Manifestazio jendetsua Sestaon, Arcelorreko enpleguaren defentsan
Manifestazio jendetsua egin dute gaur eguerdian Sestaon, enpleguaren defentsan eta Arcelor Mittal enpresak Sestaon duen lantegiko eta horrentzat lan egiten duten kontratetako eta enpresetako lanpostuak mantentzearen alde.
Arcelor Mittalen ACB altzairutegiko enpresa batzordeak deitu du gaurko manifestazioa, zuzendaritzak Sestaoko lantegia aldi baterako ixteko erabakia iragarri ondoren.
Manifestazioa eguerdian abiatu da Kasko plazatik "Enpleguaren defentsan" lelopean, eta langileek sestaoarren, eskualdeko herritarren eta sindikatu zein alderdi politikoetako ordezkarien babesa izan dute.
Ezkerraldeko eta Meatzaldeko hainbat alkatek eta zinegotzik parte hartu dute manifestazioan. Halaber, bertan izan dira Itxaso Atutxa EAJren BBBko presidentea eta Iker Casanova EH Bilduko legebiltzarkidea.
Sestaoko kaleak zeharkatu ondoren, Kasko plazan amaitu da manifestazioa. Bidean, "ACB ez itxi" eta "langabeziaren aurka langileen borroka" bezalako leloak oihukatu dituzte parte-hartzaileek.
Juan Carlos Diaz ACBko enpresa batzordeko presidenteak azaldu duenez, "aldizka" bada ere, "funtzionatzen jarraitzea" proposatu dio enpresa batzordeak zuzendaritzari Foseko, Frantziako eta Asturiasko lantegietan ekoiztu ezin izango diren tonak "batuz".
Zuzendaritza aipaturiko proposamena aztertzen ari da. Diazen esanetan, proposamena gauzatuz gero ACBk "ez lituzke bezeroak galduko", egungo enplegua bermatuko litzateke eta ekoizpenaren geldialdi "luzea" saihestuko litzateke.
Bestalde, Ivan Calvo Arcelor Mittaleko kontraten bokalak "mahai" bat eskatu du kontratetako 200 langile inguruk "beren ahotsa izateko eta elkarrizketarako" aukera izan dezaten. Gainera, "jarduera mantentzeko" Arcelorrek hartutako konpromisoa betearazteko eskatu diote agintariei.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan Bilboko egoitzan. Erakundeetako eta enpresa munduko ordezkariak bildu dituen ekitaldi batean, konpainiaren historia gogoratu dute, eta "argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolako presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.