Politika sozialetara 600 milioi gehiago bideratzea eskatu du EH Bilduk
EH Bilduk 2015eko Aurrekontu Proiektuan politika sozialetara, enplegura, hezkuntzara eta kulturara bideratuta dagoen partidan 600 milioi euro gehiago sartzea eskatuko dio Jaurlaritzari. Jaurlaritzak neurri horiekin bat egiteko asmoa agertuz gero, finantziazioa adosteko prest agertu da koalizio abertzalea.
Unai Urruzuno EH Bilduren Legebiltzarreko bozeramaileak prentsaurreko batean iragarri duenez, koalizioa aste honetan bertan bilduko da Ricardo Gatzagaetxebarria Ogasun sailburuarekin aurrekontuez hitz egiteko. Dena den, ez du zehaztu noiz izango den bilera hori.
Urruzunok argi adierazi du EH Bilduk ahal duen guztia egingo duela Aurrekontu Proiektuak orain dagoen moduan aurrera egin ez dezan.
Hori horrela, koalizio abertzaleak azpimarratu du pisuzko aldaketak egiten saiatuko dela Aurrekontuetan, aurreko urteetan izandako murrizketak "egonkortzea" galarazteko.
EH Bilduk aurkeztu dituen aldaketek 575,5 milioi euroko pisua izango lukete Aurrekontuetan, baina ez omen da proposamen itxia, eta 450 milioi eta 600 milioiren artean gera daiteke.
Horrez gain, koalizio abertzaleak 11 milioi gehiago eskatu ditu larrialdi egoeran daudenei laguntzeko, 30 milioi familia eta lana uztartzeko laguntzetarako, eta 60 milioi gehiago Diru-sarrerak Bermatzeko Errentarako.
Industria sektorean enplegu "duina" sortzeko edo babesteko, 200 milioi euroko funtsa sortzea eskatu du. Gainera, pentsiodunen erosteko ahalmena berreskuratzeko, beste 10 milioiko funtsa eskatu du.
Era berean, beste 200 milioi euro nahi dituzte bideratu langile publikoei emateko, azken urteotako murrizketen ondorioz galdutakoa berreskuratzeko. Horren harira, osasunean eta hezkuntzan lan eskaintza publikoak antolatzea eskatu dute, azken urteotako enplegu galerari aurre egite aldera.
Unibertsitatean ere inbertsioa 5,5 milioi haztea aldarrikatu dute.
Proposamen horiek guztiak finantzatzeko moduaz galdetuta, Urruzunok erantzun du "lehentasunak" jartzean dagoela gakoa. Adibide gisa, Jaurlaritzak Ertzaintzaren kaskoak eta kartutxoak erosteko 1,2 milioi euro eta fracking proiektuetarako 11 milioi euro bideratu dituela nabarmendu du.
Albiste gehiago ekonomia
Jaurlaritzak nabarmendu du turismoak % 5eko hazkunde "iraunkorra" izan duela EAEn
Daniel Solana Basquetour-Turismoaren Euskal Agentziako zuzendariak Radio Euskadin egindako elkarrizketan esan duenez, hazkundea "lasaia eta iraunkorra da, Estatuko edo Europako beste herrialde batzuetan duten masifikaziotik kanpo". 200.000 euskal herritarrek baino gehiagok EAEtik atera gabe pasa dituzte oporrak, eta Loiu-New York konexioak turista estatubatuar gehiago etortzea ekarri du.
Puentek ziurtatu du Renfe "negoziatzeko eta hitz egiteko prest" dagoela Talgori irtenbide bat emateko
Espainiako Garraio ministroak EFEri egindako adierazpenetan esan duenez, gaia "oraindik konpontzeko dago", eta "konpainia espainiarra izaten jarraitzea" eta "irtenbide industriala izatea" espero duela erantsi du, "Talgo ez baita edozein enpresa, gure herriarentzat interesgarria da arrazoi askorengatik".
AEBko apelazio auzitegi batek legez kanpokotzat jo ditu Trumpen muga-zergak, baina indarrean jarraitzen dute
Trumpen muga-zergek jaso duten bigarren kolpe judiziala da, eta berretsi egiten du New Yorkeko merkataritza auzitegi batek maiatzean emandako epaia.
Euriborrak urteko lehen igoera izan du, baina hipotekek behera egiten jarraituko dute
Abuztuan izandako igoerak ez du Euriborraren egonkortasunaren joera eten, aldaketa txiki bat baita ohiko joeraren aurrean.
Urte arteko KPIa % 2,7an mantendu da abuztuan, elikagaien, argindarraren eta erregaien prezioen bilakaeragatik
Ekainean eta uztailean gora egin ostean, KPIaren urtebeteko tasa egonkor mantendu da. Aitzitik, azpiko inflazioak gora egin du bigarren hilabetez jarraian. Abuztuan hamarren bat hazi da, % 2,4raino.
Euriborraren jaitsiera dago hipoteken gehikuntzaren atzean, sektore batzuetan
Guztira 1.922 hipoteka sinatu dira EAEn. Batez beste, 163.000 euro ingurukoak dira, % 2,99ko interes-tasarekin, eta 25 urtera. Hain justu, interes-tasen beherakadak animatu du jendea. Hori eta alokairuaren merkatuaren egoera kaskarra. Paradoxikoki, aldi berean, etxebizitzak garestitzen ari dira. Urteko lehenengo hiruhilekoan % 12 egin du gora prezioak.
Ikasle-egoitza edo pisua? Ikasturte hasierako erabaki handietako bat
Duela urte batzuk alde ekonomiko nabarmena zegoen egoitzan bizi eta beste ikasle batzuekin alokairuko etxean egotearen artean. Bigarren aukera askoz merkeagoa zen. Gaur egun, ordea, arrakala hori murriztu egin da, besteak beste, euskal hiriburuetako pisuen prezioen ondorioz. Hala ere, argi dago abuztu amaieran zailena leku bat aurkitzea dela, egoitzan zein etxea partekatuan.
Etxebizitzen gaineko hipoteka-kopurua % 24 hazi da Euskadin ekainean
Nafarroa, aldiz, jaitsiera izan duen bakarra da Estatuan.
Euskadi eta Nafarroa, batez besteko erretiro-pentsio altuena duten erkidegoen artean
Gizarte Segurantzak 13.620,8 milioi euro erabili ditu abuztuan kotizaziopeko pentsioen hileko nomina arrunta ordaintzeko, eta kopuru horren ia hiru laurden, erretiro-pentsioetarako.
Enplegu erregulazioko espedientearen kaleratzeak 22tik 14ra jaitsi ditu Serveok, eta langileek greba abiatu dute
Enpresak banan-banan negoziatuko du kaleratutako langile bakoitzarekin. Sindikatuek salatu dute Bridgestoneko langileak atzeman dituztela Serveoko beharginen lanak egiten, greba hasi eta bi ordura.