Sindikatuak eta Osakidetza ez daude ados, eta greba egongo da asteon
Osakidetzako sindikatuak eta Zuzendaritza Nagusia ez dira ados jarri gaur Gasteizen egin duten mahai sektorialaren mahaian, eta osteguneko eta ostiraleko greba orokorrari eutsiko diete langileen ordezkariek.
CCOO, UGT, ELA, LAB, ESK, SATSE, SME eta FFHE sindikatuek abiatutako mobilizazio kanpainaren baitan kokatzen dira lanuzteak, aurreko urteko bigarren seihilekoan hasitako kanpainaren baitan, alegia.
Gaurko bileraren ostean, Encarna de la Maza SATSE erizainen sindikatuko bozeramaileak esan du ez dutela aurrerapausorik eman eta, ondorioz, bi eguneko lanuzteari eutsiko diotela.
De la Mazak azaldu duenez, Osakidetzako Zuzendaritzak ez du jarrera aldatu gai garrantzitsuenetan, Lan Eskaintza Publikoko lanpostu kopuruan, adibidez.
"Betikoa gertatu da eta, ondorioz, berdin jarraituko dugu. Asmoak agertzen dizkigute, baina neurririk ez dute hartzen. Ez dago benetako borondaterik gai horiek seriotasunez jorratzeko", kritikatu du.
Bestalde, Jose Maria Armentia Osakidetzako Giza Baliabideetako zuzendariak sindikatuekin "harremanetan jarraitzeko borondatea" dutela azpimarratu du, baina horregatik ez omen dute prozesua geldituko.
Horren harira, Lan Eskaintza Publikoa eta mugikortasun prozesuak ezin direla gelditu berretsi du.
Osakidetzak 2014-2015 Lan Eskaintza Publikoko oinarriak negoziatzea, garapen profesionala berriro martxan jartzea, ordezkapen gehiago egitea eta barne mugikortasuna eta behin behineko kontratazioak negoziatzea eskaini die sindikatuei.
atuei.Zure interesekoa izan daiteke
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.
Nafarroako Volkswagenek 500-1.000 langile artean beharko ditu 2027an, ekoizpen-aurreikuspenak berretsiz gero
Ekoizpen bolumen "oso handiak" espero ditu konpainiak datorren urterako eta, datuak behin-behinekoak diren arren, laster ekingo dio enpresak barneko eta kanpoko langileak hautatzeko, prestatzeko eta gaitzeko prozesuari, espezialitate profesionalen beharrak betetzeko, hala nola elektromekanikariak, txapistak eta hornitzaileak.