Industriari etekinik handiena ateratzeko pausoak eskatu ditu Urkulluk
EAEko “industriari etekin handiena ateratzeko aurrerapauso bat emateko unea” dela azpimarratu du Iñigo Urkullu lehendakariak. “Zuhurtziak ezin gaitzake gelditu”, adierazi du lehendakariak.
Cebekek batzar nagusia egin du Bilbon, eta gosari-solasaldi bat antolatu du. Euskadik “erakargarria izaten” jarraitzen duela nabarmendu du lehendakariak. “Inbertsioak itzuli dira, eta buruan jarri gara”, esan du. Hala ere, “lanean jarraitzeko” dei egin du Urkulluk, “lanpostu eta enpresa gehiago galtzea ezin dugulako onartu”.
EAEko ekonomia “lanpostuak sortzeko” nahikoa haziko dela espero du Urkulluk. Adierazle ekonomikoen “joera positiboa”, azpimarratu du buruzagiak, eta baita “aurreikuspenak epe ertainera” ere.
Era berean, “herrirako nahi duen hitzarmena” enpresara eramatea nahi du Urkulluk. “Enpresak ere guztien artean eraikitzen dira, enpresaburuak, zuzendariak eta langileak”, adierazi du lehendakariak.
Industria 2020an EAEko BPGren % 25 izatea nahi du Tapiak
Bestalde, industriak EAEko ekonomian duen pisua areagotzeko Eusko Jaurlaritzaren apustua goraipatu du Arantza Tapia Garapen Ekonomiko eta Lehiakortasunerako sailburuak. Industria 2020an BPGren % 25 izatea nahi dute. Zerbitzu aurreratuak industria sektorean barneratzea defendatu du sailburuak. Gainera, enpresaburuen “laguntzaile eta lankide” izan behar direla esan du.
Iñaki Garcinuño CEBEKeko presidentea. Argazkia: EFE
Krisia “gainditzen ari” direla azaldu du Tapiak, baina 2008ko egoerara itzultzerik ez dagoela ohartarazi du. Balio erantsi handiko eta kalitatezko produktuekin modu desberdinean lehiatu beharko direla zehaztu du.
Cebek, Gerdau eta Carbures Europe
Iraganeko “arrakasta etorkizuneko bermerik” ez dela ohartarazi du Iñaki Garcinuño Cebekeko presidenteak. “Enpresen jarrerak eta politika publikoak berriz diseinatu” beharko dituztela erantsi du Garcinuñok. Era berean, “sendotasunen eta ahultasunen” inguruko gogoeta bat egin beharko dutela adierazi du Cebekeko buruzagiak.
Euskadin “motibazio politikoak” dituzten sindikatuak daudela esan du Jose Antonio Jainaga Gerdauko kontseilari delegatuak. Horrek agertokia gehiago “zailtzen” duela ohartarazi du Jainagak.
Azkenik, herri “indartsu” batek “industria sendo bat” izan behar duela defendatu du Jose Maria Tarrago Carbures Europeko kontseilari delegatuak. Ekoizpen sistemak aldatzea beharrezkoa izango dela adierazi du Tarragok; izan ere, egungo soldatekin Asiako ekoizleekin lehiatzerik ez dute izango.
Zure interesekoa izan daiteke
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "sindikatu mediko batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.