Gasteizko tranbia, zazpi urte eta 48 milioi bidaiari baino gehiago

Euskotrenek kudeatutako Gasteizko tranbia zerbitzuak dagoeneko 48 milioi bidaia gainditu ditu bere zazpigarren urtemuga bete baino lehen, Eusko Jaurlaritzako Ingurumen eta Lurralde Politika Sailak jakitera eman duenez. Urtemuga asteazken honetan izango da.

Urte honetan jadanik zazpi milioi bidaiari gainditu dira. Ingurumen eta Lurralde Politika sailburua den Ana Oregik gaur goizean Euskal Herriako Boulevardeko nasetan “milaka ibilgailuen erabilera ekidinez Arabako hiriburuak mugikortasun arina eta iraunkorra izaten laguntzeko milaka lagun garraiatzearen orduan zerbitzuaren kalitatea, puntualtasuna eta eraginkortasuna” azpimarratu ditu.

Ana Oregik Antonio Aiz Garraio sailburuordearekin, Almudena Ruiz de Angulo Azpiegituretako zuzendariarekin eta Imanol Leza Euskotreneko zuzendariarekin batera, Euskal Herria Boulevardeko geralekua bisitatu du.

Abian jarri zenetik, Euskotreneko tranbien zerbitzuak Arabako hiriburuan 48.051.412 bidaien eskaera lortu du. 2015eko ekitaldi honetan, azaroaren 30era arte pilatutako eskaera, 6.995.547 bidaietan kokatuta dago, horrek esan nahi du 2014ko urtarrila - azaroa aldiarekin konparatuz gero % 5,57ko hazkundea egon dela.

Urte honetako datuek Gasteizko tranbien zerbitzuaren historia laburrean mugarri berri baten lorpena aurreratzen dute, izan ere 2009-2014 (653.423 bidaia) urteen artean abenduan erregistratutako bidaien batezbesteko gehikuntzak, eta aurtengo ekitaldian urtarrila – azaroa aldian pilatutako eskaerak, 2015. urtearen bukaeran 7.650.000 bidaia baino gehiago emango luke, 2011. urtean lortutako aurreko errekorra gaindituz (7.425.646 bidaia).

Abendua eta urtarrila

Zerbitzua gehien erabili diren hilabeteak direla eta, ondorengo hauek azpimarratu behar dira: abendua, hilabeterik onena ondorengo urteetan 2009, 2010 eta 2011 eta urtarrila hurrengo hiru urteetan.

Halere, gaur egun arte, 2015ean erabilera gehiengo hilabetea urria izan da 701.607 bidaiekin. Horien guztien artean, errekorra 2013ko urtarrilak dauka, 706.232 bidaiekin.

Geraleku bakoitzeko bidaiari kopuruen arabera, Angulema bidaiari kopuru handiena daukan geralekua da, eta horren ondoren Legebiltzarra, Europa, Antxo Jakituna eta Honduras.

Aipatu beharra dago autobusen geltoki berria abian jarri zenetik Euskalherria geralekuak erabiltzaile kopurua gehitu egin duela, horrela 2014. urtearekin konparatuz gero, % 94an gehitu da, eta 150.000tik 290.000 bidaiari baino gehiagora igaro da.