11 orduko lanegunak ezartzea egotzi dio ELAk Confebaskeko buruari
Txiki Muñoz ELAko idazkari nagusiak 11 orduko lanegunak ezartzea eta ordua 5 eurotan ordaintzea leporatu dio Roberto Larrañaga Confebaskeko presidenteari.
Zentral abertzalearen esanetan, Larrañagaren enpresa eraikitzaileak (Zikotz) "azpikontrata sare bat" eratu du, eta horren bidez prekarietatea sustatu du.
Nolanahi ere, egoera hori ez dela Zikotzen baino ez gertatzen gaineratu du Muñozek: "lan publikoak kontratatzen dituzten leku guztietara hedatzen da prekarietatea, eta Eusko Jaurlaritzak ez du ezer egiten [hori galarazteko]".
ELAk prekarietatearen aurkako kanpaina bat abiatuko du, eta, horretan, zortzi enpresabururen aurpegiak erakutsiko dituzte. "Zuen mozkinak, gure miseria" izango da leloa.
Hain zuzen ere, hauek izango dira zortzi enpresaburuak: Florentino Perez (ACS), Ignacio Galan (Iberdrola), Gregorio Villalabeitia (Kutxabank), Josu Jon Imaz (Repsol), Alberto Garcia Erauzkin (Euskaltel), Pello Gibelalde (Adegi), Jose Antonio Sarria (CEN) eta Yolanda Barcina (Telefonica).
"Langileen eskubideen kontura ahalik eta mozkin handiena lortu nahi duten enpresen adibideak dira", azaldu du sindikatu abertzaleak.
Muñozek gogorarazi duenez, 2003an enpresaburuek euren langileek baino 87 aldiz gehiago kobratzen zuten. 2014an, 157 aldiz gehiago irabazi zuten. "Bonusak igotzen diren bitartean, 500, 600 edo 700 euroko soldatak inposatu dituzte", salatu du.
Prekarietatearen aurkako kanpaina mugagabea izango da, eta enpresaz enpresa gauzatuko dute.
Larrañagak berak ukatu egin ditu akusazioak, eta bere enpresan lan hitzarmena betetzen dela esan du.
Zure interesekoa izan daiteke
Jose Antonio Santano: "AHTren Nafarroarekiko loturari buruzko erabakia aurten hartu beharko da"
Garraio estatu idazkariak berretsi du kontuan hartuko direla Aralar mendilerroan egiten ari diren zulaketen emaitzak, baita ibilbideen denboren azterketa funtzionalak emandako ondorioak, kostu ekonomikoak eta obren epeak ere.
Donostiako Atotxako geltokiko lanak azken fasean, AHTaren iritsieraren zain
Urumea eta Egia lotzen dituen pasabidea erabat zabaldu dute eta trenbideen gainean 5.700 m2-ko plaza zabal bat eraiki dute. 2027an jakingo da noiz iritsiko den AHT-a Donostiara, Espainiako Gobernuaren hitzetan.
Petronorrek 27,8 milioi irabazi zituen 2025ean, aurreko urtean baino % 61 gutxiago, itzalaldiaren eta hiru hilabeteko grebaren eraginez
Konpainiak apirileko itzalaldiaren eraginari eta urteko azken hiruhilekoko lan-gatazkari egotzi die irabazien beherakada. Hala ere, inbertsioak % 48 igo zituen, 217,8 milioi euroraino.
Petrolioaren prezioa % 5 jaitsi da, 98 dolar ingururaino, AEBren eta Iranen arteko elkarrizketen traza ona dela eta
Brenta 98,1 dolarretan kotizatzen da gaur goizean, joan den ostiralean Europan burtsak ixtean kotizatzen zen 103 dolarretatik behera, % 5,2 gutxiago, zehazki. Ekialde hurbileko gerra laster bukatuko den itxaropenak bultzatuta, Asiako Burtsak igoerekin ekin diote egunari eta Burtsa europarren gerorako inbertsioek ere % 1 egin dute gora.
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.