Juan Rosell aukeratu dute berriz CEOEko presidente
Juan Rosell CEOE Espainiako Enpresa Erakundeen Konfederazioko presidente aukeratu dute berriro, 345 boto emanda. Horren aurkariak, Antonio Garamendi CEPYME Espainiako Enpresa Txiki eta Ertainen Konfederazioko presidenteak, berriz, 320 boto eskuratu ditu.
Enpresa handien babesa eta 304 abal aurkeztu ditu Joan Rosell orain arteko presidenteak. Hortaz, jokoan zeuden 760 botoen % 40 inguru ziurtatuta iritsi da batzarrera. Rossellek Kataluniako eta Madrilgo enpresaburuen babesa zuen, publikoki adierazita. Halere, aurreko hauteskundeetan baino babes gutxiago jaso ditu, ustelkeria kasuen eraginez.
Beraz, Joan Rossell katalanak gidatuko du enpresaburuen elkartea datozen lau urteetan. Horren helburuen artean, laneko malgutasuna areagotzea, dirusariak helburuen arabera ezartzea eta kontratu motak erraztea.
Bestalde, 25 abal bakarrik aurkeztu ditu Antonio Garamendi CEPYMEko presidenteak, eta 33 botoko aldeagatik ez du lortu proposatzen zuen aldaketari bidea ematea. Enpresa txiki askoren eta Confebask euskal enpresaburuen elkartearen babesa ez dira nahikoa izan.
Horrenbestez, CEOE patronaleko presidentea izaten jarraituko du Juan Rosellek, Carlos Ferrer Salat, Jose Maria Cuevas eta Gerardo Diaz Ferran presidenteen ostean.
Rosell, "desengainatuta pertsona batzuekin"
Juan Rosellek "pertsona batzuekin desengainua" duela deitoratu du, baina, oro har, "gehienekin eskertuta" dagoela gaineratu du.
"Batzuek zarata handia egiten dute, eta CEOE jabetza pribatua eta partikularra dela uste dute", salatu du.
Nolanahi ere, dena "aldatu" egingo dela eta "hobera" egingo duela aurreratu du, patronalaren arazoak "gardentasunarekin" konpondu daitezkeelako.
Garamendik hausnarketa eskatu du
Bestalde, Antonio Garamendik hausnarketa bat egitea eskatu du, baina "leialtasun osoa" adierazi dio Roselli.
Garamendik esan du babes handia jaso duela, batik bat erakunde txikien artean.
"Oso harro nago egindakoarekin", nabarmendu du.
Zure interesekoa izan daiteke
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "sindikatu mediko batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.