Confebasken aurreikuspenen hobekuntza eta tortura salaketak, titular
22.000 enplegu sortuko dira, Confebasken arabera
Aurten EAEko ekonomia % 2,7 haziko da eta langabezia, berriz, % 13,5 jaitsiko da, Confebaskek kaleratu dituen datuen arabera. Hala, 2015ean 22.000 enplegu sortuko direla iragarri du patronalak.
Tortura salaketak ugaritzen ari direla esan du Paco Etxebarriak
Milaka omen dira jada tortura salaketak biltzen ari den aditu taldeak jaso dituen salaketak, eta gehiago ere izango direla azpimarratu du Paco Etxeberriak, Jaurlaritzaren bake planaren baitan egiten ari diren txostenaren zuzendariak. Atzo Eusko Legebiltzarrean izan ziren bertako artxiboan zeuden dokumentuak jasotzen. Besteak beste, Joxe Arregiren hilketaren inguruko dokumentazioa jaso dute, Bakartxo Tejeria Eusko Legebiltzarreko presidentearen eskutik. Lana 2016rako osatuta izan nahiko lukete, eta Etxeberriak dei egin du segurtasun indarren aldetik inolako tratu txarrik jasan duten herritarrak beraiekin harremanetan jar daitezen.
LABek berriro irabazi ditu hauteskundeak Nafarroako Administrazioan
Nafarroako Foru Administrazioan hauteskunde sindikalak berriz irabazi ditu LABek, asteazkenean, ''gainerako sindikatuei alde handia aterata'', sindikatu abertzaleak agiri batean azaldu duenez. Esparru bakoitzeko emaitzen zain, duela lau urte baino ordezkari gehiago izango dituela esan du LABek. Bestalde, Foruzaingoko eta Osasun Publikoaren Institutuko hauteskundeak atzeratu behar izan dituzte, arazo teknikoak direla medio.
(Administrazioko hauteskunde sindikalak, Nafarroan)
Erresuma Batua: 1.433 susmagarri, haurren kontrako abusu sexualen ikerketan
Erresuma Batuko Polizia 1.433 susmagarri ikertzen ari da, haurren kontrako sexu abusuak argitzeko. Susmagarri horien artean, 76 politikari, musika alorreko 43 pertsona, eta zinema, telebista eta irrati munduko 135 lagun daude. Horietako 216 hilda daude.
Sexu erasoak gero eta bortitzagoak dira, AMEIren arabera
Sexu erasoak gero eta ugariagoak eta bortitzagoak dira, Auzitegi Medikuntzako Euskal Institutuaren (AMEI) 2014ko Memorian jasotzen denez. Zehazki, erasoen kopuruak % 20 egin zuen gora iaz, 242 salaketa izan baitziren. Txosten horren arabera, familia barruko indarkeriaren eta indarkeria matxistaren kasuen kopuruak ere hazi egin ziren, % 58 eta % 38, hurrenez hurren.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek, maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.