Euskaltelen grebaren jarraipena % 85-90ekoa da, ELAren esanetan
Euskaltel konpainiako 550 langileek hiru eguneko greba abiatu dute gaur, CCOO eta ELA sindikatuek deituta, balizko kaleratzeak salatzeko. Hain zuzen ere, Euskalteleko langileen aurreneko greba propioa da, enpresa duela 15 urte sortu zenetik.
ELAren esanetan, langileen gehienak egin du bat deialdiarekin, eta jarraipena % 85-90ekoa da; horrenbestez, "enpresa itxita dago ia", nabarmendu dute.
Oso bestelakoa izan da enpresaren zuzendaritzaren irakurketa. Haren hitzetan, % 48koa izan da jarraipena, eta zerbitzua "normaltasun osoz" ari dira eskaintzen. Zuzendaritzak ohar bidez salatu duenez, gainera, "sindikatuek deitutako elkarretaratze baten ondorioz, langile batzuk ezin izan dira lantokira sartu".
Bihar eta etzi ere greba eguna dute Euskalteleko 550 langileek. Gaur Bilboko kaleetan manifestazioa egin dute, protesta gisa.
ELA sindikatuaren irakurketa
Lanuztearen balorazioa egiteko prentsaurrekoa eskaini dute Mikel Noval ELAko zuzendaritza batzordeko bozeramaileak, Maite Leizegi Zerbitzuak ataleko arduradunak eta Andoni Sanz Industria eta Eraikuntza ataleko eledunak. Euskaltelen egoera Eusko Jaurlaritzari, EAJri, PSEri eta Kutxabanki egotzi diete eta "enpresaren geroa jokoan" dagoela azpimarratu dute.
Novalek gogorarazi duenez, Kutxabankek, Europako arau bati jarraiki, Euskaltelen zuen kapital gehiengoari muzin egin dio (% 63,86 izatetik % 49,9ra pasatu da). Hala, kapitalaren gainerakoa Trilantic eta Investindustrial inbertsio funtsen (% 48,1) eta Iberdrolaren (% 2) artean banatzen da.
Orain, "espekulazioa lege duen kapital pribatua"ren kontrolpean dago enpresa, ELAren hitzetan. "Denbora gutxian ahalik eta etekin handiena ateratzea dute helburu" enpresa pribatu horiek eta, beraz, enpresaren geroa "kolokan" da.
Horrez gain, "dituen etekin handiekin, moraltasun eza erakusten dute lanpostuak gutxitu eta lanorduak gehitzeko asmoarekin", salatu du sindikatuak.
Euskalteleko zuzendaritzaren iritzian, berriz, "neurrigabea" da greba, eta beste enpresa batzuekin "aliantzak" eginez lanpostuak mantentzea lortuko duela nabarmendu du.
Jasangarritasuna bermatu
Mario Fernandez Kutxabankeko presidentearen arabera, “Euskaltel garatzen ari den kudeaketa planak ez du desinbertsio eragiketarik jasotzen, jasangarritasun plana da, eta horrek ez dakar berarekin enplegua galtzea”. “Horretarako lanak kanpora atera behar badira, denek egiten duten zerbait da”, gaineratu du.
Fernandezek adierazi duenez, Euskaltelek “Espainiar Estatuko leku aberatsenean negozioa egin nahi duten” lehiakideei aurre egin behar die. “Euskaltelek lehiakortasuna hobetu behar du eta lehiakideen aurrean jasangarritasuna bermatzen ari da”, azpimarratu du.
Kutxabankeko arduradunak dioenez, “egun jasangarria izateko barruan egiten diren lanak kanpora atera behar badira, mundu guztiak egiten duen zerbait da”. “Lan zehatzak egitea norbaiti eskatzea merkeagoa da, eta horren inguruan hitz egiten ari dira”, nabarmendu du.
Zure interesekoa izan daiteke
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.