Rajoy: 'Datorrena, susperraldiaren hasieraren urtea izango da'
2014. urtea “susperraldiaren hasieraren” urtea izango dela adierazi du gaur Mariano Rajoy Espainiako presidenteak.
13:20an hasi du Rajoyk 2013. urteko balantzea egiteko agerraldia. Espainiako herritarrek “garai zail batean” egindako “ahaleginak” goraipatu ditu Rajoyk…
Monkloan egindako prentsaurrekoan, presidenteak egoera ekonomikoa izan du hizpide. Espainiako herritarrei egindako “ahaleginak” eta erakutsitako “erantzukizun eta ausardia” eskertu die.
“2012. urtea doikuntzaren urtea izan zen, 2013.a erreformena eta 2014. urtean susperraldi ekonomikoaren hasiera ikusiko dugu”, esan du.
“2014. urtea askoz hobea izango dela esan dezaket gaur: jarduera gehiago eta susperraldi handiagoa izango dugu”, adierazi du.
Hala ere, egoerarekin pozik ez dagoela gaineratu du, legegintzaldiko helburu nagusia enplegua sortzea eta hazkundea zirelako eta Espainia helburu horretatik “urrun” geratu delako. “Ezin naiz, inola ere, egoerarekin pozik egon”, esan du.
Izan ere, erreformak egiten jarraituko dutela iragarri du presidenteak, oraindik “ibilbide asko dagoelako egiteko”.
Bestalde, datu makroekonomikoen inguruan, oraindik ez direla “espainiarren egunerokotasunera”iritsi adierazi du Rajoyk. Hala ere, 2013. urtea iaz baino langabe gutxiagorekin amaituko dela aurreratu du presidenteak. 2006tik ez da langabezia tasa jaitsi Espainian.
“Gizarte Segurantzaren azken datuen arabera, hilabete gutxi barru, afiliatu kopuruak ere nabarmen gora egingo du”, adierazi du. “Datorren urtean langabe gutxiago egongo da Espainian eta lanean pertsona gehiago izango dira”.
“Orain urtebete, 2013. urtea oso gogorra izan behar zela esan nuen, batez ere lehenengo seihilekoan, baina bigarren zatian egoerak hobera egingo zuela ere esan nuen. Ondo da, arrazoia geneukala argi geratu da”, esan du.
Zure interesekoa izan daiteke
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.