Catak zalantzan jarri du Edesaren ekoizpenak Basaurin jarraitzea
Kataluniako Cata enpresak zalantzan jarri du Edesaren ekoizpenak Basaurin jarraituko duen. Hala ere, ekoizpena Euskal Autonomia Erkidegoko (EAE) beste tokiren batean berriro ekin daitekeela adierazi du.
Bizkaiko Foru Aldundia Cata enpresarekin bildu zen atzo Edesako lantegiaren etorkizuna bermatzeko egitasmoen berri izateko. Basauriko lantegia Cataren esku geratu da, Kataluniako enpresak Fagor Etxetresnak bereganatu eta gero.
Foru Aldundiak atzoko bilerari buruzko xehetasunak eman ditu gaur ohar bidez. Horren arabera, Cata Edesa markaren eta makineriaren jabe da, ez ordea lantegiarena, eta hori da Basauriko lantegian ekoizpena berrekiteko arazo nagusia.
"Lantegia enkantean jarriko dute eta ziurrenera 2014a amaitu aurretik esleituko dute" jakinarazi du Bizkaiko Foru Aldundiak ohar batean. "Lantegiaren enkantearen inguruko ziurtasun ezak eta ondorengo esleipenak ez dute bermatzen termo elektrikoen eta ekoizpena Basaurin mantentzea", gaineratu du.
Hala, termo elektrikoen eta akumulatzaileen ekoizpena Basauri ez den EAEko beste toki batera eraman dezaketela ohartarazi du Bizkaiko Diputazioak.
Termo elektrikoen eta akumulatzaileen ekoizpena "bideragarria" dela uste dute Catako buruek, baina ekoizpena Edesa konkurtso legean sartu aurretik baino txikiagoa litzateke. Hala, Catak hasierako eskaintzan agindutakoaren bidetik joko luke, hots, 65 enplegu lehenengo urtean eta 98 arte laugarren urtean.
Zure interesekoa izan daiteke
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELA, LAB eta ESK sindikatuek, grebarekin jarraitzearen aldekoek, bozketa zilegi den zalantzan jarri dute.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.