Automozioaren euskal sektoreak 15.000 milioi fakturatu zituen 2015ean
15.004 milioi euro fakturatu zituen automozioaren euskal sektoreak 2015eko ekitaldian (2014an baino % 9,14), marka berri bat ezarrita. Kopuru horrek ez du barne hartzen Gasteizeko Mercedesen lantegia.
Euskadiko Automozioaren Clusterrak (Acicae) Bilbon prentsaurreko batean jakitera eman duenaren arabera, fakturazio datu hori EAEko Barne Produktu Gordinaren % 22 da. Horrez gain, Clusterrak 2016an fakturazioa % 5 eta % 6 bitartean haziko dela aurreikusten du.
Sektorearen fakturazioaren % 90 esportazioari dagokio, eta bere negozio-zenbatekoaren erdia baino gehiago Europatik at sortzen da. Hain zuzen ere, 250 lantegi inguru daude 29 herrialdetan banatuta, batez ere gailentzen ari diren merkatuetan.
Enplegua
Enpleguari dagokionez, sektoreak joera positiboa izan zuen 2015ean, % 1,36 igo baitzen aurreko urtearekin alderatuta, Euskadin. Guztira, 36.583 pertsona zeuden lanean sektorean, eta kopuru horri EAEtik kanpo lan egiten duten 40.000 pertsonak gehitu behar zaizkio.
Acicaeko arduradunek adierazi dutenez, kanpoko enpleguaren eboluzioa kontua hartuz gero, hazkuntza % 1,36 baino handiagoa izango litzateke. Horrez gain, nabarmendu dute, kanpoaldean izandako hazkuntzak EAEn lanpostuak sortzea ahalbidetzen duela, eta zehaztu nahi izan dute lanpostu horiek "kalitatezkoak" direla.
Etorkizunari begira, aipatu dute sektoreak kontsumoaren, isurketen eta segurtasunaren erronkei aurre egin beharko diela, eta horrek "teknologien arteko nahastea" gerta dadila eskatuko duela.
Albiste gehiago ekonomia
UEFA Europa Leagueko finalaren itzulkina inbertsioa baino hamar aldiz handiagoa izango dela uste du Bilbok
Elkarrekin Bilbaok eta EH Bilduk datu zehatzagoak eskatu dituzte ingurumen-inpaktuari, sortutako benetako enpleguari eta proiektatzen den hiri-ereduari buruz.
Azken egunetako txingorrak kalte "oso handia" eragin du Arabako Errioxako mahastietan
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuaren arabera, Samaniego, Navaridas, Leza eta Eskuernaga herrietan jo du gogorren.
EBk errepresaliak atzeratu ditu Trumpen muga-zergen aurrean, negoziatzen jarraitzeko
Ursula von der Leyen Europako Batzordeko presidenteak iragarri duenez, abuztuaren 1era arte jarrituko dute negoziatzen, egun horretan amaitzen baita negoziatzeko luzapena AEBk muga-zergak % 30era igo aurretik.
Metro Bilbaoko makinistek 9 eguneko lanuzteak deitu dituzte uztailaren 30etik abuztuaren 22ra
SEMAF sindikatuak kolektiboa profesionalizatzearen, erantzukizunak eta lanpostuan aurre egin beharreko arriskuak hitzarmenean jasotzea nahi du. Lanuzteak uztailaren 30ean eta abuztuaren 6, 11 eta 13an 12:30etik 16:30era eta abuztuaren 18, 19, 20, 21 eta 22an 21:00etatik 01:00etara egingo dituzte.
Talgoren operazioa "datozen egunetan, uztailean, gauzatzea" espero du Ramiro Gonzalezek
Ramiro Gonzalez Arabako ahaldun nagusiaren arabera, Sidenor buru duen euskal partzuergoak (Finkatuz Eusko Jaurlaritzaren funts publikoak eta BBK eta Vital kutxek ere parte hartzen dute horretan) Talgo erosteko negoziazioei ekin diete berriro azken egunetan, eta "bide onetik doaz". Ildo horretan, operazioa datorren astean edo uztailean gauzatzea espero duela esan du.
Jainagak lankidetza publiko-pribatua defendatu du Talgoren erosketaren testuinguruan
Jose Antonio Jainaga Sidenorreko presidenteak jaso du Joxe Mari Korta 2025 saria, "enpresa-berrikuntzaren alde egindako lanagatik". Bere hitzaldian, Talgo erosteko operazioa aipatu du, eta lankidetza publiko-pribatua defendatu du. Imanol Pradales lehendakariak euskal industriarekin duen konpromisoa eskertu dio.
Jose Antonio Jainagak 2025 urteko Joxe Mari Korta saria jaso du
Jose Antonio Jainagak Imanol Pradales lehendakariaren eta Mikel Jauregi Industria, Trantsizio Energetiko eta Jasangarritasuneko sailburuaren eskutik jaso du saria. Imanol Pradalesek eskerrak eman dizkio Sidenorreko presidenteari, bere ibilbide luzean erakutsitako konpromisoagatik, "aurrera pauso bat eman, arriskuak hartu eta inbertitzen dutenei balioa ematen dien" euskal ereduari erantzuten diolako.
Gaztelagun programa: Eusko Jaurlaritzak igo du alokairurako dirulaguntzak eskatzeko diru-sarreren muga
Laguntza eskatzen duten gazteen kasuan, urteko diru-sarreren muga 30.000 eurora igo dute; familien kasuan, 36.764 eurora.
Euskal partzuergoak 75 milioi bildu ditu Talgo erosteko, eta espero du SEPIk ere beste horrenbeste jartzea
EAJren arabera, Espainiako Gobernuak konpromisoa hartu zuen erosketa babesteko eta enpresa indartzeko, SEPIren bidez 150 milioi euroko mailegua eginda. Ondoren, eragiketa bitan banatzea proposatu zuen, euskal partzuergoak eta SEPIk 75 millioi bana bideratzeko.
Behargin bat larri zauritu da Bilboko Kale Nagusian, jasogailu batek burua harrapatuta
Larrialdi zerbitzuek 15:30 aldera jaso dute abisua, eta osasun langileek zauritua egonkortu eta Gurutzetako ospitalera (Barakaldo) eraman dute.