Edesako langile ohiek 'tratu bidegabea' salatu dute
Edesako langile ohiek Mondragon Taldearen eskutik “tratu bidegabea” jasotzen ari direla salatu dute. Cata enpresak Basauriko lantegirako duen proiektuaren inguruko informaziorik ez omen dute jaso oraindik.
Edesako Langileen Babeserako Elkarteak bilera egin du goizean. “Catak aurreikuspenak beteko dituen itxaropena dugu, eta agindu zuen moduan, lehen urtean Basauriko lantegiko 50 langile birkolokatzea espero dugu”, adierazi dute elkarteko ordezkariek.
Nabarmendu dutenez, orain arte Edesako sei langile ohi besterik ez du elkarrizketatu Catak, eta mantentze-arloko lanak eskaini dizkiete horiei guztiei. Gainera, elkarrizketatu dituzten langileetako bati bakarrik ziurtatu omen diote lanpostua.
Edesako langileek prozesu hau bizkortzea espero dute, eta hilabete honetan elkarrizketa gehiago egitea.
Ordezkariek adierazi dutenez, Cata Arrasateko Fagor Etxetresnak lantegiko langile gehiagorekin ere jarri da harremanetan. Eta hori dela eta, Mondragon Taldea “tratu injustua” ematen ari zaiela salatu dute, Fagorreko langileei lehentasuna ematen dietelako.
Arantza Tapiak lasaitasuna eskatu du
Arantza Tapia Garapen Ekonomiko eta Lehiakortasunerako sailburuak lasaitasuna eskatu die Edesako langileei, eta adierazi du Catak proiektua duela Basauriko lantegiarentzat.
“Catak proiektu bat du Edesarentzat, eta datozen hilabeteetan neurriak ezarriko dira”, adierazi du Tapiak. Langileek proposamena datozen egunetan edo asteetan jakingo dutela gaineratu du sailburuak.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.