Abenduaren 4rako greba orokorra deitu dute Osakidetzan
Osakidetzan ordezkaritza duten sindikatuek bost greba egun deitu dituzte azarorako eta abendurako. Zehazki, lau lanuzte partzial egingo dituzte azaroaren 6an, 13an, 20an eta 27an eta greba orokorra abenduaren 4rako.
Satse, ELA, LAB, Euskadiko Medikuen Sindikatua, CCOO, UGT eta ESK sindikatuek greba deialdiak erregistratu dituzte gaur eta Eusko Jaurlaritzak iragarritako Lan Eskaintza Publikoak (LEP) "adar jotze eta makillaje operazio soilak" direla salatu dute.
Azaroko lehen lanuzte partziala hilaren 6an izango da, eta txanda bakoitzean lau orduz egingo dute greba. Ondoren, lurralde bakoitzean egun osoko grebak egingo dituzte: hau da, azaroaren 13an, Araban; 20an, Gipuzkoan; eta 27an, Bizkaian. Azkenik, abenduaren 4an greba orokorra deitu dute EAEko osasun zentro eta ospitale guztietan.
Protestak eta grebak ez egitea eta langileen arazoak konpontzeko mahaira esertzea nahiago dutela adierazi du Encarna De la Maza Euskadiko Satseko bozeramailak. Hala ere, negoziazioa egon ezean, sindikatuek “gatazka eta lanuzteak” martxan jarriko dituztela iragarri du.
Osasun alorreko langileen baldintzak okerrera egin dutela eta egoera horri buelta eman behar zaiola proposatu dute sindikatuek.
Iragan astean Jon Darpon Osasun sailburuak iragarritako bi Lan Eskaintza Publikoen inguruan, De la Mazak esan du “iraingarriak” direla, egungo zerbitzuei aurre egiteko “ez baitira nahikoak”.
Lan Eskaintza Publiko horietatik aterako diren 300 plaza horien bitartez ez direla Osakidetzaren “benetako beharrak” asetzen nabarmendu du, azken bost urteetan ia “7.000 lanpostu” suntsitu dituztela argudiatuz. Horri, Aurrekontuetan aurreikusitako “jaitsiera” gehitu behar zaio, De la Mazaren hitzetan.
Berrezarri ez diren lanpostuak bete egin behar direla eta “sortutako zerbitzu berriak artatzeko ere” plaza berriak atera behar dituztela esan du De la Mazak.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.