabita aintzat hartuko ditu, eta gutxienezko eta gehienezko igoera ere arautuko ditu.
Hala, indize berriarekin, urtero gutxienez % 0,25 igoko dira pentsioak. Gehienezko muga ere ezarriko du: KPI Kontsumoko Prezioen Indizea + % 0,25. Sistema berri hau 2014an jarriko da indarrean.
Ordezkapen efektua
Pentsioen igoera arautzeko formula berriak, aurreko parametroez gain, ''ordezkapen efektua'' ere izango du kontuan: sisteman sartzen diren pentsiodun berri kopurua, sistematik irteten direnekin alderatuta.
Bañezek azaldu duenez, ''egoera ekonomikoa edozein izanda ere'', formula horrekin egungo zein etorkizuneko inongo pentsiodunek ez du bere pentsioan murrizketarik jasango. Ministroaren hitzetan, formulak ''konfiantza eta lasaitasuna'' ekarriko die, eta ''ziklo baxuetan neurri zorrotzak hartu behar izatea ekidingo du''.
Jasangarritasun eragilea, 2019rako
Pentsioen zenbatekoa bizi-itxaropenera egokitzeko proposamena, berriz, 2019ra arte atzeratuko du Gobernuak, Bañezek aurreratu duenez. Edonola ere, ministroak berretsi du jasangarritasun faktorea behin bakarrik aplikatuko dutela pentsio berrietan, 2019tik aurrera erretiroa hartzen duten pentsiodun berrien lehen ordainketan.
Bañezen hitzetan, formula orekatua da, ''belaunaldien arteko elkartasuna'' bermatzen duena. Halaber, bost urterik behin berrikusiko dutela aurreratu du, bizi-itxaropenak gora ala behera egin ahala.
Ministroak ukatu egin du Gobernuak eredu pribatua zabaldu nahi izatea, eta pentsioen sistema publikoari eutsiko diotela azpimarratu du.
Negoziazioa konplexua eta zaila izango dela aurreikusi dute sindikatuek
UGT eta CCOO sindikatuetako Gizarte Segurantzako arduradunen hitzetan, pentsioen erreformaren negoziazioa ''konplexua eta zaila'' izango da. Halaber, Gobernuaren proposamenarekin pentsiodunek erosteko ahalmena galduko dutela aurreikusi dute.
Erreforma elkarrizketa sozialaren emaitza izatea eskatu du patronalak
Patronalak, bestalde, pentsioen erreforma agente sozial guztien adostasunarekin egin behar dela esan du, ''krisi garai hauetan balio erantsia emateko''.
Zure interesekoa izan daiteke
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuaren eta UAGA Arabako nekazarien elkartearen ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.