Turismoak 'une historikoak' bizi ditu Euskadin
Euskal Autonomia Erkidegoko turismoak "une historikoak" bizi dituela goraipatu du Arantza Tapia Garapen Ekonomikorako sailburuak. Bizkaian bidaiarien sarrerak zertxobait jaitsi direla onartu du, baina garrantzitsuena, bere hitzetan, egindako gastua eta igarotako gau-kopuruek gora egin dutela da.
Tapiak eta Itziar Epalza sailburuordeak EAEko turismo datuen balantzea egin dute, agerraldi batean. Horrez gain, datorren astean ateak irekiko dituen Fitur turismo azokara Jaurlaritzak eramango duen eskaintzaren berri ere eman dute.
Eustatek aste honetan bertan argitaratutako datuen arabera, iaz 2,4 milioi turista etorri zirren EAEra, aurreko urtean baino % 2,4 gehiago.
Turismoak gora egin zuen iaz Gipuzkoan eta Araban, % 4,6 eta % 5,9 hurrenez-hurren, baina Bizkaian jaitsiera txiki bat izan zen: % 0,4, alegia.
Datuak harridura sortu du Bizkaiko Foru Aldundian, iaz turista asko Lurralde horretara joan baitziren, BBK Live jaialdiak edota Saskibaloi Mundialak erakarrita.
Bizkaiko datuari garrantzia kendu dio Tapiak, garrantzitsuena igarotako gau-kopurua edota egindako gastua direla azpimarratuz. Azken datu hori % 3,5 igo zen Bizkaian 2014. urtean.
EAEko turismoa “gehiengo historikoetara” iritsi dela esan du Tapiak. 2008tik 2013ra, EAEko Barne Produktu Gordinean turismoak duen pisua % 5,3 izatetik % 5,8 izatera igaro da.
Guztira 3.809 milioi euro mugitzen ditu turismoak EAEn, 2008an baino 130 milioi gehiago.
Turista gehien erakartzen dituen lurraldea Gipuzkoa da, ondoren Araba eta, azkenik, Bizkaia.
Zure interesekoa izan daiteke
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.