Langileak Zumarragatik ahalik eta gertuen kokatzea eskatu du Olanok
Markel Olano Gipuzkoako ahaldun nagusiaren esanetan, "zorigaiztoko albistea" izan da ArcelorMittalek Zumarragako lantegian jarduera etetea erabaki izana eta, bide batez, "erantzukizuna" eskatu dio enpresari, langileak (300 baino gehiago) euren etxeetatik "ahalik eta gertuen" kokatzeko.
Donostian egindako agerraldian Olanok esan duenez, albiste txarra da bai lurraldearentzat, bai Urretxu-Zumarragarentzat, baita Urola Garaia eskualdearentzat ere, baina batez ere bertan lan egiten duten langileentzat da txarra; izan ere, langileek eta haien familiek "jasango dute gehien itxialdiaren kolpea eta ondorioak", gaineratu du Olanok.
Horren ildotik, ahaldun nagusiak adierazi du Gipuzkoako Diputazioak "gertutik" jarraitu duela altzairuaren sektoreak Europan eta Euskadin izandako ibilbidea, eta azken albisteak "oso kezkagarriak" izan direla nabarmendu du.
Halaber, Markel Olanok "elkartasuna eta gertutasuna" helarazi die Zumarragako lantegiko beharginei, eta Gipuzkoako Diputazioaren "lehentasun eta kezka nagusia" haiek direla azpimarratu du. Horren haritik, Olanok esan du foru erakundeak haiei eskainiko diela bere "denbora eta ahalegina".
Ahaldun nagusiaren ustez, ArcelorMittalen erabakia "kolpe handia da Gipuzkoako industriarentzat", bereziki lurralde industriala delako. "Gobernu honek legealdiaren hasieratik egin dio aurre industria indargabetzeko prozesuari, eta Gipuzkoako jarduera ekonomikoari eusteko borroka berretsi egiten du", erantsi du.
Olanok, gainera, "erantzukizuna" eskatu dio ArcelorMittalen zuzendaritzari "erabakiak hartzeko garaia heldu baita", eta, erakunde gisa, bi helburu nagusi jarri ditu. Horietako bat langileek Zumarragatik "ahalik eta gertuen lanean jarraitu ahal izatea" litzateke, horren arabera, baina Diputazioa beldur da langileak Euskaditik kanpo kokatuko dituztela, neurri handi batean. "Nola eta zer-nolako epetan enpresak berak egingo dituen negoziazioen eta proposamenen araberakoak izango dira", gaineratu du.
Ahaldu nagusiaren esanetan, baina, Diputazioak "ahal duen guztia egingo du Zumarragan industria bultzatzeko", eta enpresari inplikazioa eskatu dio, "baliabide korporatiboak" erabil ditzan, besteak beste. Ildo horretan, gogorarazi du halako kasuetan beste enpresa batzuek (Michelinek esate baterako) plan bereziak jarri dituztela martxan halako egoerei aurre egiteko.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan Bilboko egoitzan. Erakundeetako eta enpresa munduko ordezkariak bildu dituen ekitaldi batean, konpainiaren historia gogoratu dute, eta "argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolako presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.