Greziak ELGAren babesa jaso du 'erreforma propioak' aplikatzeko
Ekonomia-Lankidetza eta Garapenerako Erakundearekin (ELGA) akordioa sinatu du gaur Greziak. Horrela, erreforma propioak aplikatzen lagunduko dio ELGAk Atenasi, eta “ez kanpotik inposatutakoak”, Alexis Tsipras Greziako lehen ministroak azaldu duenez.
“Greziarentzat, troikaren memoranduma amaitu da, jendearen erabakia hori izan zelako”, azpimarratu du Tsiprasek Ekonomia-Lankidetza eta Garapenerako Erakundeko estatu kideetako enbaxadoreen aurrean, Parisen.
Lankidetza akordioa izenpetu du Tsiprasek munduko ekonomia garatuenak biltzen dituen erakundearekin. Finantza publiko, enplegu, lehiakortasun edo monopolioei aurre egiteko politikak martxan jartzeko orduan batera egingo dute lan Atenasek eta ELGAk.
Europak aldatu behar duela azpimarratu du Tsiprasek. Greziako lehen ministroaren hitzetan, Syriza ezkerreko alderdiaren garaipenak “murrizketak Grezian nozitu dituzten milioika lagunei itxaropena eman die (…) baina baita Europan murrizketakn sufritzen ari ziren milioika pertsonari ere”. Aldi berean, “greziarrek bozkatu izan ez balute bezala ekiten ari direnak”, ohartarazi ditu Tsiprasek.
Greziako zorraren berregituraketa bat “ezinbestekoa” dela adierazi du berriro lehen ministroak. Zentzu horretan, zorraren ordainketa eta hazkundearen eboluzioa lotzea proposatu du berriz Tsiprasek.
Lan horretan aurrera egiteko, “ELGAren laguntza berebizikoa da”, besteak beste, Grezia eta Europako kideen arteko “mesfidantza arazo bat” dagoelako. ELGArekin elkarlanak erreformatzeko borondatea eta konfiantza agerian utziko dituela uste du Tsiprasek.
Bilera gehiago ostiralean
Greziako lehen ministroa Martin Schulz Europako Parlamentuko presidentearekin eta Jean-Claude Juncker Batzordeko presidentearekin bana-banan bilduko da ostiral honetan.
Bestalde, Greziako bankuentzako premiazko likidezia 600 milioi eurotan areagotzea erabaki du Europako Banku Zentralak. Horrela, 69.400 milioi eurokoa izatera helduko da.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.