Akordiorik ez, Enplegu Publikoaren Legearen negoziazioan
Eusko Jaurlaritzak eta sindikatuek ez dute akordiorik lortu Enplegu Publikoaren Legeko aurreproiektuaren negoziazioan. Funtzio Publikoaren Mahaia ostegun honetan bildu da Gasteizen, baina bileran ez dute jarrerarik hurbildu.
Bilerak ordu eta erdiko iraupena izan du eta gai-zerrendako eduki bakarra legearen hirugarren zirriborroaren aurkezpena izan da. 3.120 erakunde, entitate, sindikatu eta langileren ?ehunka ekarpen? bildu ditu hirugarren zirriborroak.
Testuaren aldaketak azaldu dizkie Jaurlaritzak sindikatuei. Ekarpen berriak aurkezteko asteartera arteko epea eman die Exekutiboak, baina Mahaia gaia jorratzeko ez da berriro bilduko. Legea EAEko administrazioetako 110.000 langileri aplikatuko zaie.
Proposamen berriak jaso eta gero, ?txostenen fasea? hasiko da testua zuzentzeko, Gobernu Kontseiluak onartu baino lehen. Ondoren, Eusko Legebiltzarrera bidaliko dute bertan eztabaidatzeko.
Andres Zearreta Administrazio Publikoaren sailburuordeak bilera amaitu eta gero azaldu duenez, Gobernuak formula konkretuak planteatu ditu ?kategoria batzuetako bitarteko langileen tasa handia murrizteko? eta lanpostuak finkatzeko.
"Eztabaida metodoa? kritikatu dute sindikatuek
Goizeko bileran ez du LABek parte hartu; izan ere, Funtzio Publikoaren Mahaia utzi zuen iaz. Zirriborroan euren proposamen batzuk barneratzea baloratu dute gainerako sindikatuek, baina Jaurlaritzak proposatutako ?eztabaida metodoa? kritikatu dute; izan ere, Exekutiboak ?ez du informaziorik igorri? gaurko bilera baino lehen, eta ondorioz, nobedadeak ?aztertzeko astirik ez dute izan?.
Testu berriak ?gai konkretu batzuk soilik aldatzen? dituela kritikatu du ELAk. Sindikatu abertzalearen ahotan, testuak ?aurreko zirriborroen espiritua mantentzen du?. Aurreproiektuak ?lan erreforma Administrazioan sartu eta euskal lege bat garatzeari uko egiten dio?, gaineratu duenez.
Sindikatuek proposatutako ?aspektu garrantzitsuak? zirriborrotik at geratu direla ohartarazi du Mari Cruz Vicentek (CCOO). Alegazio gehiago aurkezteko epea ?lotsagarria? dela esan du Vicentek. Zirriborroaren inguruan ?negoziazio prozesurik? ez dela izan salatu du CCOOko ordezkariak, ?elkarrizketak baizik?.
Legeari babesa emango ez diola iragarri du UGTk, Administrazioko ?langileen arazoak konpontzen ez dituelako?. Hala ere, sindikatuaren ekarpen batzuk aintzat hartzea baloratu du sindikatuak.
Zure interesekoa izan daiteke
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuaren eta UAGA Arabako nekazarien elkartearen ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.